Գուրգեն Հովհաննեսի Գաբրիելյան

Անվան այլ կիրառումների համար տե՛ս՝ Գուրգեն Գաբրիելյան (այլ կիրառումներ)

Վիքիպեդիայում կան հոդվածներ Գաբրիելյան ազգանունով այլ մարդկանց մասին։

Գուրգեն Հովհաննեսի Գաբրիելյան (1862, Թիֆլիս, Կովկասի փոխարքայություն, Ռուսական կայսրություն - 1898), հայ նկարիչ։

Գուրգեն Հովհաննեսի Գաբրիելյան
Ծնվել է	1862
Ծննդավայր	Թիֆլիս, Կովկասի փոխարքայություն, Ռուսական կայսրություն
Վախճանվել է	1898
Կրթություն	Սանկտ Պետերբուրգի գեղարվեստի ակադեմիա (1884)
Մասնագիտություն	նկարիչ

Կենսագրություն

Թիֆլիսում ստացել է նախնական կրթությունը։ Հետագայում սովորել է Պետերբուրգի վեցերորդ գիմնազիայում, որն ավարտել է 1880 թվականին։ 1881-1884 թվականներին ազատ ունկնդիր է եղել Պետերբուրգի գեղարվեստի ակադեմիայում։ 1888 թվականին, հիշյալ ակադեմիայի ռազմանկարի դասարանում կատարած ձիու էտյուդի համար նրան շնորհվել է երկրորդ կարգի արծաթե մեդալ։ Ստեղծել է հայկական կյանքին նվիրված պատկերներ, սակայն այդ կտավների գտնվելու վայրը ցարդ անհայտ է։ Ծննդավայրում կարճ ժամանակ ստեղծագործելուց հետո մեկնել է Պետերբուրգ՝ ուսումը շարունակելու։ 1889 թվականին սովորել է մոդելի դասարանում, սակայն հիվանդության պատճառով ընդհատել է ուսումը։ 1893 թվականին նրան թույլ է տրվել մասնակցելու ակադեմիական ցուցահանդեսին՝ նկարչի կոչում ստանալու համար։ Ցուցահանդեսին ներկայացրել է «Իջևան Կովկասում» և «Կազակային պահակակետ» էտյուդները։ Դրանց հիման վրա արժանացել է «ոչ դասական նկարչի» կոչման։ Մահացել է թվականին 36 տարեկանում։