Դորիան Գրեյ (ֆիլմ)
«Դորիան Գրեյ» (անգլ. Dorian Gray)՝ Օլիվեր Պարկերի 2009 թվականի գեղարվեստական ֆիլմ, նկարահանված Օսկար Ուայլդի «Դորիան Գրեյի դիմանկարը» վեպի մոտիվներով։ Ֆիլմի սցենարը գրել է Թոբի Ֆինլեյը (իր գրած առաջին սցենարն է)։ կարգախոսը՝ «Ընդմիշտ երիտասարդ և անիծված հավետ»։
 անգլ.՝ Dorian Gray | |
|---|---|
.jpg) | |
| Երկիր | .svg){kind=small} Միացյալ Թագավորություն |
| Ժանր | ֆենթեզի ֆիլմ[1][2], սարսափ ֆիլմ, դրամա, ԼԳԲՏ թեմայով ֆիլմ և վեպի էկրանավորում |
| Հիմք | Դորիան Գրեյի դիմանկարը |
| Թվական | 2009 և ապրիլի 15, 2010[3] |
| Լեզու | անգլերեն |
| Ռեժիսոր | Օլիվեր Փարքեր[1][4][2][…] |
| Պրոդյուսեր | Բեռնաբի Թոմփսոն |
| Դերակատարներ | Բեն Բարնս[4][5][6][…], Քոլին Ֆերթ[4][5][7][…], Ռեբեկա Հոլ[4][5][7][…], Բեն Չապլին[7][8][9], Էմիլիա Ֆոքս[7][8][9], Ռեյչել Հերդ-Վուդ[5][7][8], Ֆիոնա Շոու[7][8][9], Մերիամ դ'Աբո[8][9], Դուգլաս Հենշոլ[8] և Քերոլայն Գուդոլ[7][8][9] |
| Օպերատոր | Ռոջեր Փրեթ |
| Երաժշտություն | Չառլի Մոուլ |
| Պատմվածքի վայր | Լոնդոն |
| Նկարահանման վայր | Լոնդոն |
| Կինոընկերություն | Ealing Studios, Alliance Films և UK Film Council |
| Տևողություն | 112 րոպե |
Սյուժե խմբագրել
Վիկտորիական Անգլիա։ Գեղեցիկ և միամիտ երիտասարդ Դորիան Գրեյը ժամանում է Լոնդոն, որտեղ նրան սոցիալական հորձանուտի մեջ է ներգրավում լորդ Հարի Ուոտոնը, ով Դորիանին ծանոթացնում է քաղաքի գեդոնիստիկ մշակույթի հետ։
Հարիի ընկերը, տաղանդավոր նկարիչ Բեզիլ Հելուորդը նկարում է Դորիան Գրեի դիմանկարը, որպեսզի ցուցադրեր երիտասարդի գեղեցկությունը և մաքրությունը։ Դորիանը դիտելով դիմանկարը ցանկություն է հայտնում տալ ամեն ինչ, որպեսզի մնա այնպես ինչպես դիմանկարում, նույնիսկ իր հոգին։ Այդ պահից սկսած դիմանկարը սկսում է ծերանալ Դորիանի փոխարեն, վերցնելով նրա բոլոր վերքերը և հիվանդությունները։
Գայթակղելով օրիորդ դերասանուհի Սիբիլա Վեյնին, Դորիանը հանկարծակի հասցնում է նրան ինքնասպանության չեղյալ համարելով խոստացված ամուսնությունը։ Սիբիլայի մահվան լուրը Դորիանին բերում է Սիբիլայի եղբայր Ջիմը, ով վշտի և ցավի հետևանքով փորձում է խեղդել Դորիանին։ Սակայն Ջիմին տանում են հոգեբուժարան։ Աստիճանաբար գտնվելով Հարիի ազդեցության տակ Դորիանը դառնում է շատ անառակ, եսամոլ և կոպիտ, իսկ իր դիմանկարի վրա փակված ձեղնահարկում արտացոլվում են նրա բոլոր թերությունները։ Դորիանը տրվում է ցածրորակ կրքերին՝ մասնակցում է գինարբուքների, զբաղվում է արվամոլությամբ, սադիզմով և մազոխիզմով, փորձում է թմրանյութեր։
