Դևիդ Կոխ
Դևիդ Համիլթոն Կոխ (անգլ.՝ David Hamilton Koch, մայիսի 3, 1940[1][2], Ուիչիտո, Կանզաս, ԱՄՆ[1] - օգոստոսի 23, 2019[1][2], Սաութհեմփթոն, Սաֆոլկ շրջան, Նյու Յորք, ԱՄՆ[1]), ամերիկացի գործարար, մարդասեր, քաղաքական ակտիվիստ և ճարտարագետ-քիմիկոս։ 1970 թվականին միացավ ԱՄՆ-ում մասնավոր ընկերությունների մեջ 2-րդը համարվող Koch Industries ընտանեկան բիզնեսին։ 1979 թվականին դարձավ Koch Industries-ի Koch Engineering մասնաճյուղի նախագահը, իսկ 1983 թվականին եղբոր՝ Չարլզի հետ՝ Koch Industries-ի համասեփականատերը։ Այժմ զբաղեցնում է ընկերության գործադիր փոխնախագահի պաշտոնը։
| Դևիդ Կոխ անգլ.՝ David Koch | |
|---|---|
 | |
| Ծնվել է | մայիսի 3, 1940[1][2] |
| Ծննդավայր | Ուիչիտո, Կանզաս, ԱՄՆ[1] |
| Մահացել է | օգոստոսի 23, 2019[1][2] (79 տարեկան) |
| Մահվան վայր | Սաութհեմփթոն, Սաֆոլկ շրջան, Նյու Յորք, ԱՄՆ[1] |
| Քաղաքացիություն |  ԱՄՆ |
| Կրթություն | Մասաչուսեթսի տեխնոլոգիական ինստիտուտ (1963), Մասաչուսեթսի տեխնոլոգիական ինստիտուտ (1962) և Դիրֆիլդի ակադեմիա (1959) |
| Մասնագիտություն | գործարար, ճարտարագետ, ձեռնարկատեր, քաղաքական գործիչ, վաճառական, քիմիկոս, քաղաքական ակտիվիստ և բարեգործ |
| Ամուսին | Julia Koch? |
| Ծնողներ | հայր՝ Ֆրեդ Կոխ, մայր՝ Mary Clementine Koch? |
| Կուսակցություն | Libertarian Party? և ԱՄՆ Հանրապետական կուսակցություն |
| Կայք | kochfamilyfoundations.org news.kochind.com/media-resources/leadership-bios/david-h-koch davidkochfoundation.org |
 David H. Koch Վիքիպահեստում | |
Կոխն ազդեցիկ ազատական է։ 1980 թվականին ԱՄՆ փոխնախագահի թեկնածու էր Ազատական կուսակցությունից․ ֆինանսապես օգնեց նաև քարոզարշավին։ Հիմնադրել է «Ձայնեղ տնտեսության քաղաքացիներ» (անգլ.՝ Citizens for a Sound Economy) քաղաքական խումբը[3]։ Նա և եղբայրը՝ Չարլզը, նվիրատվություններ են կատարել քաղաքական պաշտպանության խմբերի[4] և գրեթե միշտ հանրապետական քաղաքական քարոզարշավներին[5]։
Portfolio.com կայքը նրան բնութագրել է որպես «Ամերիկայի ամենաբարեհոգի, բայց ուշադրություն գրավել չցանկացող մարդասերներից մեկը»[6]։ Կոխը բարեգործություններ է կատարել Լինքոլն Սենթրին, Սլոան Քեթերինգին, Նյու Յորքի եկեղեցական հիվանդանոցի վերարտադրողական առողջության կլինիկային և ԱՄՆ բնության պատմության թանգարանին[3]։ Լինքոլն Սենթրում գտնվող Նյու Յորքի պետական թատրոնը, որը Նյու Յորքի բալետի տունն է համարվում, 2008 թվականից կրում է Դևիդ Կոխի անունը՝ այն բանից հետո, երբ Դևիդը 100 մլն ԱՄՆ դոլար նվիրաբերեց թատրոնի վերանորոգման համար։
2012 թվականի տվյալներով Կոխն ԱՄՆ-ի 4-րդ ամենահարուստ մարդն էր, իսկ 2013 թվականի տվյալներով՝ Նյու Յորքի ամենահարուստ մարդը[7]։ 2014 թվականի տվյալներով՝ աշխարհի 9-րդ ամենահարուստ մարդն էր[8]։
1991 թվականի USAir 1493 ավիավթարի վերապրողներից է։
Ծանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 https://www.nytimes.com/2019/08/23/us/david-koch-dead.html
- ↑ 2,0 2,1 2,2 2,3 2,4 Munzinger Personen (գերմ.)
- ↑ 3,0 3,1 Suzan Mazur, "The Altenberg 16: An Exposé of the Evolution Industry", North Atlantic Books, 2010, 343 pages
- ↑ Goldman, Andrew (2010 թ․ հուլիսի 25). «The Billionaire's Party: David Koch is New York's second-richest man, a celebrated patron of the arts, and the tea party's wallet». New York magazine. Վերցված է 2010 թ․ օգոստոսի 26-ին.
- ↑ «Koch Industries: Summary». OpenSecrets.org. Վերցված է 2015 թ․ հունիսի 10-ին.
- ↑ Weiss, Gary, "The Price of Immortality", Condé Nast Portfolio, November 2008.
- ↑ «David Koch – Forbes». Forbes. 2011 թ․ մարտի 9. Վերցված է 2015 թ․ հունիսի 10-ին.
- ↑ «Hurun Report Global Rich List 2014». Hurun Report. Արխիվացված է օրիգինալից 2014 թ․ օգոստոսի 8-ին. Վերցված է 2015 թ․ դեկտեմբերի 29-ին.
Արտաքին հղումներ
խմբագրել- Political contributions Արխիվացված 2010-11-03 Wayback Machine from Influence Explorer at the Sunlight Foundation
- Names in the News: David and Charles Koch Արխիվացված 2014-07-26 Wayback Machine at FollowTheMoney.org
- Collected news and commentary at The New York Times
- Daniel Schulman (2014 թ․ մայիսի 20). Sons of Wichita. Grand Central Publishing. ISBN 1455518735.