Եղիա Հայպետ

Եղիա Հայպետ (Եղիա Տեր-Հայրապետյան, 1883, Տեղ, Զանգեզուրի գավառ, Ելիզավետպոլի նահանգ, Ռուսական կայսրություն - ՞), իրանահայ բանաստեղծ։

Եղիա Հայպետ
Ծնվել է	1883
Ծննդավայր	Տեղ, Զանգեզուրի գավառ, Ելիզավետպոլի նահանգ, Ռուսական կայսրություն

Կենսագրություն

Ծնվել է 1883 թվականին Զանգեզուրի Տեղ գյուղում։ Նախնական կրթությունը ստացել է Շուշիում, ապա անցել է Թիֆլիս, ավարտել Ներսիսյան վարժարանը։ Մեկ տարի էլ հետևել է Էջմիածնի Գևորգյան ճեմարանի դասընթացներին։ Այնուհետև ուսուցչություն է արել Բաքվում։ 1918 թվականից հաստատվել է Թեհրանում, որտեղ զբաղվել է հայերեն և ռուսերեն մասնավոր դասեր տալով։ Գրել սկսել է տասնչորս տարեկանից, առաջին հրատարակված գործը «Զանգեզուր» ստեղծագործությունն է։ Աշխատակցել է սփյուռքի զանազան պարբերականների։ Նրա «Մոր սիրտը» ստեղծագործությունն արժանացել է Հովհաննես Թումանյանի ջերմ գնահատականին։ «Սայաթ Նովա» գործը բարձր է գնահատել «Հայրենիքի» խմբագրապետ Ռուբեն Դարբինյանը։