Բեզիլը որոշում է իր աշխատանքների ցուցահանդես կազմակերպի և Դորիանին խնդրում է տալ նրան դիմանկարը, սակայն Դորիանը մերժում է նրան, բացատրելով, որ պահպանում է այն արևի լույսից։ Մի երեկույթից հետո Դորիանը հրապուրում է Բեզիլին, նկարիչը մոտենում է Դորիանին և ստիպում, որպեսզի նա վերադարձնի դիմանկարը։ Դորիանը տանում է նրան ձեղնահարկ և ցույց է տալիս դիմանկարը։ բեզիլը սարսափում է և ասում է Դորիանին ոչնչացնի դիմանկարը, սակայն ինքն է մահանում իր ընկերոջ ձեռքով։ Բեզիլի մասնատված մարմինը Դորիանը կամրջից նետում է Թեմզայի մեջ։ Որպեսզի խուսափի հետաքնությունից Դորիանը գնում է ճանապարհորդության և վերադառնում միայն քսանհինգ տարի անց նույնպես երիտասարդ և գեղեցիկ։ Հարին համեմատում է Դորիանի նկարները արված դիմանկարի շնորհանդեսի ժամանակ և հիշում նրա խոսքերը նա կտար իր հոգին հավերժ երիտասարդ մնալու համար։
Դորիանը ծանոթանում է Հարիի դստեր՝ Էմիլիի հետ, և սիրահարվում։ Սակայն Հարին դժգոհ է նրանց փոխադարձ տարվածությամբ մեկ մեկով, քանի որ կասկածում է Դորիանի իրական լինելուն, բայց Էմիլին չի ցանկանում լսել հորը։
Դորիանի վրա հարձակվում է Ջիմը, ով այսքան տարի սպասել է այս վրեժին։ Վազքի արդյունքում երկուսն էլ հայտնվում են մետրոյում։ Ջիմը, չհասցնելով կատարել մահացու կրակոցը ընկնում է գնացքի տակ։ Վերադառնալով տուն, Դորիանը փորձում է սրով ծակել դիմանկարը, բայց կոտրում է դիմացի հայելին։ Նա նորից գալիս է Էմիլիի մոտ և ասում, որ ցանկանում է ամեն ինչը սկսել սկզբից, որից հետո կորցնում է ինքնագիտակցությունը և քնում է հենց Էմիլիի տանը հատակին։ Այդպես քնած դիրքում առավոտյան նրանց տեսնում է Հարին, ով իր զայրույթը թափում է Դորիանի վրա։ Իսկ Էմիլին վազում է գնացող Դորիանի ետևից ներողություն խնդրում հոր արարքներրի համար։
Դորիանը և Էմիլին ամուսնանում են և պատրաստվում են գնալ Միացյալ Նահանգներ, որպեսզի սկսեն կյանքը Նոր Օրլեանում։ Հրաժեշտի երեկույթի ժամանակ Հարիի տանը Դորիանը փնտրում է նրան, և պատուհանից տեսնում է, որ նա նստեց մեքենա և հեռացավ։ Դորիանը վազում է մեքենայի ետևից, որը կանգնում է իր տան դիմաց։ Դորիանը տեսնում է Հարիին հոր դիմանկարի դիմաց, իրենց կռվի ժամանակ Հարին նկատում է այսքան տարի սպանված Բեզիլի շարֆը ձեղնահարկի անկյունում, և դիմանկարի վարագույրի միջից երևում է տարօրինակ շարժում։ Նրանց միջև կռիվ է բռնկվում, որը կանգնեցնում է Էմիլիի ձայնը։ Հարին հարվածում է Դորիանի երեսին և նա միանգամից ուշագնաց է լինում, իսկ Հարին չկորցնելով պահը վերցնում է դիմանկարի երեսից կտորը և տեսնում է՝ ծեր, կնճռոտ, ճաղատ մի այլանդակի, նա ընդամենը աջ աչքով էր նման Դորիանին։ Հարի վերցնում է սեղաին դրված կերոսինե լամպը և նետում է դիմանկարի վրա, նա վարվում է (ուշքի եկած Դորիանը կարող էր գոռալ միայն «Ոչ!»)