Գայլն ու յոթ ուլիկները (մուլտֆիլմ)

«Գայլն ու յոթ ուլիկները» (ռուս.՝ «Волк и семеро козлят»), խորհրդային նկարված մուլտֆիլմ, որը ռուսական ժողովրդական հեքիաթի մոտիվներով ստեղծվել է 1957 թվականին «Սոյուզմուլտֆիլմ» կինոստուդիայում ռեժիսոր-մուլտիպլիկատոր Պյոտր Նոսովի կողմից։

Գայլն ու յոթ ուլիկները
Տեսակ	մուլտֆիլմ
Ռեժիսոր	Պյոտր Նոսով
Սցենարիստ	Նիկոլայ Աբրամով
Երաժշտություն	Արտեմի Այվազյան
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	10 րոպե
Թվական	1957

Սյուժե

Մուլտֆիլմն ստեղծվել է «Գայլն ու յոթ ուլիկները» ռուսական ժողովրդական հայտնի մուլտֆիլմի մոտիվներով։

Մի անգամ այծը պետք է շտապ գնար տանից։ Անհանգստանալով իր ուլիկների համար՝ նրանց զգուշացնում է ոչ մեկի առաջ դուռը չբացել, բացի իրենից։ Իսկ որպեսզի նրանք իրեն ճանաչեին, Այծը նրանց սովորեցնում է մի պարզ երգ։

Բայց չար Գայլը գողի ու խուլիգանի նման լսում է նրանց խոսակցությունը և որոշում գողանալ ուլիկներին՝ դիմելով խորամանկության։ Նա անտառի դարբին Արջին խնդրում է իր ձայնը դարձնել բարակ, որպեսզի խաբի ուլիկներին։

Ուլիկները, որ այդքան էլ խելամիտ չէին, «ընկնում են թակարդն» ու Գայլին տուն թողնում։ Գայլը նրանց բռնում է, գցում պարկի մեջ ու փախչում, բայց, ինչպես հեքիաթում է, ուլիկներից մեկը թաքնվում է։ Այծը կարողանում է վերադարձնել իր ուլիկներին ու պատժել չար Գայլին, ինչում նրան օգնում են անտառի բնակիչները։

Դերերը հնչյունավորողներ

• Յուլյա Յուլսկայա – Ուլիկ
• Գեորգի Վիցին – Փայտփորիկ
• Լեոնիդ Պիրոգով – Արջ

Հետաքրքիր փաստեր

• Մուլտֆիլմը հնչյունավորող դերասանների անուններն ու ազգանունները տիտրերում նշված չեն։
• «Арам-зам-зам» հայտնի երաժշտությունը փոխառված է այս մուլտֆիլմի երաժշտական գլխավոր թեմայից («Козлятушки-ребятушки…»):

DVD

2008 թվականին մուլտֆիլմը DVD տարբերակով թողարկվել է «Крупный план» ընկերության կողմից։ Ձայնագրության ժամանակ օգտագործվել է պատկերների ու ձայնի թվային ռեստավրացիա։

Գրականություն

• Фильмы-сказки. Сценарии рисованных фильмов. Выпуск 5.. — М.: Искусство, 1958. — 290 с. Н. Абрамов «Волк и семеро козлят», стр. 131.

Արտաքին հղումներ

• Մուլտֆիլմը Аниматор.ru կայքում
• «Волк и семеро козлят» смотреть онлайн на сайте Каруника