Գենադի Կազումյան
- Վիքիպեդիայում կան հոդվածներ Կազումյան ազգանունով այլ մարդկանց մասին։
Գենադի Զորայրի Կազումյան (1958, սեպտեմբերի 6, Թբիլիսի), հայ ճարտարագետ-մեխանիկոս։ Տեխնիկական գիտությունների թեկնածու (1989)։ ՀՃԱ թղթակից անդամ (1996)։
| Գենադի Կազումյան | |
|---|---|
| Ի ծնե | Գենադի Զորայրի Կազումյան |
| Ծնվել է | 1958 սեպտեմբերի 6 |
| Ծննդավայր | Թբիլիսի |
| Ազգություն | հայ |
| Գործունեություն | Ճարտարագետ-մեխանիկոս |
| Գործունեության տարիներ | 1989 թվականից |
| Կրթություն | ՀԱՊՀ |
Տեխնիկական գիտությունների դոկտոր, պրոֆեսոր Զորայր Կազումյանի որդին։
Կենսագրություն խմբագրել
1980 թվականին ավարտել է Երևանի պոլիտեխնիկական ինստիտուտը։ 1989-1993 թվականներին աշխատել է «Երկաթբետոն միություն» ԳԱՄ Երևանի մասնաճյուղի փորձարարական, 1993-1996 թվականներին՝ «Արզնի» հանքային ջրերի գործարանների, 1996 թվականից՝ ՌԴ ՊՆ Մոսկվայի «Վոյենխլեբ» դաշնային պետական միացյալ ձեռնարկության գլխավոր տնօրեն։ Երկաթբետոնե և այլ կառուցատարրերի որակի վերահսկողության Կազումյանի մշակած եղանակը ներդրվել է սեյսմակայուն շինարարության մեջ, արտոնագրվել Ճապոնիայում, Հարավային Կորեայում, Անգլիայում, ԱՄՆ-ում։ 1993 թվականին Կազումյանի ջանքերով «Արզնի» գործարանում տեղակայվել է ոչ ալկոհոլային խմիչքների, նաև ավանդական հայկական հումքից արտադրություն[1]։
Մրցանակներ խմբագրել
- ՀՌԴ պետական մրցանակ, 2001 թ.
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
Արտաքին հղումներ խմբագրել
- Казумян Геннадий Зорайрович(չաշխատող հղում)