Զենք և Կտակարան
Զենք և Կտակարան (անգլ.՝ Arms and the Covenant), Ուինստոն Չերչիլի հեղինակած և 1938 թվականին հրատարակած գիտահանրամատչելի գիրքը[2], որն ավելի ուշ Ամերիկայի Միացյալ Նահանգներում լույս է տեսել Մինչ Անգլիան քնած էր. 1932-1938 թթ. միջազգային իրադարձությունների լուսաբանում («While England Slept; a Survey of World Affairs, 1932–1938») խորագրով[3]։ Այդ գրքում, որն ամփոփում էր 1928 թվականի հոկտեմերի 25-ից մինչև 1938 թվականի մարտի 24-ն ընկած ժամանակամիջոցում Չերչիլի ունեցած ելույթները և ռազմական թեմայով նրա հեղինակած գրքերից առաջինն էր[4][5], ընդգծված է Մեծ Բրիտանիայի ռազմական պատրաստվածության անբավարար լինելը նացիստական Գերմանիայի էքսպանսիայի սպառնալիքին հակադրվելուն և քննադատության է ենթարկված բրիտանական կառավարության վարած քաղաքականությունը՝ վարչապետի՝ պահպանողական կուսակցության ներկայացուցիչ Նևիլ Չեմբեռլենի գլխավորությամբ։ Գիրքը, որտեղ հեղինակը մարգարեանալով նախազգուշացրել է պատերազմի դարանակալած վտանգի մասին[4], ոգեշնչել է Չերչիլի բազմաթիվ աջակիցներին և հասարակության շրջանում ընդդիմադիր տրամադրություն ստեղծել Մյունխենյան համաձայնագրի նկատմամբ[6]։
Զենք և Կտակարան | |
|---|---|
| Հեղինակ | Ուինսթոն Չերչիլ |
| Տեսակ | գրական ստեղծագործություն |
| Երկիր | .svg){kind=small} Միացյալ Թագավորություն |
| Հրատարակման տարեթիվ | 1938[1] |
| OCLC | 470130900 |
Հարվարդի քոլեջի ավարտական կուրսում սովորելու ժամանակ Ջոն Քենեդին իր ավարտական ատենախոսության թեմա է ընտրել Չերչիլի «Զենք և Կտակարան» գրքի վերլուծությունը և հանգամանորեն քննության է առել Մեծ Բրիտանիայի ռազմական պատրաստվածության անբավարար լինելու պատճառները։ Քենեդին սկզբում որոշել էր իր աշխատությունը վերնագրել «Հաշտեցում Մյունխենում» (Appeasement in Munich), բայց վերջնական տարբերակը 1940 թվականին լույս է ընծայել «Ինչու էր Անգլիան քնած» (Why England Slept) խորագրով[7]։
Ծանոթագրություններ
խմբագրել- ↑ Freebase տվյալների վերբեռնում — Google.
- ↑ «When Churchill met traitor Guy Burgess». The Daily Telegraph. 2015 թ․ սեպտեմբերի 29.
- ↑ «Arms and the Covenant» (PDF). Churchill at Chartwell. Chartwell Booksellers. Արխիվացված է օրիգինալից (PDF) 2016 թ․ մարտի 4-ին. Վերցված է 2015 թ․ ապրիլի 7-ին.
- ↑ 4,0 4,1 «Arms and the Covenant / While England Slept» (անգլերեն). churchillbookcollector.com. Վերցված է 2017 թ․ նոյեմբերի 10-ին.
- ↑ «Արխիվացված պատճենը» (PDF) (անգլերեն). Chartwell Booksellers. Արխիվացված է օրիգինալից (PDF) 2016 թ․ մարտի 4-ին. Վերցված է 2020 թ․ սեպտեմբերի 11-ին.
- ↑ Barbara Leaming (2007 թ․ օգոստոսի 17). Jack Kennedy: The Education of a Statesman. W. W. Norton. էջեր 103–. ISBN 978-0-393-34428-8.
- ↑ Richard M. Langworth (2017 թ․ նոյեմբերի 1). Winston Churchill, Myth and Reality: What He Actually Did and Said. McFarland. էջեր 225–. ISBN 978-1-4766-7460-5.