Դուրրասի հնագիտական թանգարան

Դուրրասի հնագիտական թանգարան
Տեսակ	հնագիտական թանգարան և թանգարան
Երկիր	Ալբանիա
Տեղագրություն	Դուրրաս
Վայր	Դուրրաս
Հասցե	Rruga Taulantia 32
Հիմնադրվել է	1951
Կայք	durresmuzeu.tpginc.net

Դուրրասի հնագիտական թանգարան (ալբ․՝ Muzeu Arkeologjik), 1951 թվականին Ալբանիայի Դուրրաս քաղաքում հիմնադրված թանգարան։ Համարվում է երկրի ամենամեծ հնագիտական թանգարանը^[1]։ Թանգարանը գտնվում է ծովափին մոտ, նրա հյուսիսային պատը VI դարի բյուզանդական պատ է, որը կառուցվել է վեստգոթերի 481 թվականի արշավանքներից հետո։ 1997 թվականի Ալբանիայի ապստամբության ժամանակ թանգարանը լուրջ վնասներ է կրել^[2]։

Հավաքածու խմբագրել

Թանգարանի հավաքածուն բաղկացած է Դուրրասի հնագույն վայրերից գտնված իրերից, ինչպես նաև ներառում է Հին Հունաստանի, հելլենականության և հռոմեական ժամանակաշրջանների հավաքածուներ^[3]^[4]։ Հատկանշական են հռոմեական թաղման արարողակարգի իրերը, քարե սարկոֆագները, Դուրրասի գեղեցկուհին խճանկարը, Վեներա աստվածուհու մանրաքանդակ կիսանդրիները^[4]։

Վերակառուցում խմբագրել

2010 թվականին Դուրրասի հնագիտական թանգարանն ամբողջովին վերակառուցվել է^[5]։ Չնայած թանգարանը ներառում է կարևորագույն հնագիտական նմուշներ, այն անկախ կառույց չէ և գործում է Դուրրասի հուշարձանների տարածքաշրջանային տնօրինության ներքո։ Թանգարանին աջակցում են Ալբանիայի հնագիտական ինստիտուտը և Գիտությունների ակադեմիան^[5]։

Ալբանիայի տուրիզմի, մշակույթի, երիտասարդության և սպորտի նախարարության կողմից բացվել է հիմնադրամ՝ թանգարանին նոր գիտական բաժին, անձնակազմ, լաբորատորիա և վարչական կազմ ապահովելու համար^[5]։ Վերակառուցման ընցաքում ի հայտ են եկել խնդիրներ. թանգարանը, գտնվելով ծովի մոտ, աղի յոդային պարունակության և խոնավության պատճառով բախվում է էրոզիայի վտանգների^[5]։

Թանգարանը վերաբացվել է 2015 թվականի մարտի 20-ին վարչապետ Էդի Ռամայի կողմից^[6]։

Գործում է ամեն օր, բացի երկուշաբթի օրերից, ժամը՝ 9:⁰⁰-15:⁰⁰։

Ծանոթագրություններ խմբագրել

↑ Saltzman, Michael (2003). The World of Learning 2004 (54 ed.). Europa Publications, Routledge. ISBN 1-85743-182-0.
↑ Knuth, Rebecca (2006). Burning books and leveling libraries: extremist violence and cultural destruction. Greenwood Publishing Group. էջ 191. ISBN 0-275-99007-9.
↑ Durrës Guide, Direct Ferries
↑ ^4,0 ^4,1 Garwood, Duncan. Mediterranean Europe (9 ed.). Lonely Planet. էջ 57. ISBN 1-74104-856-7.
↑ ^5,0 ^5,1 ^5,2 ^5,3 «Një muze kombëtar arkeologjik për Durrësin» (Albanian). Lajme Shqiperia. 2010 թ․ հուլիսի 16. Վերցված է 2010 թ․ օգոստոսի 9-ին.{{cite web}}: CS1 սպաս․ չճանաչված լեզու (link)
↑ «Durrës, përurohet Muzeu arkeologjik, Rama: Ditë e rëndësishme për trashëgiminë kombëtare» (Albanian). Balkanweb. 2015 թ․ մարտի 21. Վերցված է 2015 թ․ սեպտեմբերի 3-ին.{{cite web}}: CS1 սպաս․ չճանաչված լեզու (link)

[1] Saltzman, Michael (2003). The World of Learning 2004 (54 ed.). Europa Publications, Routledge. ISBN 1-85743-182-0.

[2] Knuth, Rebecca (2006). Burning books and leveling libraries: extremist violence and cultural destruction. Greenwood Publishing Group. էջ 191. ISBN 0-275-99007-9.

[3] Durrës Guide, Direct Ferries

[Garwood-4] 4,0 ^4,1 Garwood, Duncan. Mediterranean Europe (9 ed.). Lonely Planet. էջ 57. ISBN 1-74104-856-7.

[lajme-5] 5,0 ^5,1 ^5,2 ^5,3 «Një muze kombëtar arkeologjik për Durrësin» (Albanian). Lajme Shqiperia. 2010 թ․ հուլիսի 16. Վերցված է 2010 թ․ օգոստոսի 9-ին.{{cite web}}: CS1 սպաս․ չճանաչված լեզու (link)

[reopened-6] «Durrës, përurohet Muzeu arkeologjik, Rama: Ditë e rëndësishme për trashëgiminë kombëtare» (Albanian). Balkanweb. 2015 թ․ մարտի 21. Վերցված է 2015 թ․ սեպտեմբերի 3-ին.{{cite web}}: CS1 սպաս․ չճանաչված լեզու (link)

[1]

[2]

[3]

[4]

[5]

[6]