Դեբորա Սեռակիանի
Դեբորա Սեռակիանի (իտալ.՝ Debora Serracchiani, նոյեմբերի 10, 1970, Հռոմ, Իտալիա), իտալացի փաստաբան և քաղաքական գործիչ, Ֆրիուլի Վենետիկ Ջուլիա ինքնավար մարզի նահանգապետ (2013-2018)։
| Դեբորա Սեռակիանի իտալ.՝ Debora Serracchiani | |
|---|---|
 | |
| Ծնվել է | նոյեմբերի 10, 1970 (53 տարեկան) |
| Ծննդավայր | Հռոմ, Իտալիա |
| Քաղաքացիություն |  Իտալիա |
| Մայրենի լեզու | իտալերեն |
| Կրթություն | Հռոմի Սապիենզա համալսարան |
| Մասնագիտություն | քաղաքական գործիչ և փաստաբան |
| Զբաղեցրած պաշտոններ | president of Friuli-Venezia Giulia?, Իտալիայի Պատգամավորների պալատի անդամ և Եվրոպական պարլամենտի պատգամավոր |
| Կուսակցություն | Դեմոկրատական կուսակցություն |
| Կայք | serracchiani.eu |
 Debora Serracchiani Վիքիպահեստում | |
Կենսագրություն խմբագրել
Ծնվել է 1970 թվականի նոյեմբերի 10-ին, Հռոմում, կրթությամբ իրավաբան է։ Իրավաբանական պրակտիկայով է զբաղվել Ուդինեում գտնվող Բուսինելոյի, Վիրջիլիոյի, Դե Թոմայի փաստաբանական գրասենյակներում։ Ընտրվել է Ուդինեի կոմունայի խորհրդի պատգամավոր, իսկ 2006 թվականին՝ ձախ դեմոկրատների կուսակցության աջակցությամբ ընտրվել է Ուդինեի նահանգային խորհուրդ, 2008 թվականին վերընտրվել է։ Նույն թվականի դեկտեմբերին գլխավորել է Ուդինեում դեմոկրատական կուսակցության բաժանմունքը, իսկ 2009 թվականի մարտի 21-ին ձեռք է բերել համազգային և նույնիսկ միջազգային ճանաչում՝ ելույթ ունենալով Դեմոկրատական կուսակցության սկզբնական կազմակերպությունների վեհաժողովում՝ խիստ քննադատելով կուսակցական ղեկավարության մի շարք որոշումներ[1]։
2009 թվականին ԴԿ առաջնորդ Դարիո Ֆրանչեսկինիի ակտիվ աջակցությամբ գլխավորել է կուսակցական ցուցակը եվրոպական ընտրություններում հյուսիս-արևելյան շրջանում և հաղթել՝ 9 հազարով ավելի ձայն հավաքելով, քան Սիլվիո Բերլուսկոնին[2]։
2013 թվականի ապրիլի 21-22-ը մասնակցել է Ֆրիուլի Վենետիկ Ջուլիայի ինքնավար մարզի տարածաշրջանային ընտրություններին` գլխավորելով ձախ կենտրոնամետ կոալիցիան, որը միավորում Էր Դեմոկրատական կուսակցությունը, Արժեքների Իտալիա, Ձախ բնապահպանություն, ազատություն և Սլովենիայի միություն կուսակցությունները, ինչպես նաև` քաղաքացիական ցուցակը ի աջակցություն Սերրակկիանիի։ Այս դաշինքը հաղթանակ է տարել 39,39 % (211 508 ձայն)` 39 %-ի դեմ (209 442 ձայն) ձայների հարաբերակցությամբ` գործող նահանգապետ, Ազատության ժողովրդի ներկայացուցիչ Ռենցո Տոնդոյի գլխավորությամբ գործող կոալիցիայի դեմ[3]։
2017 թվականի նոյեմբերի 12-ին ԴԿ տարածաշրջանային վեհաժողովում հայտարարել է 2018 թվականին Պատգամավորների պալատի ընտրություններում առաջադրվելու, այլ ոչ թե` նահանգապետի երկրորդ ժամկետի առաջադրվելու մտադրության մասին[4]։
