Գյուրդիր Էլիասոն (իսլ.՝ Gyrðir Elíasson, ապրիլի 4, 1961(1961-04-04)[1], Ռեյկյավիկ, Իսլանդիա), իսլանդացի գրող և թարգմանիչ[2]։

Գյուրդիր Էլիասոն
Gyrdir Eliasson, vinnare av Nordiska radets litteraturpris 2011 (1).jpg
Ծնվել էապրիլի 4, 1961(1961-04-04)[1] (60 տարեկան)
ԾննդավայրՌեյկյավիկ, Իսլանդիա
Մասնագիտությունբանաստեղծ, գրող և թարգմանիչ
ՔաղաքացիությունFlag of Iceland.svg Իսլանդիա
Ժանրերպատմվածք
Gyrðir Elíasson Վիքիպահեստում

Կենսագրություն և գրական գործունեությունԽմբագրել

Էլիասոնը ծնվել է Ռեյկյավիկում, սակայն մանկությունն անցկացրել է Սյոյդաուրկոուկյուրում, որը ոչ մեծ քաղաք է երկրի հյուսիսում։ 1982 թվականին ավարտել է հանրակրթական դպրոցը։ Ակադեմիական կրթություն ստանալու ընթացքում՝ համալսարանում սովորելիս, սկսել է գրել բանաստեղծություններ։ Նրա առաջին գիրքը, որ եղել է բանաստեղծութունների ժողովածու Svarthvít axlabönd (Սև-սպիտակ տաբատակալներ) խորագրով, լույս է տեսել 1983 թվականին[3]։

Էլիասոնն սկսել է նաև թարգմանություններ կատարել անգլերենից՝ իսլանդացի գրողների պարտականությունը համարելով թարգմանություններին մասնակցելը[2]։ Նրա թարգմանությունների թվում են Ռիչարդ Բրոտիգանի չորս ստեղծագործությունները[3]։ Գյուրդիրն զբաղվել է նաև Ամերիկայի բնիկների ստեղծագործությունների թարգմանություններով։

Էլիասոնը հեղինակել է բանաստեղծությունների տասնյակ ժողովածուներ և արձակի հինգ գիրք։ Նրա ոճը համարում են «խիստ անձնական»[4]։

Գյուրդիր Էլիասոնն ապրում է Ռեկյավիկում, ամուսնացած է, ունի երեք երեխա[3]։

ՄրցանակներԽմբագրել

Էլիասոնն արժանացել է Հյուսիսային խորհրդի գրական հեղինակավոր մրցանակի 2011 թվականին իր պատմվածքների Milli trjánna (Ծառերի միջև) ժողովածուի համար[5]։ 2000 թվականին նրա «Դեղին տուն» ժողովածուն արժանացել է Իսլանդական գրական մրցանակի և Halldor Laxnes մրցանակի գրականության ոլորտում[6]։

ՍտեղծագործություններԽմբագրել

Անգլերեն թարգմանված ստեղծագործություններ՝

  • The Wandering Squirrel (Gangandi íkorni — «Թափառող սկյուռ») (վեպ)
  • The Book of Sandá River (Sandárbókin — «Սանդա գետի գիրքը») (վեպ)
  • Stone Tree («Steintré» — «Քարե ծառ») (պատմվածքներ, 2003)
  • A Few General Remarks on the Cooling of the Sun (Nokkur almenn orð um kulnun sólar — «Մի քանի ընդհանուր դիտողություններ Արևի սառչելու վերաբերյալ») (պոեզիա)

Թարգմանություններ իսլանդերեն

  • «The Education of Little Tree», Ֆորեստ Քարթերի վեպը, (իսլանդերեն՝ «Uppvöxtur Litla Trés»)

ԾանոթագրություններԽմբագրել

  1. 1,0 1,1 German National Library, Berlin State Library, Bavarian State Library, Austrian National Library Record #114425140 // Gemeinsame Normdatei — 2012—2016.
  2. 2,0 2,1 Gyrðir Elíasson (2000)։ «From the Author»։ Literature.is։ Արխիվացված է օրիգինալից 2013-11-12-ին։ Վերցված է նոյեմբերի 6, 2013 
  3. 3,0 3,1 3,2 «Gyrðir Elíasson»։ Literature.is։ Արխիվացված է օրիգինալից 2013-11-12-ին 
  4. Gyrðir Elíasson, Edda.is (Archive.org)
  5. «Gyrðir Elíasson has won the Nordic Council Literature Prize 2011» (Press release)։ Norden։ ապրիլի 12, 2011։ Արխիվացված է օրիգինալից 2015-02-15-ին։ Վերցված է նոյեմբերի 6, 2013 
  6. «Gyrðir Elíasson: Awards»։ Literature.is։ Արխիվացված է օրիգինալից 2013-11-12-ին։ Վերցված է նոյեմբերի 6, 2013 

Արտաքին հղումներԽմբագրել