Եկատերինա Սեմյոնովա (դերասանուհի)
Եկատերինա Թենգիզովնա Սեմյոնովա (ռուս.՝ Екатерина Тенгизовна Семёнова, ապրիլի 18, 1971, Մոնինո, Shchyolkovsky District, Մոսկվայի մարզ, ՌԽՖՍՀ, ԽՍՀՄ), կինոյի և թատրոնի ռուս դերասանուհի։
 | |
|---|---|
| Ծնվել է | ապրիլի 18, 1971 (52 տարեկան) |
| Ծննդավայր | Մոնինո, Shchyolkovsky District, Մոսկվայի մարզ, ՌԽՖՍՀ, ԽՍՀՄ |
| Կրթություն | ՄԳԱԹ-ի դպրոց-ստուդիա (1992) |
| Քաղաքացիություն |  ԽՍՀՄ և  Ռուսաստան |
| Մասնագիտություն | դերասանուհի և կինոդերասանուհի |
| Ծնողներ | հայր՝ Տենգիզ Սեմյոնով, մայր՝ Նատալյա Օռլովա |
| ekaterina-semenova.ru | |
Կենսագրություն խմբագրել
Եկատերինա Սեմյոնովան ծնվել է 1971 թվականի ապրիլի 18-ին Ռուսաստանի Մոսկվայի մարզի Մոնինո քաղաքում։ Հայրը՝ Թենգիզ Ալեքսանդրովիչ Սոմյոնովը, վավերագրական ֆիլմերի ռեժիսոր է, մայրը՝ Նատալյա Օռլովան, նկարիչ-մուլտիպլիկատոր («Երրորդ մոլորակի գաղտնիքը» (ռուս.՝ «Тайна третьей планеты») ֆիլմի վրա աշխատելիս նա Ալիսա Սելեզնյովայի կերպարը նկարել է իր երեքամյա դստեր՝ Կատյայի նմանությամբ)։
1992 թվականին Եկատերինա Սեմյոնովան ավարտել է Մոսկվայի գեղարվեստական ակադեմիական թատրոնի դպրոց-ստուդիան (Իվան Տարխանովի կուրս)։ Մոսկվայի գեղարվեստական ակադեմիական թատրոնի բեմում նրա նորամուտային դերը եղել է «Ունդինա» ներկայացման մեջ (Ունդինա)։
1992 թվականին Եկատերինա Սեմյոնովան ընդունվել է Մոսկվայի «Սովրեմեննիկ» թատրոնի թատերախումբ։
2002 թվականին նա սկսել է աշխատել Մոսկվայի Անտոն Չեխովի անվան գեղարվեստական թատրոնում։
Եկատերինա Սեմյոնովան հարաբերություններ է ունեցել Անտոն Տաբակովի, Ալեքսեյ Մակարովի ու ռուսական կինոյի այլ աստղերի հետ[1]։ Անտոն Տաբակովի հետ քաղաքացիական ամուսնությունից[2] Եկատերինա Սեմյոնովան ունեցել է մեկ որդի[2]՝ Նիկիտան (ծնվել է 1990 թվականին)։ Եկատերինա Սեմյոնովայի առաջին ամուսինը եղել է ձեռներեց Կիրիլ Սիգալը, որից նա ունեցել է մեկ դուստր՝ Մարիան (ծնվել է 1997 թվականին)։ 2008 թվականին Եկատերինա Սեմյոնովան ամուսնացել է ձեռներեց Լեոնիդի հետ. ամուսնալուծվել են 2013 թվականին։
Արվեստ խմբագրել
Դերեր թատրոնում խմբագրել
- «Ունդինա», գերմանական էպոս – Ունդինա
- «Երեք քույր», Անտոն Չեխով – Իրինա, Նատաշա
- «Բալենու այգին», Անտոն Չեխով – Անյա
- «Աստղեր վաղորդյան երկնքում» – Մարիա
- «Չորս տող սկսնակի համար» (ռուս.՝ «Четыре строчки для дебютантки») – Կոլոմբա
- «Անֆիսա» – Նինոչկա
- «Արկադիա», Թոմ Ստոպարդ (2003) – Լեդի Կրում
- «Անտիգոնա»
- «Սուրբ կրակ»
- «Բադի որս», Ալեքսանդր Վամպիլով
- «Սիրո սուբլիմացիա»
Ֆիլմագրություն խմբագրել
- 1987 – Տղամարդկանց դիմանկարներ (ռուս.՝ Мужские портреты)
- 1989 – Սանդուղք (ռուս.՝ Лестница) – հետաքրքրասեր հյուր
- 1991 – Գիշատիչներ (ռուս.՝ Хищники) – Մարինա Գայ
- 1992 – Տեսնել Փարիզն ու մեռնել (ռուս.՝ Увидеть Париж и умереть) – Կատյա
