Վիքիպեդիա

Գևորգ Դաբաղյան

հայ դուդուկահար

Գևորգ Գուրգենի Դաբաղյան (փետրվարի 12, 1965(1965-02-12)[1], Երևան, Հայկական ԽՍՀ, ԽՍՀՄ), հայ դուդուկահար։ ՀՀ ժողովրդական արտիստ (2017)։

Գևորգ Դաբաղյան
Ծնվել էփետրվարի 12, 1965(1965-02-12)[1] (59 տարեկան)
Երևան, Հայկական ԽՍՀ, ԽՍՀՄ
Երկիր ԽՍՀՄ և  Հայաստան
Մասնագիտություներաժիշտ և երաժշտության ուսուցիչ
Գործիքներդուդուկ
ԱշխատավայրԱկունք ազգագրական համույթ, Շողակն և Երևանի Կոմիտասի անվան պետական կոնսերվատորիա
ԿրթությունՌոմանոս Մելիքյանի անվան պետական երաժշտական քոլեջ (1984) և Երևանի Կոմիտասի անվան պետական կոնսերվատորիա (1989)
Պարգևներ

Կենսագրություն խմբագրել

Գևորգ Դաբաղյանը ծնվել է 1965 թվականին Երևանում[2]։ 1984 թվականին ավարտել է Երևանի Ռոմանոս Մելիքյանի անվան երաժշտական ուսումնարանը, 1989 թվականին՝ Երևանի Կոմիտասի անվան պետական կոնսերվատորիայի դուդուկի դասարանը, 1992 թվականին՝ ասպիրանտուրան (ղեկավար` Խաչատուր Ավետիսյան)։ 1980-1992 թվականներին եղել է «Ակունք» անսամբլի մենակատար։ 1992 թվականին ստեղծել է «Շողակն» ժողովրդական անսամբլը[3]։ 1988 թվականից դասավանդում է Երևանի Կոմիտասի անվան պետական կոնսերվատորիայում[4]։

Հայաստանի հեռուստատեսության և ռադիոյի ֆոնդում ունի բազմաթիվ ձայնագրություններ։ Կատարել է հայ միջնադարյան, գուսանական և հոգևոր երաժշտություն։ Թողարկել է լազերային սկավառակներ, սկավառակ է թողարկել նաև Կոմիտասի անվան քառյակի (2004), Հայաստանի կամերային նվագախմբի (2004), արաբ դուդուկահար Ռաբի Աբուլ-Խալիլի (2004) հետ[4]։

Դաբաղյանի կատարումները հնչում են Ատոմ Էգոյանի «Արարատ», Տավիանի եղբայրների «Արտույտների ագարակը» ֆիլմերում։ Հյուրախաղերով հանդես է եկել ԱՄՆ-ում, Ֆրանսիայում, Գերմանիայում, Ֆինլանդիայում, Լեհաստանում, Շվեյցարիայում, Կանադայում, Չինաստանում, Հարավային Ամերիկայի երկրներում և այլուր[4]։

Պարգևներ խմբագրել

  • Դուշանբեի Արևելքի ժողովրդական նվագարանների միջազգային մրցույթի գլխավոր մրցանակ, 1990
  • Երևանի Սայաթ-Նովայի անվան մրցանակաբաշխության մրցանակ, 1991-1992
  • Մրցանակներ ԱՄՆ-ում, 1994-1995, 2002-2003
  • ՀՀ վաստակավոր արտիստ, 2004
  • ՀՀ ժողովրդական արտիստ, 2017[5]
  • ՀՀ մշակույթի նախարարության շնորհակալագիր, 2017[6]

Ծանոթագրություններ խմբագրել

  1. ↑ 1,0 1,1 http://am.hayazg.info/index.php?curid=1119
  2. ↑ Afrique magazine , Issues 269-274. Groupe Jeune Afrique. 2008. էջ 53.
  3. ↑ Jenkins, Mark (2008 թ․ փետրվարի 8). «Rev. of Shoghaken Ensemble, Music From Armenia». The Washington Post. Վերցված է 2010 թ․ դեկտեմբերի 7-ին.
  4. ↑ 4,0 4,1 4,2 «Գևորգ Դաբաղյանի կենսագրությունը avproduction կայքում». Արխիվացված է օրիգինալից 2021 թ․ մայիսի 6-ին. Վերցված է 2020 թ․ մայիսի 14-ին.
  5. ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 22-ին.
  6. ↑ «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ». mincult.am. Վերցված է 2018 թ․ հունվարի 6-ին.
Ստացված է «https://hy.wikipedia.org/w/index.php?title=Գևորգ_Դաբաղյան&oldid=9397019» էջից