Դանիել Դեֆո
Դանիել Դեֆո (անգլ.՝ Daniel Defoe, ոչ վաղ քան 1659 և ոչ ուշ քան 1662, Լոնդոն, Անգլիայի թագավորություն - ապրիլի 24, 1731[1][2][3][…], Մուրֆիլդս, Լոնդոն, Անգլիա[1]), անգլիացի նշանավոր արձակագիր։ Հանրահայտ «Ռոբինզոն Կրուզո» վեպի հեղինակը։
Դանիել Դեֆո անգլ.՝ Daniel Defoe | |
|---|---|
 | |
| Ծննդյան անուն | անգլ.՝ Daniel Foe |
| Ծնվել է | ոչ վաղ քան 1659 և ոչ ուշ քան 1662 |
| Ծննդավայր | Լոնդոն, Անգլիայի թագավորություն |
| Վախճանվել է | ապրիլի 24, 1731[1][2][3][…] |
| Վախճանի վայր | Մուրֆիլդս, Լոնդոն, Անգլիա[1] |
| Գերեզման | Bunhill Fields Burial Ground[4] |
| Մասնագիտություն | լրագրող, վիպասան, արձակագիր, մանկագիր, իմիջմեյքեր, գրող, գործարար, հրապարակախոս, բանաստեղծ և հրատարակիչ |
| Լեզու | անգլերեն |
| Քաղաքացիություն |  Անգլիայի թագավորություն և .svg){kind=small} Մեծ Բրիտանիայի թագավորություն |
| Ուշագրավ աշխատանքներ | Ռոբինզոն Կրուզո, Մոլ Ֆլենդերս և Ժանտախտի տարվա օրագիր |
| Ամուսին | Mary Tuffley?[4] |
| Զավակներ | Benjamin Norton Defoe?[3] և Sofia Defoe?[3] |
| Դանիել Դեֆո Վիքիդարանում | |
 Daniel Defoe Վիքիպահեստում | |
Կենսագրություն
խմբագրելԴանիել Դեֆոն ծնվել է 1660 թ. Լոնդոնում՝ մսավաճառի ընտանիքում։ Նրա նախնիները բողոքականներ էին, որոնք 16-րդ դարում, Կրոնական պատերազմների ժամանակ, Կաթոլիկ Եկեղեցու հարուցած հալածանքների պատճառով Ֆլանդրիայից գաղթել էին Մեծ Բրիտանիա։ Գրողի բուն ազգանունը Ֆո էր, որին նա ավելացրել է «դե» մասնիկը։
Դեֆոյի հայրը լինելով խստակենցաղ մաքրակրոն՝ իր որդու ապագան տեսնում էր հոգևորականի կոչման մեջ։ Ապագա գրողը հոր ուղղորդմամբ ընդունվում է Նյուինգտոնյան ճեմարան, որտեղ ուսումնասիրում է լատիներեն, հունարեն լեզուներ և դասական գրականություն։ Սակայն Դանիել Դեֆոն իր ապագան չտեսավ եկեղեցական ասպարեզում և սկսեց զբաղվել առևտրով։ Նա առևտրական ճանապարհորդություններ է կատարում Իսպանիա, Պորտուգալիա, Ֆրանսիա և Եվրոպական այլ երկրներ։ Նա այս ճանապարհորդություններն օգտագործում է Եվրոպական երկրների կեցաղային առանձնահատկություններն ուսումնասիրելու, ինչպես նաև իսպաներեն, ֆրանսերեն և այլ արդի լեզուներ սովորելու համար։
Դանիել Դեֆոն նաև ակտիվ մասնակցում էր երկրի քաղաքական կյանքին։ Նա մասնակցել է Հակոբ II- ի դեմ դուքս Մոնմութի ապստամբությանը, որը ճնշվել է 1685 թ. հուլիսի 6-ին Սեջմուրի ճակատամարտում ապստամբների պարտությունից հետո։ Իսկ «Փառապանծ հեղափոխության» ժամանակ Դեֆոն լոնդոնցի այն առևտրականների մեջ էր, որոնք մայրաքաղաքում հանդիսավոր դիմավորեցին նոր թագավոր Վիլհելմ III Օրանցուն[5]։
Համառոտ մատենագիտություն
խմբագրել- 1719 - «Ռոբինզոն Կրուզո», (թարգմանված է հայերեն)
- 1719 - «Ռոբինզոն Կրուզոյի հետագա արկածները», (թարգմանված է հայերեն)
- 1722 - «Ժանտախտային տարվա օրագիրը»
- 1722 - «Մոլլ Ֆլենդերս», (թարգմանված է հայերեն)
- 1724 - «Ծովահենության ընդհանուր պատմություն»
Ծանոթագրություններ
խմբագրել- ↑ 1,0 1,1 1,2 1,3 1,4 1,5 Кагарлицкий Ю. И. Дефо // Краткая литературная энциклопедия (ռուս.) — М.: Советская энциклопедия, 1962. — Т. 2.
- ↑ 2,0 2,1 2,2 Nationalencyklopedin (շվեդերեն) — 1999.
- ↑ 3,0 3,1 3,2 3,3 3,4 Lundy D. R. The Peerage
- ↑ 4,0 4,1 Oxford Dictionary of National Biography / C. Matthew — Oxford: OUP, 2004.
- ↑ Ս. Դ. Արտամոնով (1986). XVII-XVIII դդ. արտասահմանյան գրականության պատմություն. Երևանի համալսարանի հրատարակչություն. էջ 301-302.
 | Վիքիդարանն ունի նյութեր, որոնք վերաբերում են «Դանիել Դեֆո» հոդվածին։ |
 | Վիքիպահեստն ունի նյութեր, որոնք վերաբերում են «Դանիել Դեֆո» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 367)։ 
|