Դավիթ Բաբախանյան
- Վիքիպեդիայում կան հոդվածներ Բաբախանյան ազգանունով այլ մարդկանց մասին։
Դավիթ Բաբախանյան (հուլիսի 2, 1975, Երևան, Հայկական ԽՍՀ, ԽՍՀՄ), հայ ռեժիսոր, պրոդյուսեր, սցենարիստ։ Աշխատանքային գործունեությունն սկսել է 1995 թվականին՝ որպես սցենարիստ համագործակցելով «Շարմ Հոլդինգի» հետ։ 2003 թվականին սկսել է համագործակցել Արմենիա, 2009 թվականին՝ Հայաստանի հանրային հեռուստաընկերությունների հետ[1]։
| Դավիթ Բաբախանյան | |
|---|---|
 | |
| Ծննդյան թիվ՝ | հուլիսի 2, 1975 (49 տարեկան) |
| Ծննդավայր՝ | Երևան, Հայկական ԽՍՀ, ԽՍՀՄ |
| Երկիր՝ |  Հայաստան |
| Մասնագիտություն՝ | Կինոռեժիսոր, սցենարիստ, պրոդյուսեր |
| IMDb։ | ID 4272657 |
Կենսագրություն
խմբագրելԴավիթ Բաբախանյանը ծնվել է Երևանում։ Սովորել է Երևանի թիվ 149 միջնակարգ դպրոցում, 1992-1998 թվականներին՝ Երևանի պետական բժշկական համալսարանում՝ բուժական գործ ֆակուլտետում։ 1998-2000 թվականներին սովորել է արդինատուրայում՝ մաշկաբան-վեներոլոգ մասնագիտացմամբ։ Համալսարանն ավարտելուց հետո ծառայել է բանակում՝ որպես բուժծառայության լեյտենանտ։ Աշխատանքային գործունեությունն սկսել է 1995 թվականին՝ համագործակցելով «Շարմ Հոլդինգի», 2003 թվականից՝ Արմենիա հեռուստաընկերության հետ[2]։
2003-2008 թվականներին եղել է «Կարգին հաղորդում» հումորային նախագծի ռեժիսորը[1]։ 2009 թվականից համագործակցել է Հայաստանի հանրային հեռուստաընկերության հետ՝ մեկ տարի հետո նկարահանելով «Հրեշտակների դպրոց» հեռուստասերիալը[1]։ 2010 թվականին նկարահանել է «Կյանքի կառուսել» կարճամետրաժ պատում-հեռուստանովելները։
«Շարմ Հոլդինգի» հետ նկարահանել են «Պահանջվում է միլիոնատեր», «Փեսացուն կրկեսից», «Poker.am» «Հյուսիս հարավ» կինոնկարները[3]։ 2011 թվականին հանդես է եկել որպես «Փեսացուն կրկեսից» կինոնկարի ռեժիսոր[4], 2012 թվականին նկարահանել է կատակերգական ժանրի «Poker.AM» կինոնկարը[5], 2015-ին որպես ռեժիսոր և սցենարիտստ նկարահանել է «Հյուսիս հարավ» կինոնկարները։ 2012 թվականից Արմենիա հեռուստաընկերության գլխավոր տնօրենն է[6] և տարբեր հեռուստանախագծների և ֆիլմերի համահեղինակ, պրոդյուսեր։
2013-2015 թվականներին եղել է «Տնփեսա» սիթքոմի պրոդյուսերը[7] և 2014-2019 թվականներին «Ֆուլ Հաուս» սիթքոմի համահեղինակը[8], 2015-2017 թվականներին՝ «Դոմինո» սիթքոմի համապրոդյուսերը[9]։
2015 թվականին Բաբախանյանը նկարահանել է Հյուսիս-Հարավ կինոկատակերգությունը, որն առաջին հայաստանյան ֆիլմն է, որտեղ կիրառվել են 3D-անիմացիոն և վիզուալ մեծածավալ էֆեկտներ[10][11]։
2019 թվականին, երբ Հայաստանում տեսահոլովակի նկարահանումներ էին կատարում ռուս ռեփեր Տիմատին և Նազիման, հայկական կողմից այդ աշխատանքներում համապրոդյուսերը Դավիթ Բաբախանյանն էր։
2019 - 2020 թվականներին որպես հեռուստաընկերության տնօրեն Դավիթ Բաբախանյանը գործակցել է Associated Television International (USA) և Academy Films (Armenia) ընկերությունների հետ և ԱՄՆ-ի համար նկարահանվել են «Մահվան ջոկատ» և «Քավարան» հեռուստաֆիլմերը՝ անգլերեն լեզվով։
