Ելենա Գասպարյան
- Վիքիպեդիայում կան հոդվածներ Գասպարյան ազգանունով այլ մարդկանց մասին։
Ելենա Հովհաննեսի Գասպարյան (1912, Բաքու -), հայ բժիշկ, թերապևտ, պրոֆպաթոլոգ։ Բժշկագիտության դոկտոր (1969), պրոֆեսոր (1970):
 | |
|---|---|
 | |
| Ծնվել է | 1912 |
| Ծննդավայր | Բաքու |
| Քաղաքացիություն | .svg){kind=small} Հայկական ԽՍՀ |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան (1936) |
| Մասնագիտություն | բժիշկ |
| Գիտական աստիճան | բժշկական գիտությունների դոկտոր (1969) և պրոֆեսոր (1970) |
Կենսագրություն խմբագրել
Բաքվում միջնակարգ կրթությունն ստանալուց հետո 1931 թվականին ընդունվել է Երևանի բժշկական ինստիտուտ և գերազանցության դիպլոմով ավարտել է 1936 թվականին։ Աշխատանքային գործունեությունն սկսում է Արզնի առողջարանից։ 1939 թվականին ընդունվել է ֆակուլտետային թերապիայի ամբիոնի ասպիրանտուրա։
Հայրենական մեծ պատերազմի առաջին օրերին ուղարկվել է № 1472 էվակուհոսպիտալ որպես վիրաբուժության բաժանմունքի պետ։ Երեքուկես տարում դառնում է որակյալ մասնագետ, մասնակցում բարդ վիրահատումների, ինքնուրույն վիրահատում (ռումբի բեկորների հեռացում, որովայնի վիրահատում, վերջավորությունների հեռացում)։
Պատերազմից հետո եղել է ասիստենտ Երևանի բժշկական ինստիտուտի ներքին հիվանդությունների ամբիոնում։ 1952 թվականին պաշտպանել է ատենախոսություն և ստացել բժշկական գիտությունների թեկնածուի գիտական աստիճան, 1954 թվականին նրան շնորհվել է դոցենտի կոչում։ Նվիրվել է պրոֆախտաբանության հրատապ խնդիրների գիտական մշակմանը։ 1969 թվականին ստացել է դոկտորի գիտական աստիճան, իսկ մեկ տարի հետո՝ պրոֆեսորի կոչում։
Գրել է շուրջ վեց տասնյակ գիտական աշխատություններ ու հոդվածներ[1]։
Ծանոթագրություններ խմբագրել
- ↑ Ա. Վ. Գրիգորյան, Բ. Գ. Մելքումյան, Հայաստանի բժիշկները Մեծ հայրենականում, գիրք 2, Ե., 1987, էջ 62-64։