Գնորդների դալասյան ակումբը
«Գնորդների դալասյան ակումբը» (անգլ.՝ «Dallas Buyers Club»), 2013 թվականի ամերիկյան կենսագրական դրամա, որի ռեժիսորն է Ժան-Մարկ Վալեն։ Ֆիլմի համաշխարհային պրեմիերան կայացել է 2013 թվականի Տորոնտոյի միջազգային կինոփառատոնի ժամանակ։
Ֆիլմի գլխավոր դերակատարներն են Մեթյու Մակքոնահին և Ջարեդ Լետոն։ Ռեժիսորական աշխատանքները և հատկապես այս երկու դերակատարների խաղը շատ բարձր է գնահատվել ամբողջ կինոհասարակության կողմից[15][16][17]։ Ֆիլմն ու նրա անձնակազմն ընդգրկված են եղել «Օսկարի» 6 տարբեր անվանակարգերում և հաղթող են ճանաչվել նրանցից երեքում (Լավագույն դերասան, երկրորդ պլանի լավագույն դերասան և լավագույն գրիմ և սանրվածքներ)։
Սյուժե
խմբագրել| Ֆիլմի կարգախոսն է «Համարձակվեց ապրել»։ Ֆիլմը հիմնված է իրական դեպքերի վրա՝ նկարագրված «The Dallas Morning News» թերթում 1992 թվականին։ |
Սա տեխասյան էլեկտրիկ Ռոն Ուոդռուֆի կյանքի իրական պատմությունն է։ 1985 թվականին՝ գործի վայրում ծանր դեպքից հետո, նա հայտնվում է հիվանդանոցում, որտեղ նրա մոտ հայտնաբերում են ՁԻԱՀ։ Բժիշկները նրան խոստացել էին 30 օր կյանք, սակայն նա չցանկացավ համակերպվել մահվան դատավճռի հետ և փորձեց ծանրագույն վիճակից ելք փնտրել։
Իմանալով Ռոնի ախտորոշումը, նրա ընկերները հեռացան նրանից՝ կարծելով, որ նա ձեռք է բերել այդ հիվանդությունը հոմոսեքսուալ կապերի միջոցով։ Գրադարանում նա նոր տեղեկություններ է իմանում ՁԻԱՀ-ի մասին և վերջիվերջո հասկանում իր հիվանդության բուն պատճառը։
Հիվանդանոցում Ռոնը ծանոթանում է բժշկուհի Իվ Սակսի հետ, ով հայտնում է, որ նրանք փորձարկում են նոր սինթեզված AZT դեղամիջոցը։ Ենթադրաբար դեղը օգնում է երկարացնել ՁԻԱՀ-ով հիվանդների կյանքը, սակայն դեռևս անցնում է կլինիկական հետազոտությունների փուլով (հիվանդների կեսը ստանում է դեղը, իսկ մյուս կեսը՝ պլացեբոն)։ Նա հիվանդանոցի աշխատակիցների հետ պայմանավորվում է, և նրանք թաքուն Ռոնին են փոխանցում այդ դեղամիջոցը։ Սակայն դեղն ընդունելուց հետո նրա վիճակն էլ ավելի է ծանրանում, քանի որ նա դեղն օգտագործում էր թմրանյութի և ալկոհոլի հետ միասին։
Չգտնելով ոչինչ Ամերիկայում` Ռոնն անցնում է Մեքսիկա։ Այնտեղ նա վերջնականորեն իմանում է, որ ՁԻԱՀ-ը անբուժելի է, սակայն նրա տարածումը օրգանիզմով կարելի է որոշակի ժամանակ կանխել` օգտագործելով որոշակի բնույթի դեղեր (Զալցիտաբին, Պեպտիդ T)։ Ռոնը սկսում է այս դեղերը ներմուծել ԱՄՆ։
Որոշ ժամանակ անց Ռոնը ծանոթանում է տրանսսեքսուալ Ռայոնի հետ, որը նույնպես տառապում էր այդ հիվանդությամբ։ Նա դառնում է Ռոնի համախոհը, և նրանք հիմնում են «գնորդների ակումբ», որտեղ ՁԻԱՀ-ով հիվանդ անձինք կարող են կատարել ամսական 400 $ մուտքավճար և օգտագործել ԱՄՆ-ում արգելված դեղամիջոցները, որպեսզի կարողանան երկարացնել իրենց կյանքը[18]։
Ռոնի գործունեությունը հանգեցնում է նրան, որ նմանատիպ ակումբներ են բացվում ամբողջ Ամերիկայում։ Դեղեր հայթայթելու համար նա մեկնում է Ճապոնիա, Իսրայել և Ամստերդամ։ Այս ամենում նրան օգնում է նաև բժիշկ Վասը։ Շուտով Սննդի և դեղերի Վարչությունը (անգլ.՝ Food and Drug Administration, FDA) բռնագրավում է բոլոր դեղերը։