2021 թվականից Հայ-ռուսական սլավոնական համալսարանում ռեժիսորական վարպետություն խմբի ղեկավարն է։
Նախագծեր
խմբագրել| Նախագիծ | Դեր | Տեսակ | Տարի |
|---|---|---|---|
| Մեր բակը[12] | սցենարիստ | երաժշտական կատակերգություն | 1996 |
| Կարգին հաղորդում | ռեժիսոր | հումորային նախագիծ | 2002-2009 |
| Կարգին մուլտեր | պրոդյուսեր | 2007-2009 | |
| Դժբախտ երջանկություն[13] | պրոդյուսեր | հեռուստանովել | 2007 |
| «11»[14] | պրոդյուսեր | սարսափ հեռուստասերիալ | 2008 |
| Զգուշացեք փողից | պրոդյուսեր | հեռուստասերիալ | 2008 |
| Կյանքի կարուսել | պրոդյուսեր | բազմասերիանոց հեռուստանախագիծ | 2009-2011 |
| Պահանջվում է միլիոնատեր | ռեժիսոր, սցենարիստ | կատակերգություն | 2010 |
| Հրեշտակների դպրոցը[1] | պրոդյուսեր | հեռուստասերիալ | 2011-2012 |
| Էքստրասենսներ | հեղինակ, պրոդյուսեր | հեռուստանախագիծ | 2011 |
| Փեսացուն կրկեսից | ռեժիսոր, սցենարիստ | կատակերգություն | 2011 |
| Poker.Am | ռեժիսոր, սցենարիստ | կատակերգություն | 2012 |
| Խաղից դուրս | պրոդյուսեր | բազմասերիանոց, արկածային ֆիլմ | 2013 |
| Տնփեսա | պրոդյուսեր | սիթքոմ | 2013-2015 |
| Ֆուլ հաուս | համահեղինակ | սիթքոմ | 2014-2019 |
| Դոմինո | պրոդյուսեր | սիթքոմ | 2015-2017 |
| Հյուսիս-հարավ | ռեժիսոր, սցենարիստ | գեղարվեստական ֆիլմ, կատակերգություն | 2015 |
| Քավարան | հեղինակ | հեռուստասերիալ | 2017 |
| Մահվան ջոկատ | հեղինակ | հեռուստասերիալ | 2019 |
Ծանոթագրություններ
խմբագրել- ↑ 1,0 1,1 1,2 1,3 «Zarkfoundation: Դավիթ Բաբախանյանի մասին zarkfoundation.com կայքում».
- ↑ «Դավիթ Բաբախանյան - Pamg.am». pamg.am. Արխիվացված է օրիգինալից 2017 թ․ մարտի 13-ին. Վերցված է 2016 թ․ դեկտեմբերի 27-ին.
- ↑ IMDB: A Millionaire Wanted (2010)
- ↑ IMDB: Pesacun Krkesic (2011)
- ↑ IMDB: Poker AM (2012)
- ↑ MediaMax: TV project for ArmeniaTV
- ↑ «ArmeniaTV: Տնփեսա,Սերիա 1». Արխիվացված է օրիգինալից 2015 թ․ նոյեմբերի 15-ին. Վերցված է 2016 թ․ դեկտեմբերի 27-ին.
- ↑ «ArmeniaTV: Ֆուլ Հաուս Սերիա 1». Արխիվացված է օրիգինալից 2015 թ․ նոյեմբերի 15-ին. Վերցված է 2016 թ․ դեկտեմբերի 27-ին.
- ↑ «ArmeniaTV: Domino, Episode 1». Արխիվացված է օրիգինալից 2016 թ․ մարտի 4-ին. Վերցված է 2016 թ․ դեկտեմբերի 27-ին.
- ↑ IMDB: Four Buddies and the Bride (2015)
- ↑ «Sharm: Հյուսիս-Հարավ». Արխիվացված է օրիգինալից 2016 թ․ մարտի 4-ին. Վերցված է 2016 թ․ դեկտեմբերի 27-ին.
- ↑ «Sharm: Our Yard». Արխիվացված է օրիգինալից 2013 թ․ սեպտեմբերի 20-ին. Վերցված է 2016 թ․ դեկտեմբերի 27-ին.
- ↑ «Unikino: Դժբախտ երջանկություն (2007)». Արխիվացված է օրիգինալից 2016 թ․ սեպտեմբերի 15-ին. Վերցված է 2016 թ․ դեկտեմբերի 27-ին.
- ↑ «Unikino: Տասնմեկ». Արխիվացված է օրիգինալից 2016 թ․ սեպտեմբերի 15-ին. Վերցված է 2016 թ․ դեկտեմբերի 27-ին.