Գրոնգի շրջան
Գրոնգի շրջան (նորվ.՝ Grong kommune՝ գրոնգ կոմունե)՝ երկրորդ մակարդակի վարչական միավոր Նորվեգիայի Թագավորությունում։ Մտնում է Նուր Թրյոնդելագի մարզի մեջ։
 նորվ.՝ Grong kommune | |||
|---|---|---|---|
| |||
 | |||
| Երկիր |  Նորվեգիա | ||
| Կարգավիճակ | Կոմունա | ||
| Մտնում է | Նուր Թրյոնդելագ | ||
| Վարչկենտրոն | Մեդյո | ||
| Հիմնական լեզու | Նորվեգերեն | ||
| Բնակչություն (2011) | 2357 (301 Նորվեգիայում տեղ) | ||
| Խտություն | 2,1 | ||
| Ազգային կազմ | Նորվեգացիներ | ||
| Կրոնական կազմ | Նորվեգիայի լյութերական եկեղեցի | ||
| Տարածք | 1136,17 (87 Նորվեգիայում տեղ) | ||
| Բարձրություն ծովի մ-ից՝ - Ցածրագույն կետ | 0 մ | ||
 | |||
 | |||
| Հիմնադրված է | 1838 թ. | ||
| Պատմական շրջան(ներ) | Կենտրոնական Նորվեգիա | ||
| Սահմանակցում է | Høylandet Municipality?, Namsskogan Municipality?, Lierne Municipality?, Snåsa Municipality? և Overhalla? | ||
| Ժամային գոտի | UTC+1 | ||
| ISO 3166-2 կոդ | NO-1742 | ||
| grong.kommune.no | |||
Բնակչությունը խոսում է նորվեգերենով, սակայն պետական լեզուն նինորսկի ու բոքմալի միջև հստակ ընտրված չէ։
Պատմություն խմբագրել
Գրոնգի շրջանը հիմնադրվել է 1838 թվականի հունվարի 1-ին, երբ վարչական շրջանը դեռ գտնվում էր Շվեդիայի և Նորվեգիայի միացյալ թագավորության կազմում։
1874 թվականին կառուցվում է Գրոնգի եկեղեցին, 1877 թվականին՝ Հառռանի եկեղեցին, իսկ առավել հին եկեղեցին կառուցվել է ավելի քան երեք դար առաջ (Գլյոսհաուգի եկեղեցի, 1689)։ 1901 թվականի հունվարի 1-ին հյուսիսարևմտյան շրջան Հյոյլանդետը, որն ուներ 1046 մարդ բնակչություն, անջատվում է Գրոնգի շրջանից։
Նորվեգիայի անկախության շրջանում արդեն՝ 1923 թվականի հունվարի 1-ին Գրոնգի շրջանից անջատվում են հյուսիսարևելյան շրջան Ռյորվիկը (392 բնակիչ), հյուսիսարևմտյան շրջան Նամսկոգանը (469 բնակիչ), և կենտրոնական շրջան Հառանը (630 բնակիչ)։ Դրա արդյունքում Գրոնգի բնակչությունը հասնում է 1,272 մարդու։ 1964 թվականի հունվարի 1-ին Հառանի շրջանը (1,085 բնակիչ) դարձյալ միացվում է Գրոնգին[1]։
Աշխարհագրություն խմբագրել
Գրոնգի շրջանը ընկած է Նամսեն գետի երկայնքով՝ Նամդալենի հովտում։ Այդ գետի երկու հիմնական վտակները՝ Սանդյոլա և Նեսելվա, նույնպես հոսում են այս շրջանի տարածքով։
Բանգսյոյնեի լճերը գտնվում են Սնոսայի և Օվերհալայի շրջանների հետ ունեցած սահմանին։ Շրջանի հարավարևելյան մի հատված գտնվում է Բլոյֆյելա Սկյակերֆյելա ազգային պարկը։
Նորվեգիայի բոլոր շրջանները, այդ թվում Գրոնգը, ունեն տասնամյա կրթական համակարգ, առողջապահական ու քաղաքացիական կառույցներ, սոցիալ-տնտեսական ծառայություններ և շրջանային ենթակայության ճանապարհներ։ Գրոնգը ղեկավարվում է շրջանային ղեկավարի միջոցով, ով իր հերթին ընտրում է քաղաքապետին։
Շրջանն ունի երեք հիմնական գյուղական բնակավայր՝ Հառանը, Բերգսմոյենը և Մեդյոն[2]։
Տնտեսություն խմբագրել
Եվրոպայի E6 մայրուղին անցնում է այս տարածքով. այն կտրում է Նամսեն գետը՝ այս շրջանի տարածքում։
Նույն կերպ այստեղով անցնում է Նուրլանսբանեն երկաթուղագիծը։ Այս տարածքում են գտնվում վերջինիս երկու երկաթուղային կայաններ՝ Գրոնգը Մեդյո քաղաքում և Հառանը՝ Հառան գյուղում։ Այժմ փակ է հին՝ Նամսոս երկաթգիծը, որը կապում էր Գրոնգը Նամսոսի հետ։
Գրոնգի շրջանից ոչ հեռու գտնվում են երեք տարածաշրջանային (Սնոսա, Նամսոս, Ռյորվիկ) և մեկ միջազգային (Թրոնհեյմ) օդանավակայաններ։
Պատկերասրահ խմբագրել
- Շրջանի եկեղեցիներ՝ Գլյոսհաուգ, Հառան, Գրոնգ
-
-
-
Ծանոթագրություններ խմբագրել
- ↑ Jukvam, Dag (1999). "Historisk oversikt over endringer i kommune- og fylkesinndelingen" (PDF) (in Norwegian). Statistisk sentralbyrå.
- ↑ Norske Kommunevåpen (1990). "Nye kommunevåbener i Norden". Retrieved 29 October 2008.