Գեդեոն Միրաղյան

Գեդեոն Բարսեղի Միրաղյան (հունիսի 28, 1859(1859-06-28), Թիֆլիս, Կովկասի փոխարքայություն, Ռուսական կայսրություն - հունվարի 27, 1919(1919-01-27), Թիֆլիս, Վրաստանի Դեմոկրատական Հանրապետություն), հայ դերասան և մանկավարժ։

Գեդեոն Միրաղյան
Ծնվել է	1859 հունիսի 28
Ծննդավայր	Թիֆլիս
Մահացել է	հունվարի 27, 1919(1919-01-27) (տարիքը 59)
Մահվան վայր	Թիֆլիս
Կրթություն	Ներսիսեան դպրոց
Քաղաքացիություն	Ռուսական կայսրություն
Ազգություն	հայ
Մասնագիտություն	դերասան, մանկավարժ

Գևորգ Միրաղյանի եղբայրը։

Կենսագրություն

Գեդեոն Միրաղյանը ծնվել է Թիֆլիսում։ 1887 թվականից դասավանդել է Հավլաբարի (Թիֆլիս) ծխական, Ներսիսյան, Արհեստավորաց դպրոցներում։ Պրոֆեսիոնալ թատրոնի բեմ է բարձրացել 1884 թվականին։ 1889 թվականից խաղացել է նաև վրացական թատրոնում՝ Գեդևանով ազգանունով։ Եղել է կատակերգական և բնութագրական դերերի լավագույն մեկնաբան։

Լավագույն անձնավորումներից են՝ Պեպո, Գիժ Մոզի, Զամբախով, Իսայի (Գաբրիել Սունդուկյանի «Պեպո», «Քանդած օջախ», «Խաթաբալա»), Բոբչինսկի (Գոգոլի «Ռևիզոր»), Պոլոնիուս (Շեքսպիրի «Համլետ»)։ Հեղինակ է մի շարք թարգմանությունների (Ա․ Ցագարելիի «Սիբիրական»-ը, 1908, և այլն)։ Աշխատակցել է «Գեղարվեստ», «Հուշարար», «Մշակ» և այլ պարբերականների։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 614)։