Երվանդ Գևորգյան

Վիքիպեդիայում կան հոդվածներ Գևորգյան ազգանունով այլ մարդկանց մասին։

Երվանդ Հարությունի Գևորգյան (1920, Բերդ, Ղազախի գավառ, Ռուսական կայսրություն), հայ մանկավարժ, Երկրորդ համաշխարհային պատերազմի մասնակից, ԽՄԿԿ անդամ։

Երվանդ Գևորգյան
Ծնվել է	1920
Ծննդավայր	Բերդ, Ղազախի գավառ, Ռուսական կայսրություն
Մասնագիտություն	մանկավարժ
Կուսակցություն	ԽՄԿԿ

Ծնվել է Շամշադինի շրջանի Բերդ գյուղում (այժմ՝ քաղաք)։ 1939 թվականին, ավարտելով տեղի միջնակարգ դպրոցը, զորակոչվել է բանակ։ Հիվանդության պատճառով 1940 թվականին ազատվել է բանակից և ուսուցչական աշխատանքի անցել Նավուր գյուղում։ 1942 թվականի մայիսին կրկին զորակոչվել է բանակ և մասնակցել Հյուսիսային Կովկասում մղվող մարտերին։ 1942 թվականի նոյեմբերի 11-ին երկու անգամ վիրավորվել է։ Բուժվելուց հետո 1943 թվականին զորացրվել է և աշխատանքի անցել Նավուր գյուղում, ուր աշխատել է մինչև 1945 թվականը։ 1947-1955 թվականներին որպես ուսուցիչ աշխատել է Բերդի ութամյա դպրոցում, իսկ այնուհետև մինչև 1964 թվականը՝ կուսշրջկոմում որպես հրահանգիչ։ 1964 թվականի մայիսից մեկ տարի աշխատել է հասարակական սննդի միավորման տնօրեն, մեկ տարի էլ՝ քաղլուսկաբինետի գրադարանի վարիչ։ 1967 թվականից զբաղեցրել է Շամշադինի շրջանի մամուլի գործակալության պետի պաշտոնը։