Բունդեսվեր
Բունդեսվեր (գերմ.՝ Bundeswehr), Գերմանիայի Դաշնային Հանրապետության Զինված ուժեր։
Պատմություն խմբագրել
Բունդեսվերը ստեղծվել է Երկրորդ համաշխարհային պատերազմից 10 տարի անց՝ 1955 թվականի հունիսի 7-ին։ Այդ օրը բացվել էր Գերմանիայի պաշտպանության նախարարությունը։ 1955 թվականի նոյեմբերի 12-ին Բոնում գերմանական բանակի առաջին 100 կամավորներն երդվել են հայրենիքին հավատարիմ ծառայել «հին գերմանական բանակի» ավանդույթներին և ծեսերին համապատասխան։ Սակայն «բունդեսվեր» անվանումն առաջացել է միայն 1956 թվականին։
Գերմանական բանակի ստեղծմանը նախորդում էր Փարիզյան համաձայնագրերի ստորագրումը 1954 թվականին, ըստ որոնց Գերմանիայի տարածքում վերացվել է օկուպացիոն ռեժիմը, վերականգնվել է նրա պետական ինքնիշխանությունը։ Գերմանիան մտել է ՆԱՏՕ-ի կազմի մեջ։ Կանցլեր Կոնրադ Ադենաուերի կաբինետը խորհրդարանի վերահսկողության տակ ընդունել է բանակի նոր սահմանադրական հայեցակարգ։ Երկրի սահմանադրության մեջ ամրապնդվել է արգելք բանակի օգտագործումը Գերմանիայի սահմաններից դուրս։ Մինչ 1957 թվականը Բունդեսվերը համալրվում էր վարձակալությամբ, սակայն 1957 թվականին օրենքի մեջ է մտել պարտադիր զինվորական ծառայությունը։
Կառուցվածք խմբագրել
.jpg)
Բունդեսվերը բաղկացած է Ցամաքային զորքերից, Ռազմաօդային ուժերից և Ռազմածովային ուժերից։ Բացի այդ, որպես առանձին բաղադրիչ Բունդեսվերի կազմում 2000 թվականից ստեղծվել են ապահովման միավորված ուժերը և բժշկասանիտարական ծառայությունը։
Բունդեսվերը բաղկացած է զինված ուժերից և քաղաքացիական ղեկավարումից։ Բունդեսվերի ղեկավարը պաշտպանության դաշնային նախարարն է, որը խաղաղ ժամանակ հրամանատար է համարվում։ Պաշտպանական գործողություններին անցնելու դեպքում հրամանատարությունն անցնում է Գերմանիայի կանցլերին (Գերմանիայի սահմանադրության 115 b հոդված)։ Բունդեսվերում ամենաբարձր կոչումը գեներալ-տեսուչն է, որը սակայն կրում է գեներալի կոչումն, այնուամենայնիվ, չի համարվում Բունդեսվերի հրամանատար։ Հրամանատարի կոչումն որպես այդպիսին գոյություն չունի։ Բունդեսվերի համապատասխան ստորաբաժանումների պատրաստության համար պատասխանատվությունը կրում են զորատեսակների տեսուչները (Ցամաքային զորքեր, Ռազմաօդային ուժեր և Ռազմածովային ուժեր)։
2011 թվականի հուլիսի 1-ից Գերմանիայում պարտադիր զորակոչը բանակ դադարեցվել է։ Այդպիսով, Բունդեսվերն ամբողջությամբ անցել է արհեստավարժ բանակի։
Պարտադիր զինվորական ծառայություն խմբագրել
.jpg)
Մինչ 2011 թվականի հուլիսի 1-ը Գերմանիայում պարտադիր զինվորական ծառայություն են անցել երկրի բոլոր չափահաս քաղաքացիները (զինվորական ծառայության 6 ամիսը կամ այլընտրանքային աշխատանքային ծառայություն սոցիալական և բարեգործական կազմակերպություններում)։ Զորակոչիկների թիվը Բունդեսվերի կազմում տատանվում էր 60 հազարից մինչև 80 հազար զինծառայող, ովքեր ծառայում են 6 ամսվա ընթացքում։ Նրանց մոտ 1/3-րդը պարտադիր զինվորական ծառայությունից հետո ցանկություն էին հայտնում շարունակել ծառայությունը մինչև 23 ամիս ժամկետով և դրանից հետո համարվում էին զորակոչիկ-կամավոր։ Բացի այդ, Բունդեսվերում ծառայում են պայմանագրային զինծառայողներ (նրանց ծառայության ժամկետը 2-12 տարի է) և կադրային զինծառայողներ, որոնց թիվը կազմում է ավելի քան 250 հազար մարդ։