- 1992-1994 – Գորյաչևն ու մյուսները (ռուս.՝ Горячев и другие)
- 1992 – Միլիոնից մեկը (ռուս.՝ Одна на миллион)
- 1993 – Հաջողության գերիները (ռուս.՝ Пленники удачи)
- 1993 – Դիմակով մեղսագործուհին (ռուս.՝ Грешница в маске) (Ուկրաինա, Գերմանիա, ԱՄՆ)
- 1999 – Նախագահն ու իր թոռնուհին (ռուս.՝ Президент и его внучка) – հարս (տիտրերում՝ Եկատերինա Սիգալ)
- 2002 – Երկու ճակատագիր (ռուս.՝ Две судьбы) – Վերա
- 2004 – Երկու ճակատագիր-2 (ռուս.՝ Две судьбы-2) – Վերա Պետրովնա
- 2004 – Игра на выбывание – Տատյանա
- 2004 – Կոմս Կրեստովսկի (ռուս.՝ Граф Крестовский) – Սվետլանա
- 2005 – Մահացու ուժ-6 (ռուս.՝ Убойная сила-6) – Նադեժդա Սոկոլովա, սերիա «Выгодный жених»
- 2005 – Եսենին (ռուս.՝ Есенин) – Աննա Իզրյադնովա, բանաստեղծի առաջին կինը
- 2005 – Երկու ճակատագիր-3 (ռուս.՝ Две судьбы-3) – Վերա Պետրովնա
- 2005 – Բանկիր կանայք (ռուս.՝ Банкирши) – Թամարա
- 2006 – Երջանկություն բաղադրատոմսով (ռուս.՝ Счастье по рецепту) – Մաշա
- 2006 – Աշխարհի վերջը (ռուս.՝ Конец света) – Վիկտորյա Գոլդբերգ
- 2007 – Ուրիշի գաղտնիքները (ռուս.՝ Чужие тайны) – Տատյանա Կուլիկ
- 2007 – Այդպես լինում է (ռուս.՝ Так бывает)
- 2007 – Հոգեկան հիվանդը (ռուս.՝ Психопатка) – Էլյա, Աննայի ընկերուհին
- 2007 – Любовь на острие ножа – Կատյա Լոգինովա
- 2008 – Երկու ճակատագիր։ Նոր կյանք (ռուս.՝ Две судьбы. Новая жизнь.) – Վերա Պետրովնա
- 2008 – Երբ սերը չի բավարարում (ռուս.՝ Когда не хватает любви) – Թամարա
- 2008 – Սպանություն ամառանոցային սեզոնում (ռուս.՝ Убийство в дачный сезон) – Ուլյանա Տարասովա
- 2008 – Մոնտեքրիստո (ռուս.՝ Монтекристо) – Յուլյա Մեդվեդևա
- 2008 – Աստծո պարգև (ռուս.՝ Дар Божий) – Մարինա
- 2008 – Հանդիպակաց ուղի (ռուս.՝ Встречная полоса) – Պոլինա Չիստյակովա
- 2009 – Վայրի (ռուս.՝ Дикий) – Օլգա Սերգեևնա
- 2009 – Վարվառա (ռուս.՝ Варвара) – Դուբրավա, Վարվառայի մայրը
- 2014 – Անհնարինի կեսերը (ռուս.՝ Половинки невозможного) – Իրինա Կամենեցկայա
Մուլտֆիլմերի հնչյունավորում խմբագրել
Փաստեր խմբագրել
- Մոսկվայի «Սովրեմեննիկ» թատրոնում խաղալիս Եկատերինա Սեմյոնովան վերցրել է Սիգալ կեղծանունը, սակայն Գալինա Վոլչեկի պնդմամբ հետագայում թողել է իր ազգանունը[3]։
Ծանոթագրություններ խմբագրել
- ↑ «Екатерина Семёнова актриса». Արխիվացված է օրիգինալից 2017 թ․ հուլիսի 10-ին. Վերցված է 2017 թ․ մայիսի 25-ին.
- ↑ 2,0 2,1 Екатерина Семенова: у Табакова не было места в паспорте для печати о браке
- ↑ http://www.peoples.ru/art/cinema/actor/e_t_semenova/index.html Семёнова на www.peoples.ru
Արտաքին հղումներ խմբագրել
- Եկատերինա Սեմյոնովա (անգլ.) Internet Movie Database կայքում
- Եկատերինա Սեմյոնովան ruskino.ru կայքում Արխիվացված 2016-12-14 Wayback Machine