Գուրգեն Սարգսյան

Գուրգեն Բայթունի Սարգսյան (հունիսի 10, 1964(1964-06-10), Երևան, Հայկական ԽՍՀ, ԽՍՀՄ), ՀՀ քաղաքական և պետական գործիչ, ՀՀ Տրանսպորտի և կապի նախարար (2008-2010 թթ.)։

Գուրգեն Սարգսյան
Մասնագիտություն՝	քաղաքական գործիչ և ճարտարագետ
Ազգություն	հայ
Ծննդյան օր	հունիսի 10, 1964(1964-06-10) (60 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան

Կրթություն

• 1986 թ. ավարտել է Երևանի պոլիտեխնիկական ինստիտուտի հաշվողական տեխնիկայի ֆակուլտետը՝ ինժեներ-սիստեմատեխնիկի որակավորմամբ։
• 1997 թ. ավարտել է ՀՀ կառավարման դպրոցի «Պետական կառավարում և տեղական ինքնակառավարում» դասընթացը։

Աշխատանքային գործունեությունը

• 1986-1992 թթ. - աշխատել է «Կոմետա» ԿԳՀԻ-ի Երևանի մասնաճյուղում որպես ինժեներ։
• 1992-1994 թթ. - աշխատել է Շենգավիթի շրջխորհրդի գործկոմում, ապա Շենգավիթի շրջխորհրդի գործկոմի «Գավիթ» պետական ձեռնարկությունում՝ որպես 1-ին կարգի մասնագետ, գլխավոր մասնագետ, ապա բաժնի վարիչ։
• 1994-2000 թթ. - ՀՀ վիճակագրության պետական վարչության պետական ռեգիստրի վարչությունում՝ որպես բաժնի պետ, վարչության պետի տեղակալ։
• 2000-2006 թթ. - ՀՀ արդարադատության նախարարության պետական ռեգիստրի վարչության պետի տեղակալ, վարչության պետ, պետական ռեգիստրի գործակալության պետ, ՀՀ պետական ռեգիստրի ղեկավար։
• Իրավագետների և քաղաքագետների միության անդամ։

Քաղաքական գործունեությունը

• 2007 թ. մայիսի 12-ին ընտրվել է ՀՀ Ազգային ժողովի 4-րդ գումարման պատգամավոր «Օրինաց երկիր» կուսակցության համամասնական ընտրացուցակով։ Առողջապահության, մայրության և մանկության հարցերի մշտական հանձնաժողովի անդամ։ ՕԵԿ խմբակցության անդամ։
• 2008 թ. ապրիլի 21-ին ՀՀ Նախագահի հրամանագրով նշանակվել է ՀՀ Տրանսպորտի և կապի նախարար։
• 2010 թ. մարտի 15-ին ՀՀ Նախագահի հրամանագրով ազատվել է ՀՀ Տրանսպորտի և կապի նախարարի պաշտոնից։

Պարգևներ և կոչումներ

• Արդարադատության առաջին դասի խորհրդական։
• Հայաստանի Հանրապետության քաղաքացիական ծառայության երկրորդ դասի պետական խորհրդական։

Ամուսնացած է, ունի երկու երեխա։

Աղբյուրներ

Նախորդող Անդրանիկ Մանուկյան

ՀՀ Տրանսպորտի և կապի նախարար Գուրգեն Սարգսյան 21 ապրիլի 2008 - 15 մարտի 2010

Հաջորդող Մանուկ Վարդանյան