Երևանի Ստեփան Զորյանի անվան թիվ 56 դպրոց

Երևանի Ստեփան Զորյանի անվան թիվ 56 դպրոց, հանրակրթական դպրոց Երևանի Արաբկիր վարչական շրջանում։

Երևանի Ստեփան Զորյանի անվան թիվ 56 դպրոց
Տեսակ	դպրոց
Հիմնադրված է	սեպտեմբերի 1, 1947
Անվանված է	Ստեփան Զորյան
Տնօրեն	Գալստյան Սուսաննա
Աշակերտներ	894
Երկիր	Հայաստան
Տեղագրություն	Երևան
Հասցե	Երևան, Արաբկիր վարչական շրջան, Հրաչյա Քոչար 13

Պատմություն

Դպրոցը հիմնադրվել է 1947 թվականի սեպտեմբերի 1-ին, Արաբկիր փողոցի վրա գտնվող մասնավոր տանը։ Ունեցել է ութ դասարան, ութ ուսուցիչ։ Ստեփան Զորյանի անվամբ անվանակոչվել է 1968 թվականի հոկտեմբերի 14-ին։ 1994 թվականին դպրոցը ներգրավվել է այլընտրանքային կրթության մի շարք ծրագրերում և դասընթացներում՝ Կիրառական տնտեսագիտություն, Բարոյագիտություն, Հոգեբանություն, Տրամաբանություն, Քայլ առ քայլ, Էկոլոգիա, Առողջապահություն, Կյանքի հմտություններ, Բարև, Երիտասարդական նվաճումներ, Պատանեկան նվաճումներ, Մարդը՝ մարդուն, Կենգուրու միջազգային մաթեմատիկական խաղ-մրցույթ։ Դպրոցի ռազմագիտության կաբինետը և հրաձգարանն անվանակոչվել են Արցախյան պատերազմում զոհված ազատամարտիկներ, դպրոցի նախկին շրջանավարտներ Գագիկ Գևորգյանի և Անդրանիկ Ներսիսյանի անուններով։

Միջոցառումներ

Դպրոցում իրականացվում է Ստեփան Զորյանի ծննդյան տարեդարձին նվիրված միջոցառումների շարք, խոնարհման դաս գրողի շիրիմի մոտ՝ Կոմիտասի անվան պանթեոնում, իրականացնում է Հայոց բանակի ծննդյան տարեդարձին նվիրված միջոցառումներ, Հայոց եղեռնի զոհերի հիշատակին նվիրված ազգային տուրքի նվիրատվություն «Հայաստան» Համահայկական Հիմնադրամին։

Շրջանավարտներ

• Արեգ Գրիգորյան
• Գոհար Իգիթյան
• Գուրգեն Արսենյան