Դրագուտին Տադիյանովիչ
Դրագուտին Տադիյանովիչ (խորվ.՝ Dragutin Tadijanović, նոյեմբերի 4, 1905[1], Սլավոնական բրոդ, Požega County, Խորվաթիայի և Սլավոնիայի թագավորություն, Տրանսլեյտանիա, Ավստրո-Հունգարիա - հունիսի 27, 2007[2], Զագրեբ, Խորվաթիա), խորվաթ հայտնի բանաստեղծ։
| Դրագուտին Տադիյանովիչ խորվ.՝ Dragutin Tadijanović | |
|---|---|
 | |
| Ծնվել է | նոյեմբերի 4, 1905[1] |
| Ծննդավայր | Սլավոնական բրոդ, Požega County, Խորվաթիայի և Սլավոնիայի թագավորություն, Տրանսլեյտանիա, Ավստրո-Հունգարիա |
| Մահացել է | հունիսի 27, 2007[2] (101 տարեկան) |
| Մահվան վայր | Զագրեբ, Խորվաթիա |
| Գերեզման | Միրոգոյ գերեզմանատուն[3] |
| Քաղաքացիություն | .svg){kind=small} ՀՍՖՀ և  Խորվաթիա |
| Մայրենի լեզու | խորվաթերեն |
| Մասնագիտություն | լեզվաբան, բանաստեղծ, թարգմանիչ և գրող |
| Պարգևներ և մրցանակներ | |
| Անդամություն | Խորվաթիայի գիտությունների և արվեստների ակադեմիա |
Կենսագրություն խմբագրել
Դրագուտին Տադիյանովիչը ծնվել է Սլավոնական բրոդ քաղաքի մոտ գտնվող Ռաստուշյե գյուղում։
Իր առաջին ստեղծագործությունները Դրագուտին Տադիյանովիչը հրատարակել է 1922 թվականին։ 1937 թվականին նա ավարտել է Զագրեբի համալսարանը։ 1935-1940 թվականներին աշխատել է «Narodne novine» անգլերեն լույս տեսնող թերթում։ 1939-1945 թվականներին դասավանդել է Զագրեբի գեղարվեստի ակադեմիայում։ Հետագայում աշխատել է «Zora», «Hrvatski pjesnici», «Matica» հրատարակչություններում։ Հետագայում ընդունվել է Խորվաթիայի գիտությունների և արվեստների ակադեմիան և 1953 թվականին դարձել այդ ակադեմիայի տնօրենը և մինչև իր թոշակի անցնելը՝ 1973 թվականն աշխատել է այդտեղ։
1964-1965 թվականներին եղել է Խորվաթիայի գրողների միության նախագահը։ Նա համարվել է 20-րդ դարի ամենահանրաճանաչ և ազդեցիկ խորվաթ բանաստեղծներից մեկը։ Նրա «Սպանդի բալլադը» բանաստեղծությունը, որը գրվել է 1930-ական թվականներին, ճանաչվել է խորվաթական գրականության ամենաճանաչված գործերից մեկը։ Իր բանաստեղծություններում նա փառաբանում է իր հայրենիքն ու ժողովրդին։
Տադիյանովիչի ստեղծագործությունները թարգմանվել են ավելի քան 20 լեզվով։ Նա աշխատել է նաև որպես թարգմանիչ, թարգմանել է Յոհան Վոլֆգանգ ֆոն Գյոթեի, Հայնրիխ Հայնեի, Վիտեզսլավ Նեզվալի ստեղծագործությունները։
2000 թվականին Դրագուտին Տադիյանովիչին շնորհվել է Զագրեբի պատվավոր քաղաքացու կոչում[4]։
Դրագուտին Տադիյանովիչն ապրել է 101 տարի, մահացել է 2007 թվականին, թաղվել է Զագրեբի Միրոգոյ գերեզմանատանը։ Նրա վերջին ծննդյան տարեդարձերը լայնորեն լուսաբանվել են ազգային մամուլում։
Պարգևներ և մրցանակներ խմբագրել
- «Իշխան Տրպիմիրի շքանշան»
- «Մադարացի ձիավորի» շքանշան[5]
- Զագրեբի պատվավոր քաղաքացի (2000)
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 http://www.javno.com/en/croatia/clanak.php?id=57519
- ↑ https://www.gradskagroblja.hr/trazilica-pokojnika/15
- ↑ «Od 1990. godine (Republika Hrvatska)». Počasni građanin Grada Zagreba (խորվաթերեն). Официальный сайт Загреба. Արխիվացված օրիգինալից 2012 թ․ փետրվարի 13-ին. Վերցված է 2011 թ․ հուլիսի 26-ին.
- ↑ Указ Президента Республики Болгария от 17 октября 2001 года № 231
Արտաքին հղումներ խմբագրել
- Brešić, Vinko (2007). «Ljetopis Dragutina Tadijanovića» (PDF). Dragutin Tadijanović: Izabrana djela (խորվաթերեն). Zagreb: Matica hrvatska. էջեր 31–38. ISBN 978-953-150-293-1. Արխիվացված է օրիգինալից (PDF) 2019 թ․ հունվարի 5-ին. Վերցված է 2019 թ․ հունվարի 4-ին.
- Offizielle Webseite (kroatisch)
- Website von Dragutin Tadijanović Արխիվացված 2018-11-21 Wayback Machine (kroatisch)
- Die Gedichte (kroatisch/englisch)
- Dragutin Tadijanović, Ehrenbürger von Slavonski Brod (kroatisch)
- Tadijanović vorgestellt im Fremdenverkehrsamt der Stadt Slavonski Brod
- Andenkzimmer von Tadijanović im Franziskanerkloster in Slavonski Brod