Երբ Ռայոնը կրկին վատանում է, նրան տանում են հիվանդանոց, որտեղ նա մահանում է AZT նոր չափաբաժին ընդունելուց հետո։ Ռոնը կատաղում է և, մի կողմ դնելով մոլուցքը փողի հանդեպ, սկսում է օգնել մարդկանց։ 1987 թվականին Սան Ֆրանցիսկոյում նա դատի մեջ է մտնում FDA-ի հետ, սակայն պարտվում է դատը, բայց նրան իրավունք է շնորհվում օգտագործել Պեպտիդ T միայն սեփական կարիքների համար։ Երբ Ռոնը տուն է վերադառնում, նրա հաճախորդները նրան դիմավորում են ծափողջույններով։
1992 թվականի սեպտեմբերին 42-ամյա Ռոն Ուոդռուֆը մահանում է՝ ապրելով 7 տարի այն բանից հետո, երբ նրա մոտ հայտնաբերել էին ՁԻԱՀ։
Դերերում
խմբագրել- Մեթյու Մակքոնահի - Ռոն Ուոդռուֆ
- Ջենիֆեր Գարներ - բժիշկ Իվ Սակս
- Ջարեդ Լետո - Ռայոն
- Դենիս Օ'Հարե - բժիշկ Սևարդ
- Սթիվ Զան - Թակեր
- Մայքլ Օ'Նիլ - Ռիչարդ Բարկլի
- Դալաս Ռոբերտս - Դեյվիդ Ուայն
- Գրիֆին Դան - բժիշկ Վաս
- Քևին Ռանկին - Թի-Ջեյ
- Ջեյն Մաքնիլ - Ֆրենսին Զուսկինդ
- Ջեյմս Դիմոնտ - Ռայոնի հայրը
Սաունդտրեկ
խմբագրել| Գնորդների դալասյան ակումբը անգլ.՝ Dallas Buyers Club | |
|---|---|
 | |
| Թողարկված | հոկտեմբերի 29, 2013 |
| Ժանր | պաշտոնական սաունդտրեկ |
| Տևողություն | 1:08:47 |
| Պրոդյուսեր | Ռոբի Բրեններ[10][11] |
| # | Անվանում | Հեղինակ(ներ) | Տևողություն |
|---|---|---|---|
| 1. | «Sweet Thang» | Շագի Օտիս | 4:09 |
| 2. | «Following Morning» | The Naked and Famous | 5:03 |
| 3. | «Hell and Back» | The Airborne Toxic Event | 3:52 |
| 4. | «Ready to Be Called On» | My Morning Jacket | 3:46 |
| 5. | «Life of the Party» | Blondfire | 3:23 |
| 6. | «The Walker (Ռայլենդ Էլիսոնի ռեմիքս)» | Fitz And The Tantrums | 3:28 |
| 7. | «Shudder to Think» | Tegan and Sara | 3:24 |
| 8. | «Mad Love (ակուստիկ)» | Neon Trees | 3:39 |
| 9. | «Main Man (T. Rex-ի քավեր)» | Portugal. The Man | 6:15 |
| 10. | «Stayin' Alive (Bee Gees-ի քավեր)» | Capital Cities | 4:03 |
| 11. | «Romance Languages» | Cold War Kids | 2:52 |
| 12. | «Burn It Down (Innerpartysystem-ի ռեմիքս)» | Awolnation | 4:56 |
| 13. | «After the Scripture» | Manchester Orchestra | 4:36 |
| 14. | «City of Angels (ակուստիկ)» | Thirty Seconds to Mars | 4:29 |
| 15. | «Main Man» | T. Rex | 4:13 |
| 16. | «Life Is Strange» | T. Rex | 2:32 |
| 17. | «Ballrooms of Mars» | T. Rex | 4:07 |
Ծանոթագրություններ
խմբագրել- ↑ http://www.nytimes.com/2013/11/01/movies/matthew-mcconaughey-stars-in-dallas-buyers-club.html?partner=rss&emc=rss
- ↑ http://www.nytimes.com/2013/11/01/movies/matthew-mcconaughey-stars-in-dallas-buyers-club.html?_r=0
- ↑ 3,00 3,01 3,02 3,03 3,04 3,05 3,06 3,07 3,08 3,09 http://www.filmaffinity.com/es/film472295.html
- ↑ 4,0 4,1 Freebase տվյալների վերբեռնում — Google.