։ Դորիանի դեմքը սևանում է և աղավաղվում։ Հարին դուրս է գալիս սենյակից և փակում դռան վանդակը, հետո փակում է պատի վրայի խողովակը, որի միջից գազ էր դուրս գալիս։ Էմիլին վազում է ձեղնահարկ և աղաչում Դորիանին տալ բանալին, որ նա կարողանա արձակել նրան վառվող սենյակից, բայց Դորինաը բաց է թողնում նրա ձեռքը և ասում, որ իր սիրտը հավերժ նրան է պատկանում։ Հարին ուժով գրկում է Էմիլիին և դուրս բերում, որովհետև շուտով պայթյուն կլիներ։ Դորիանը, հստակ որոշելով վճարել իր բոլոր հանցանքների համար, վերցնում է մի հաստ ասեղ և ոչնչացնում դիմանկարը։ Կիսավառ դիմանկարը գոռում է անմարդկային ձայնով, և բոլոր իր տգեղությունը սկսում է վերադառնալ իր իրական սեփականատիրոջը՝ Դորիանին։ Գազը բոցավառվում է, և Դորիանը ողջակիզվում է։
Էմիլին հեռանում է հորից։ Հարին մտնում է Գրեի լքված խցիկը, մոտենում է Դորիանի դիմանկարին, որը դարձել է այնպիսին, ինչպիսին ստեղծվել էր, միայն վառված շրջանակով։ Հարին ծանր շնչում է, և փակում է պահեստում։ Կիսախավարի մեջ դիմանկարի աչքերը լուսավորվում են և մի քիչ լայնանում, վկայելով, որ Դորիան Գրեի հոգին հավերժ կմնա դիմանկարի մեջ։
Դերերում խմբագրել
- Բեն Բարնս՝ Դորիան Գրեյ
- Կոլին Ֆյորտ՝ լորդ «Հարի» Հենրի Ուոտոն
- Բեն Չապլին՝ Բեզիլ Հոլուորդ
- Ռեբեկկա Հոլլ՝ Էմիլի Ուոտոն
- Դուգլաս Հենշել՝ Ալան Կեմպբել
- Ռեյչել Հորդ-Վուդ՝ Սիբիլա Վեյն
- Մերիամ դ'Աբո՝ Գլեդիս
- Մայքլ Քալքին՝ լորդ Ռիդլի
- Էմիլիա Ֆոքս՝ լեդի Վիկտորիա Ուոտոն
- Կերոլայն Գուդոլլ՝ լեդի Ռեդլի
- Ջոնի Հարիս՝ Ջիմ Վեյն
- Փիփ Թորենս՝ Վիկտոր
- Ֆիոնա Շոու՝ Ագատա
- Մաքս Այրոնս՝ Լյուցիուս
Նկարահանման խումբ խմբագրել
- Սցենարի հեղինակ՝ Թոբի Ֆինլեյ, հիմնվելով Օսկար Ուայլդի վեպի վրա
- Ռեժիսոր՝ Օլիվեր Պարկեր
- Օպերատոր՝ Ռոջեր Պրետ
- Նկարիչներ՝
- Կոմպոզիտոր՝ Չառլի Մոուլ
- Մոնտաժ՝ Գայ Բենսլի
- Պրոդյուսեր՝ Բարնաբի Թոմփսոն
Ֆիլմի նկարահանումներ խմբագրել
Ֆիլմի նկարահանումները սկսվել են 2008 թվականի ամռանը Ealing Studios-ում նաև Լոնդոնի տարբեր վայրերում և վերջացել հոկտեմբերին[10]։ Անգլիայում ֆիլմի պրեմիերան տեղի է ունեցել 2009 թվականի սեպտեմբերի 9-ին, իսկ ռուսական պրեմիերան 2010 թվականի փետրվարի 4-ին։
Ծանոթագրություններ խմբագրել
- ↑ 1,0 1,1 http://www.imdb.com/title/tt1235124/
- ↑ 2,0 2,1 http://www.filmstarts.de/kritiken/99428-Das-Bildnis-des-Dorian-Gray.html
- ↑ http://www.kinokalender.com/film7579_das-bildnis-des-dorian-gray.html
- ↑ 4,0 4,1 4,2 4,3 http://stopklatka.pl/film/dorian-gray
- ↑ 5,0 5,1 5,2 5,3 http://www.allocine.fr/film/fichefilm_gen_cfilm=136408.html
- ↑ http://www.filmaffinity.com/es/film492741.html
- ↑ 7,0 7,1 7,2 7,3 7,4 7,5 7,6 http://decine21.com/peliculas/El-retrato-de-Dorian-Gray-19470
- ↑ 8,0 8,1 8,2 8,3 8,4 8,5 8,6 http://www.imdb.com/title/tt1235124/fullcredits
- ↑ 9,0 9,1 9,2 9,3 9,4 http://television.telerama.fr/tele/films/le-portrait-de-dorian-gray,32196170.php
- ↑ Variety - Rebecca Hall joins 'Dorian Gray'(անգլ.)
Արտաքին հղումներ խմբագրել
- «Դորիան Գրեյ»(անգլ.) ֆիլմը Internet Movie Database կայքում
- «Դորիան Գրեյ» ֆիլմը