Գարրի Ռաշիդյան
Գարրի Հայկի Ռաշիդյան (հունվարի 5, 1933, Երևան, Հայկական ԽՍՀ, ԱԽՖՍՀ, ԽՍՀՄ - հունվարի 3, 2016, Երևան, Հայաստան[1][2]), հայ ճարտարապետ, ճարտարապետության դոկտոր (1999), պրոֆեսոր, ՀՀ վաստակավոր ճարտարապետ, ճարտարապետության միջազգային ակադեմիայի անդամ։
| Գարրի Ռաշիդյան | |
|---|---|
 | |
| Ծնվել է | հունվարի 5, 1933 |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | հունվարի 3, 2016 (82 տարեկան) |
| Վախճանի վայր | Երևան, Հայաստան |
| Կրթություն | ՀԱՊՀ (1957) |
| Աշխատավայր | Հայպետնախագիծ և Ճարտարապետության և շինարարարության Հայաստանի ազգային համալսարան |
| Պարգևներ | |
 Garry Rashidyan Վիքիպահեստում | |
Կենսագրություն
խմբագրել1957 թվականին ավարտել է Երևանի պոլիտեխնիկական ինստիտուտը։ 1967 թվականից եղել է նախագծի գլխավոր ճարտարապետ Հայպետնախագիծ ինստիտուտում և Հայկական ճարտարապետաշինական գիտահետազոտական ինստիտուտում։ 1970-1971 թվականներին վերապատրաստվել է Ֆինլանդիայում։ 1977-1993 թվականներին եղել է Երևանի միութենական նախագծային ինստիտուտի տնօրեն, 1997 թվականից՝ ԵՊՃՇՀ ճարտարապետական նախագծման ամբիոնի վարիչ (պրոֆեսոր՝ 1989)։
Ստեղծագործական աշխատանք
խմբագրելՀեղինակ է Էջմիածնի հրապարակի բարեկարգման (1982), փոստի շենքի (1985), համահեղինակ՝ հասարակական կենտրոնի (1973-1985), «Վաղարշապատ» (1975-1981, ՀԽՍՀ պետական մրցանակ՝ 1981), Երևանի Ավան-Առինջ բնակելի (1978-1985) թաղամասերի, «Երիտասարդական» բնակելի համալիրի (1983), Հայրենական պատերազմում (1941- 1945) տարած հաղթանակի 40-ամյակի հուշահամալիրի (1985-1986), «Դավթաշեն» հանգստի գոտու, Էջմիածնում «Հավերժություն» հուշարձանի («Մաշտոց և Կորյուն», բազալտ), Երևանում վիլլայի (2002) և այլ աշխատանքների։
Գարրի Ռաշիդյանի աշխատանքները նվիրված են քաղաքաշինության և ճարտարապետության խնդիրներին[3]։
Պարգևատրումներ
խմբագրելԽորհրդային ճարտարապետության 1976-1980 թվականների նվաճումների համամիութենական, «Տարվա լավագույն ստեղծագործություն» հանրապետական (1981, 1985, 1986, 1987, 1989) ստուգատեսների դափնեկիր։
- ՀԽՍՀ պետական մրցանակ, 1981
- ՀԽՍՀ Գերագույն խորհրդի պատվոգիր
- Աշխատանքի վետերանի մեդալ
- Ժողովուրդների բարեկամության շքանշան
- ԵՇՃՀ-ի 2 ոսկե մեդալ
- Հայաստանի կրթության և գիտության նախարարության բարձրագույն պարգև՝ ոսկե հուշամեդալ
- Պողոսյան մրցանակ (2012)[4]
- Հայաստանի վարչապետի շնորհակալագիր (2014)։
Ծանոթագրություններ
խմբագրել- ↑ Վախճանվել է ճարտարապետ Գարրի Ռաշիդյանը
- ↑ «Zarkfoundation - Գարրի Ռաշիդյան». zarkfoundation.com.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Պողոսյան մրցանակ - Գարրի Ռաշիդյան». Արխիվացված է օրիգինալից 2022 թ․ հուլիսի 16-ին. Վերցված է 2022 թ․ ապրիլի 18-ին.
 | Վիքիպահեստն ունի նյութեր, որոնք վերաբերում են «Գարրի Ռաշիդյան» հոդվածին։ |