- ↑ Internet Movie Database — 1990.
- ↑ http://nmhh.hu/dokumentum/166259/premierfilmek_forgalmi_adatai_2014.xlsx
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ 8,00 8,01 8,02 8,03 8,04 8,05 8,06 8,07 8,08 8,09 http://www.bbfc.co.uk/releases/dallas-buyers-club-film
- ↑ http://www.interfilmes.com/filme_30478_Clube.de.Compras.Dallas-(Dallas.Buyers.Club).html
- ↑ 10,0 10,1 10,2 10,3 http://www.dvdsreleasedates.com/movies/5929/Dallas-Buyers-Club-2013.html
- ↑ 11,0 11,1 http://www.sinemalar.com/film/215156/dallas-buyers-club
- ↑ 12,00 12,01 12,02 12,03 12,04 12,05 12,06 12,07 12,08 12,09 12,10 http://www.imdb.com/title/tt0790636/fullcredits
- ↑ 13,0 13,1 13,2 https://filmow.com/clube-de-compras-dallas-t64699/
- ↑ 14,0 14,1 14,2 ČSFD (չեխերեն) — 2001.
- ↑ «Oscars 2013 Nominations: Charts & Graphs» (անգլերեն). Gold Derby. Արխիվացված է օրիգինալից 2013 թ․ նոյեմբերի 28-ին. Վերցված է 2013 թ․ նոյեմբերի 21-ին.
- ↑ «Oscars 2013 Nominations: Charts & Graphs for Supporting Actor» (անգլերեն). Gold Derby. Արխիվացված է օրիգինալից 2013 թ․ նոյեմբերի 24-ին. Վերցված է 2013 թ․ նոյեմբերի 21-ին.
- ↑ «Dallas Buyers Club (2013)» (անգլերեն). Rotten Tomatoes. Վերցված է 2013 թ․ նոյեմբերի 21-ին.
- ↑ «Story of Dallas Buyers Club» (անգլերեն). Focus Features. Արխիվացված է օրիգինալից 2013 թ․ նոյեմբերի 24-ին. Վերցված է 2013 թ․ նոյեմբերի 21-ին.
Արտաքին հղումներ
խմբագրել- Ֆիլմի պաշտոնական կայք Արխիվացված 2014-12-14 Wayback Machine
- «Գնորդների դալասյան ակումբը» ֆիլմը ԿինոՊոիսկ կայքում
- «Գնորդների դալասյան ակումբը» ֆիլմը Internet Movie Database կայքում
- «Գնորդների դալասյան ակումբը» ֆիլմը Box Office Mojo կայքում
- «Գնորդների դալասյան ակումբը» ֆիլմը Rotten Tomatoes կայքում
- «Գնորդների դալասյան ակումբը» ֆիլմը Metacritic կայքում
 | Վիքիպահեստն ունի նյութեր, որոնք վերաբերում են «Գնորդների դալասյան ակումբը» հոդվածին։ |