Գուստավ Ադոլֆ Շրումպֆ
Գուստավ Ադոլֆ Շրումպֆ (Schrumpf) (փետրվարի 8, 1844, Օբերոսբերգեն - դեկտեմբերի 12, 1892, Լոնդոն, Մեծ Բրիտանիայի և Իռլանդիայի միացյալ թագավորություն), անգլիական բանասեր, հայագետ։ Ծագումով գերմանացի։ Ֆրանսերեն, գերմաներեն, իսպաներեն է դասավանդել Անգլիայի քոլեջներից մեկում։ Զբաղվել է նաև հայերենի քերականությամբ, բարբառագիտությամբ, բանահյուսությամբ, հեթանոսական կրոնով։ 1890 թվականին հրատարակել է «Հայագիտությունը Եվրոպայում» հոդվածաշարը՝ ներկայացնելով 16-19-րդ դարերում եվրոպացի հայագետների համառոտ կենսագրությունները, քննության ենթարկել նրանց գործերը։ Այս աշխատությունն իր տեսակի մեջ առաջինն է հայագիտության բնագավառում։
Գուստավ Ադոլֆ Շրումպֆ | |
---|---|
Ծննդյան անուն | ֆր.՝ Gustav Adolf Schrumpf |
Ծնվել է | փետրվարի 8, 1844 |
Ծննդավայր | Օբերոսբերգեն |
Վախճանվել է | դեկտեմբերի 12, 1892 (48 տարեկան) |
Վախճանի վայր | Լոնդոն, Մեծ Բրիտանիայի և Իռլանդիայի միացյալ թագավորություն |
Մասնագիտություն | գրող, լեզվաբան, համալսարանի դասախոս և հայագետ |
Քաղաքացիություն | Ֆրանսիա |
Աշխատավայր | Համալսարանի քոլեջի դպրոց |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 593)։ |