2018 թվականի մարտի 4-ի խորհրդարանական ընտրություններում պարտություն է կրել Տրիեստի մարզի 1-ին մեծամասնական ընտրատարածքում` 26,14% արդյունքով` նախկին հակառակորդ Ռենցո Տոնդոյից (38,2 %)[5], բայց խորհրդարան է անցել բազմամանդատ շրջանում կուսակցական ցուցակներով։
2018 թվականի ապրիլի 29-ին Ֆրիուլի Վենետիկ Ջուլիայի շրջանի տարածաշրջանային վարչակազմի նոր ղեկավար 57,09 % արդյունքով ընտրվել է աջ կենտրոնամետ կոալիցիայի առաջնորդ Մասիմիլիանո Ֆեդրիգան[6], իսկ մայիսի 3-ին նա պաշտոնապես ստանձնել է պաշտոնը[7]։
2019 թվականի մարտի 17-ին տեղի է ունեցել Դեմոկրատական կուսակցության ազգային ժողովը, որն ընտրել է նոր ղեկավարություն։ Մասնավորապես, ազգային քարտուղար է դարձել Նիկոլա Ձինգարետտին, նախագահ՝ Պաոլո Ջենտիլոնին, իսկ փոխնախագահներ՝ Աննա Ասքանին և Դեբորա Սեռակիանին[8]։
Ծանոթագրություններ խմբագրել
- ↑ «Debora Serracchiani». Argomenti (իտալերեն). il Sole 24 Ore. 2016 թ․ հուլիսի 28. Վերցված է 2020 թ․ օգոստոսի 14-ին.
- ↑ «Friuli, l'exploit della Serracchiani "Ho preso 9 mila voti più di Papi"» (իտալերեն). la Repubblica. 2009 թ․ հունիսի 8. Վերցված է 2020 թ․ օգոստոսի 14-ին.
- ↑ «Friuli-Venezia Giulia». Elezioni Regionali 2013 (իտալերեն). la Repubblica. 2009 թ․ հունիսի 8. Վերցված է 2020 թ․ օգոստոսի 14-ին.
- ↑ «Serracchiani annuncia l'addio tra lacrime e applausi» (իտալերեն). Udine today. 2017 թ․ նոյեմբերի 12. Վերցված է 2020 թ․ օգոստոսի 14-ին.
- ↑ «Elezioni Politiche 2018, i risultati alla Camera nel comune di Trieste» (իտալերեն). Corriere della Sera. Վերցված է 2020 թ․ օգոստոսի 14-ին.
- ↑ «Fedriga è il nuovo presidente del Fvg con il 57% dei voti: "Grazie alla mia gente"» (իտալերեն). il Piccolo. 2018 թ․ ապրիլի 30. Վերցված է 2020 թ․ օգոստոսի 13-ին.
- ↑ «Elezioni: Massimiliano Fedriga proclamato presidente Regione Fvg» (իտալերեն). il Gazzettino. 2018 թ․ մայիսի 3. Վերցված է 2020 թ․ օգոստոսի 13-ին.
- ↑ «Pd, Zingaretti segretario: «Cambio tutto, generazione verde». Gentiloni presidente» (իտալերեն). il Messagero. 2019 թ․ մարտի 17. Վերցված է 2020 թ․ օգոստոսի 14-ին.
Արտաքին հղումներ խմբագրել
- «Presidente Friuli Venezia Giulia: Debora Serracchiani, scheda biografica» (իտալերեն). Conferenza delle regioni e delle province autonome. Վերցված է 2020 թ․ օգոստոսի 14-ին.(չաշխատող հղում)
- «SERRACCHIANI Debora - PD» (իտալերեն). Camera dei deputati. Վերցված է 2020 թ․ օգոստոսի 14-ին.
 | Վիքիպահեստն ունի նյութեր, որոնք վերաբերում են «Դեբորա Սեռակիանի» հոդվածին։ |