Գառնիկ Արազյան

Գառնիկ Արշավիրի Արազյան (հոկտեմբերի 23, 1936(1936-10-23), Կիրովական, ԽՍՀՄ), խորհրդային հայ կինոռեժիսոր, դերասան, սցենարիստ, ԽՍՀՄ կինեմատոգրաֆիստների միության անդամ, Ռուսաստանի կինեմատոգրաֆիստների միության, Մոսկվայի գրողների միության, Հայաստանի թատերական գործիչների միության, Հեռուստատեսության և ռադիոյի եվրասիական ակադեմիայի իսկական անդամ։

Գառնիկ Արազյան
Գառնիկ Արազյանը «Յոթներանգ ծաղկիկ» ֆիլմում (1968)
Ծնվել է	հոկտեմբերի 23, 1936(1936-10-23) (87 տարեկան)
Ծննդավայր	Կիրովական, ԽՍՀՄ
Կրթություն	Ռոմանոս Մելիքյանի անվան պետական երաժշտական քոլեջ (1956), Երևանի պետական գեղարվեստա-թատերական ինստիտուտ (1958) և Մոսկվայի Գերասիմովի անվան կինեմատոգրաֆիայի ինստիտուտ (1968)
Քաղաքացիություն	ԽՍՀՄ և  Հայաստան
Գործունեության տարիներ	1968 - 1994
Մասնագիտացում	դերասան, ռեժիսոր, սցենարիստ և կինոռեժիսոր
Ոճ(եր)	դրամա և մանկական ֆիլմ
IMDb	ID ID 0033276

Կենսագրություն

Գառնիկ Արազյանը ծնվել է 1936 թվականի հոկտեմբերի 23-ին Կիրովական քաղաքում (այժմ՝ Վանաձոր)։ 1956 թվականին ավարտել է Երևանի երաժշտական ուսումնարանի թավջութակի բաժինը, իսկ 1958 թվականին՝ Երևանի գեղարվեստա-թատերական ինստիտուտի դերասանական ֆակուլտետը։ Այնուհետև 1968 թվականին ավարտում է ՎԳԻԿ-ի ռեժիսուրայի ֆակուլտետը՝ Լև Կուլեշովի արվեստանոցը։ 1956 թվականից աշխատել է Երևանի և Արտաշատի թատրոններում որպես դերասան, իսկ 1960 թվականից՝ Երևանի հեռուստատեսությունում և կինոստուդիայում՝ որպես ռեժիսորի ասիստենտ։ Ապրում և աշխատում է Մոսկվա քաղաքում։

Ձեռքբերումներ

• Ռուսախոս գրողների միջազգային մրցույթի դափնեկիր, Պրահա, Եվրոպա-2009 (հումորային պատմվածքների համար)
• Մոսկվայում կայացած 12-րդ Եվրասիական հեռուստատեսային ֆորումի դափնեկիր («Մարկ Շագալ», «Վինսենտ Վան Գոգ», «Մարտիրոս Սարյան» ֆիլմերի համար)
• Ռուսական «12 աթոռներ» գրական թերթի և Մոսկվայի «Բուլգակովի տուն» մրցույթների դափնեկիր (կարճ պատմվածքների համար)
• Երեխաների և պատանիների համար հեռուստատեսային ֆիլմերի Բալկանյան փառատոնի դափնեկիր («Մարկ Շագալ»)։

Ֆիլմագրություն

Դերերը կինոյում

Տարեթիվ	Ֆիլմ	Դեր
1977	Խոնարհվիր վաղվա օրվան
1971	Ծերուկներն ամուսնացան
1971	Վերադարձ կյանքին	Միխայիլ Կարապետյան
1968	Յոթներանգ ծաղկիկ	լուսանկարիչ
1968	Կարատել	ծովագնաց
1966	Աղբահան	գլխավոր դեր
1964	Ծաղրածուն և շողը	գլխավոր դեր

Ռեժիսոր

Տարեթիվ	Ֆիլմ
2009	Համաշխարհային գլուխգործոցներ
1994	Կախարդվածները
1979	Պատրանք կամ 30 րոպե կրկեսում
1974	Սպիտակ ճանապարհ
1972	Կազանի համալսարանը
1971	Ծերուկներն ամուսնացան
1969	Սա իմ հողն է
1968	Յոթներանգ ծաղկիկ
1966	Աղբահան
1966	Անտեսանելի աշխարհի մարդիկ
1965	Անանիա Շիրակացի
1964	Ծաղրածուն և շողը

Սցենարիստ

Տարեթիվ	Ֆիլմ
2009	Համաշխարհային գլուխգործոցներ
1994	Կախարդվածները
1979	Պատրանք կամ 30 րոպե կրկեսում
1972	Կազանի համալսարանը
1971	Ծերուկներն ամուսնացան
1969	Սա իմ հողն է
1966	Աղբահան
1966	Անտեսանելի աշխարհի մարդիկ
1965	Անանիա Շիրակացի
1964	Ծաղրածուն և շողը

Օպերատոր

Տարեթիվ	Ֆիլմ
2009	Համաշխարհային գլուխգործոցներ

Արտաքին հղումներ

• Կինոռեժիսոր Գառնիկ Արազյանի հանդիպումը հունիսի 4-ին ժամը 18-ին Պրահայում(չաշխատող հղում)