Գարսևան Վարշամյան

Գարսևան Արամի Վարշամյան (1890, Սևքար, Ղազախի գավառ, Ելիզավետպոլի նահանգ, Ռուսական կայսրություն - 1952, Երևան, Հայկական ԽՍՀ, ԽՍՀՄ), Հարավային Կովկասում հեղափոխական շարժումների մասնակից։ Կոմունիստական կուսակցության անդամ 1907 թվականից։

Գարսևան Վարշամյան
Ծնվել է	1890
Ծննդավայր	Սևքար, Ղազախի գավառ, Ելիզավետպոլի նահանգ, Ռուսական կայսրություն
Մահացել է	1952
Մահվան վայր	Երևան, Հայկական ԽՍՀ, ԽՍՀՄ
Մասնագիտություն	հեղափոխական

Սովորել է ծխական դպրոցում, Թիֆլիսում։ Աշխատել է տպարանում, որտեղ և ծանոթացել է հեղափոխական բանվորների հետ, կատարել նրանց հանձնարարությունները։ Ձերբակալվել և արտաքսվել է քաղաքից։ 1906 թվականին տեղափոխվել է Բաքու։ 1909 թվականին ընտրվել Է ՌՍԴԲԿ Բաքվի կոմիտեի անդամ։ 1910 թվականին ձերբակալվել է և դատապարտվել 4 տարվա տաժանակրության, որը փոխարինվել է ցմահ բնակությամբ Սիբիրում։ Հոկտեմբերյան հեղափոխության հաղթանակից հետո եղել է Տուրուխանյան երկրամասի մատակարարման գծով լիազոր, այնուհետև՝ Ենիսեյի նահանգմիության վարչության անդամ։ 1923 թվականին տեղափոխվել է Երևան և տնտեսական պատասխանատու աշխատանք վարել զանազան ձեռնարկություններում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։