Գառնիկ Բարիլուսյան

Գառնիկ Բարիլուսյան (1900, Ստամբուլ, Օսմանյան կայսրություն - ), հայ դերասան, թատերական գործիչ։

Գառնիկ Բարիլուսյան
Ծնվել է	1900
Ծննդավայր	Ստամբուլ, Օսմանյան կայսրություն
Մասնագիտություն	դերասան

Կենսագրություն

Ծնվել է Կոստանդնուպոլիսւմ։ Բեմական ասպարեզ է մտել 1915 թ., մասնակցելով Մարտիրոս Մնանկյանի և Հասանի թատերախմբերի ներկայացումներին։ Զինադադարից հետո դերասան Հայկազնի հետ Կում-Կափու թաղամասում կազմակերպել է Արևելյան թատրոնը, Մ.Մնակյանի խաղացանկով տվել ներկայացումներ (Ֆ.Շիլլերի «Ավազակներ», «Արշակ Բ», «Վարդանանց պատերազմը», «Օթելլո» և այլն)։

1923 թ. մեկնել է Ֆրանսիա։ 1924 թ. իր շուրջը համախմբելով մի քանի սիրող դերասանների, կազմակերպում է «Կովկասահայ թատերախումբը», բեմադրելով Շիրվանզադեի «Պատվի համար», «Նամուս» պիեսները, «Վարդանանց պատերազմը», «Օթելլո» և այլն։ 1930 թ. դերասան Պզտիկյանի հետ կազմակերպել է «Պանդուխտ» թատերախումբը, որը մոտ տասը տարի, մինչև 1939 թ., գործել է Ֆրանսիայում, բեմադրելով մի շարք պիեսներ։