Երևանի ոսկերչական գործարան

Երևանի ոսկերչական գործարան, Երևանի, ԽՍՀՄ սարքաշինության, ավտոմատացման միջոցների և կառավարման համակարգերի ձեռնարկություն։ Կազմակերպվել է 1950 թվականին (գործարան), «Արծաթագործ» արտելի հիման վրա։ Ոսկերչական գործարան է կոչվում 1965 թվականից։ Արտադրում է 85-90 տեսակի ոսկյա մատանիներ, ականջօղեր, շղթաներ, ժամացույցի պատյաններ, այլ զարդեր։ Արտադրությունը կազմակերպված է հոսքային եղանակով։ Ունի ձուլման, մամլման, հավաքման, քարամրացման, փայլեցման և այլ արտադրամասեր։ Հումքի որոշ տեսակներ (թանկարժեք և կիսաթանկարժեք զմրուխտ, ադամանդ, սուտակ, շափյուղա են) 1951 թվականից կոոպերացման կարգով ստացել է Լենինգրադի և Սվերդլովսկի «Ռուսսամոցվետի» գործարաններից, 1962 թվականից՝ Նոր Հաճնի ճշգրիտ տեխնիկական քարերի գործարանից։ Պատրաստի արտադրանքն իրացվում է ԽՍՀՄ-ում, արտահանվում սոցիալիստական երկրներ, նաև՝ ԱՄՆ, ԳՖՀ, Անգլիա, Ֆրանսիա։ Համագործակցում է Լենինգրադի ոսկերչական արդյունաբերության համամիութենական ԳՀԻ-ի հետ։

Երևանի ոսկերչական գործարան
ԵրկիրFlag of Armenia.svg Հայաստան
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png