Դամյան Կալֆով
Դամյան Կալֆով (բուլղար․՝ Дамян Калфов, հոկտեմբերի 26, 1887[1], Ենիմուհացիր, Keşan, Էդիրնեի մարզ, Թուրքիա - հուլիսի 17, 1973[1], Սոֆիա, Բուլղարիա), բուլղարացի գրող, երգիծաբան։ Բուլղարիայի գրողների միության անդամ։
Դամյան Կալֆով | |
|---|---|
 | |
| Ծնվել է | հոկտեմբերի 26, 1887[1] |
| Ծննդավայր | Ենիմուհացիր, Keşan, Էդիրնեի մարզ, Թուրքիա |
| Վախճանվել է | հուլիսի 17, 1973[1] (85 տարեկան) |
| Վախճանի վայր | Սոֆիա, Բուլղարիա |
| Մասնագիտություն | գրող |
| Ազգություն | բուլղարացի |
| Քաղաքացիություն | .svg){kind=small} Բուլղարիա |
| Կրթություն | Սոֆիայի համալսարան |
Կենսագրություն խմբագրել
Դամյան Կալֆովը ծնվել է 1887 թվականին Օսմանյան կայսրության Կեշան բնակավայրի Ենիմուհաչիր գյուղում[2]։ Սովորել է Ադրիանապոլիսի արական գիմնազիայում։ Ներգրավվել է ներքին մակեդոնա-օդրինական հեղափոխական կազմակերպության մեջ, կատարել սուրհանդակային առաջադրանքներ[3]։ Զբաղվել է խմբագրական, պետական-հասարակական զանազան աշխատանքներով։
1905-1910 թվականներին որպես ուսուցիչ աշխատել է տարբեր գյուղերում։ 1915 թվականին ավարտել է Սոֆիայի համալսարանի իրավաբանական ֆակուլտետը։ 1915-1920 թվականներին աշխատել է որպես դատավոր։ 1920-1924 թվականներին եղել է ֆինանսների նախարարության տեսուչ, 1924-1926 թվականներին՝ մամուլի կցորդ Ստամբուլում։ 1926-1944 թվականներին պաշտոններ է զբաղեցրել տարբեր նախարարություններում[2]։
Գրական գործունեություն խմբագրել
Գրական գործունեությունն սկսել է երգիծական պատմվածքներով, 1900-1914 թվականներին տպագրվել է «Երեկոյան փոստ» („Вечерна поща“) թերթում, եղել է „Българан“ թերթի խմբագիրը[4]։ Հայտնի է պատմվածքների ժողովածուներով, երգիծական գործերով[5]։
Ժողովածուներ խմբագրել
- «Հարավային երկնքի տակ» (1917)
- «Ամուսիններ» (1921)
- «Հնդկական աքաղաղ» (1928)
- «Ձեր ընկերները» (1932)
- «Երկրորդ երիտասարդություն» (1934)
- «Գետի վերջում» (1940)
- «Հումորային պատմություններ» (1948)
Ծանոթագրություններ խմբագրել
- ↑ 1,0 1,1 1,2 1,3 1,4 http://www.enciklopedija.hr/Natuknica.aspx?ID=29902
- ↑ 2,0 2,1 Речник на българската литература, том 2 Е-О. София: Издателство на Българската академия на науките. 1977. էջ 153.
- ↑ Спомени на Дамян Калфов, в: Борбите в Македония и Одринско. 1878 - 1912. Спомени, Български писател, София, 1981, стр. 61 - 62.
- ↑ Բուլղարական պատմվածքներ, «Հայաստան» հրատարակչություն, Երևան, 1966
- ↑ Енциклопедия България, том 3, Издателство на БАН, София, 1982, стр. 294.