Բացել գլխավոր ցանկը

«Դոգվիլ» (անգլ.՝ Dogville), 2003 թվականի ռեժիսոր Լարս ֆոն Թրիերի կողմից նկարահանված ֆիլմ։

Picto infobox cinema.png
Դոգվիլ
Dogville
Դոգվիլ ֆիլմի պոստեր.jpg
Երկիր

Դանիա
Շվեդիա
Մեծ Բրիտանիա
Ֆրանսիա
Գերմանիա

Հոլանդիա
Ժանր

դրամա

թրիլլեր
Թվական2003
Պրեմիերամայիսի 19, 2003
Լեզուանգլերեն
ՌեժիսորԼարս ֆոն Թրիեր
ՊրոդյուսերՎիբեկե Վինդլով
Սցենարի հեղինակԼարս ֆոն Թրիեր
Դերակատարներ

Նիկոլ Քիդման
Ստելլան Սկարսգարդ
Բեն Գազզարա
Ջեյմս Կան
Ժան-Մարկ Բար

Լորին Բեքոլ
ՕպերատորԷնթոնի Դոդ Մենտլ
ԵրաժշտությունՔրիստիեն Էյդնես Անդերսոն
ՄոնտաժՄոլլի Մառլեն Ստենսգարդ
Պատմվածքի վայրԱՄՆ
Կինոընկերություն

Zentropa Entertainments 8 ApS
Isabella Films International B.V.
Memfis Film International AB
Pain Unlimited GmbH
Sigma Films Ltd.

Slot Machine SARL
Տևողություն177 րոպե
Բյուջե10 000 000 դոլլար
Շահույթ16 000 000 դոլլար
ՀաջորդՄանդերլեյ
Պաշտոնական կայքէջ

Ֆիլմը ռեժիսորի կողմից նախապես պլանավորված «ԱՄՆ՝ հնարավորությունների երկիր» եռագրության առաջին մասն է։ Շարունակությունը՝ երկրորդ մասը, 2005 թվականին նկարահանված «Մանդերլեյ» ֆիլմն է։ Երրորդ մասը, որ պետք է կոչվեր «Վաշինգտոն», այդպես էլ չի նկարահանվել[1]։

Ֆիլմն իր ուրույն տեղն ունի համաշխարհային կինեմատոգրաֆում, թերևս կինոյի պատմության ամենադժվար դիտվող ֆիլմերից է։ Լարս ֆոն Թրիերը այն նկարահանել է իրեն շատ բնորոշ ոճով, որպես հաղթաթուղթ ունենալով հանդիսատեսի վրա թողնված ազդեցությունը, արժանացել է տարբեր կինոփառատոնների գլխավոր մրցանակների, ստացել է 13 մրցանակ և ներկայացվել ևս 19-ի։

ՍյուժենԽմբագրել

Ֆիլմն առանձնահատուկ է նրանով, որ այստեղ գրեթե բացակայում են դեկորացիաները, նկարահանման հրապարակը թատրոնի բեմն է, որտեղ տների և սենյակների սահմանները բաժանված են հատակին գծված գծերով։

Ֆիլմի գործողությունները ծավալվում են 1930-ական թվականներին Դոգվիլ հորինված անվանումով ամերիկյան քաղաքում, որը գտնվում է բարձր լեռներում։ Քաղաքում փողոցները նշանակված են միայն փողոց անվանումով, որոնք սահմանազատված են 2 զուգահեռ գծերով, տները՝ միայն դրանց գծագրերով, ծառերը և թփերը գրված են հատակին «ծառ» և «թուփ» անվանումով, նույնիսկ շունը նկարված է։ Իրական են միայն մի քանի կահույք և ավտոմոբիլները։

Քաղաքը ունի ընդամենը 22 բնակիչ՝ 15 մեծահասակ և 7 երեխա։ Քաղաքն ապրում է հանգիստ շնչով, ունի իր տարօրինակ չգրված կանոնները։ Սակայն քաղաքի այսպես կոչված անդորրը խախտվում է, երբ հյուր է գալիս մի խորհրդավոր անծանոթուհի՝ Գրեյս անունով (Նիկոլ Քիդման)։ Շատերը դեմ են լինում Գրեյսի՝ իրենց քաղաքում ապրելուն, սակայն մի մասը կողմ է դրան...

Ֆիլմի դրվագները պատմվում են հեղինակի կողմից։ Բաղկացած է 11 մասից՝ նախաբան, 9 գլուխ և տիտրեր։

ԴերասաններԽմբագրել

Հետաքրքիր փաստերԽմբագրել

  • Հանքահորի մուտքի մոտ գրված է "Dictum ac factum", որը լատիներենից նշանակում է «Ասված է - արված է»։
  • Լուսանկարները, որոնք ցուցադրվում են ֆիլմի ավարտի տիտրերի ժամանակ, վերցված են Ջեյքոփ Հոլդթի «Ամերիկյան նկարներ» գրքից[2]։
  • Ֆիլմի հետ զուգահեռ ստեղծվել է նաև «Դոգվիլի պատմությունը» վավերագրական ֆիլմը (անգլ.՝ Dogville Confessions, 2003), ռեժիսոր Սամի Սայֆա։ Այստեղ դերասանները անկեղծորեն պատմում են նկարահանումներին ուղեկցող գործնական և անձնական դժվարությունների, ինչպես նաև ռեժիսորի հետ ոչ հեշտ հարաբերությունների մասին. Լարս ֆոն Թրիերը բացատրում է ստեղծագործական մեթոդը, ֆիլմի գաղափարախոսությունը և ընդգծում, որ դերասանների համատեղ աշխատելու ամենակարևոր պայմաներից մեկը փոխադարձ լիարժեք վստահությունն է։
  • Վերայի դերն սկզբնապես կատարում էր Կատրին Քարթլիջը, իսկ այն բանից հետո, երբ նա ստիպված եղավ թողնել նկարահանման հրապարակը, նրա դերի համար վերցրին Պատրիշա Կլարկսոնին։
  • Ֆիլմը Քվենտին Տարանտինոյի 1992 թվականից հետո ստեղծված սիրելի ֆիլմերի քսանյակում զբաղեցնում է 7-րդ տեղը[3]։

Արտաքին հղումներԽմբագրել

ԾանոթագրություններԽմբագրել