Գրիգոր Անիսոնյան
Գրիգորի Յուրիի Անիսոնյան (սեպտեմբերի 13, 1951, Թբիլիսի, Վրացական ԽՍՀ, ԽՍՀՄ), լրագրող, խմբագիր։ «Նոյան տապան» տեղեկատվական-վերլուծական թերթի գլխավոր խմբագիր և հիմնադիր, Ռուսաստանի ժուռնալիստների միության անդամ, ինչպես նաև Համաշխարհային հայկական կոնգրեսի խորհրդի և Ռուսաստանի հայերի միության անդամ։
| Գրիգոր Անիսոնյան | |
|---|---|
| Ծնվել է | սեպտեմբերի 13, 1951 (72 տարեկան) |
| Ծննդավայր | Թբիլիսի, Վրացական ԽՍՀ, ԽՍՀՄ |
| Կրթություն | Երևանի պետական համալսարան (1973) |
| Մասնագիտություն | լրագրող և խմբագիր |
| Աշխատավայր | ՀԳՄ, Արմենպրես և Նոյյան տապան |
Կենսագրություն խմբագրել
1968 թվականին ավարտել է Թբիլիսիի թիվ 20 միջնակարգ դպրոցը և ուսումը շարունակել Երևանի պետական համալսարանի Ժուռնալիստիկայի ֆակուլտետում (1973)։ Աշխատել է Երևանի մի շարք հրատարակչություններում, 1984 թվականից՝ Հայաստանի գրողների միությունում, ապա թղթակցել է «Արմենպրես» և «Նոյան տապան» լրատվական գործակալություներին։ Ավելի ուշ անցել է աշխատանքի մասնավորապես՝ Երքաղխորհրդի համակարգում և ԽՍՀՄ էլեկտրոնային արդյունաբերության նախարարությունում։
1997 թվականին Քիշնևում հիմնադրել է «Նոյան Տապան» տեղեկատվավերլուծական թերթը և «Նոյան Տապան մեդիա» ՍՊԸ ընկերությունը։ 1999 թվականից իր գործունեությունը շարունակել է Մոսկվայում։ Եղել է ՌԺՄ (1998 թվականից) և ՌՀՄ (2000 թվականից) անդամ։
Մրցանակներ խմբագրել
Հանդիսանում է Ռուսաստանի ժուռնալիստների միության մրցանակի դափնեկիր, ստացել է Մոսկվայի Մ. Լոմոնոսովի անվան շքանշան, «Սուտակե Խաչ» և ՌՀՄ «Ոսկե Խաչ» շքանշանները, մեդալ՝ ԱՊՀ երկրների միջխորհրդարանական վեհաժողովի «Մամուլի և տեղեկատվության զարգացման գործում ունեցած վաստակի համար», «Մովսես Խորենացու» մեդալ, ՀՀ մշակույթի նախարարության ոսկե մեդալ, Ռուսաստանի ժուռնալիստների միության կողմից ստացել է «Ֆրիտյոֆ Նանսեն» մեդալ։ [1]։
Ծանոթագրություններ խմբագրել
- ↑ Հայ գրատպություն և գրքարվեստ հանրագիտարան[d] (խմբ. Հովհաննես Այվազյան), Երևան, «Հայկական Հանրագիտարան Հրատարակչություն», 2015 — 91, էջեր 91 — 1120 էջ. — 1500 հատ, ISBN 978-5-89700-042-5։
Արտաքին հղումներ խմբագրել
- [youtube.com կայքում https://www.youtube.com/watch?v=Kexnu17XiPs Գ․ Անիսոնյանի հարցազրույցը «Նոյան տապան» թերթի մասին](հայ.)