Զինապարտ են համարվում Գերմանիայի 18-45 տարեկան բոլոր տղամարդ քաղաքացիները, իսկ երկրի պաշտպանության դեպքում (Verteidigungsfall)՝ մինչև 60 տարեկան։
Օրենքով, զինապարտության հիման վրա նախատեսվում են հետևյալ զինվորական ծառայության տեսակներ՝
- Հիմնական պարտադիր զինվորական ծառայություն (Grundwehrdienst)։
- Ուսումնական հավաքների անցկացում (Wehrübungen)։
- Անժամկետ ծառայություն Verteidigungsfall-ի ժամանակահատվածում։
Կազմակերպություն խմբագրել
Ցամաքային զորքեր խմբագրել
Կազմակերպչական տեսանկյունից ցամաքային զորքերը բաղկացած են ստորաբաժանումներից (բաժանմունք, դասակ, վաշտ), մասերից (առանձին գումարտակ, զորագունդ), կազմավորումներից (բրիգադ, դիվիզիա, կորպուս) և միավորումներից (առանձին կորպուս, բանակ, ռազմաճակատ)։ Իրենց կազմում ցամաքային զորքերն ունեն տարբեր զորատեսակներ, հատուկ զորքեր և ծառայություններ։ Ցամաքային զորքերում ընդհանուր առմամբ առկա է՝ 23 բրիգադ, հատուկ նշանակության ուժերի հրամատարություն, ֆրանկո-գերմանական բրիգադի գերմանական բաղադրիչ։
Ռազմածովային ուժեր խմբագրել
Ռազմածովային ուժերը ներառում են՝ նավատորմ, ծովային ավիացիա և հատուկ նշանակության ստորաբաժանումներ (ծովային հետևազոր, SEK M (Գերմանիայի ռազմաօդային ուժերի հատուկ ստորաբաժանում))։ Ռազմածովային ուժերի ղեկավարումն իրականացնում է տեսուչը՝ ռազմածովային ուժերի շտաբի միջոցով։ Նրան են ենթարկվում օպերատիվ հրամանատարությունը և կենտրոնական վարչությունը։ Ռազմածովային նավատորմը գլխավոր բաղադրիչն է համարվում և Գերմանիայի ծովային ներուժի հիմքը, պետության արտաքին քաղաքականության գործիքներից մեկը և նախատեսված է Գերմանիայի և Համաշխարհային օվկիանոսում նրա դաշնակիցների ռազմական ճանապարհով շահերի պաշտպանության ապահովման համար, ինչպես նաև ռազմաքաղաքական կայունության պահպանման համար։
Ռազմաօդային ուժեր խմբագրել
Ռազմաօդային ուժերը (լյուֆթվաֆե) ղեկավարում է տեսուչն, որը ղեկավարությունն իրականացնում է ռազմաօդային ուժերի շտաբի միջոցով։ Լյուֆթվաֆեի ընդհանուր քանակությունը կազմում է 34 հազար զինծառայող, որոնց կազմում առկա է՝ 4 դիվիզիա, որոնց մեջ մտնում է մեկ հետախուզական, չորս կործանիչ-ռմբակոծիչ, երեք կործանիչ էսկադրա և չորս ՀՕՊ էսկադրա, օպերատիվ կիրառման կառավարման չորս շրջան և օբյեկտների պաշտպանության գումարտակ; ռազմատրանսպորտային ավիացիայի ղեկավարում, ռազմաօդային ուժերի օպերատիվ վարչության ղեկավարում, նյութատեխնիկական ապահովման երկու զորագունդ և սպառազինության սպասարկման կենտրոն։
Գերմանական զինված ուժեր արտասահմանում խմբագրել
_underway_with_other_ships_in_the_Atlantic_Ocean_on_12_July_2004_(040712-N-7748K-008).jpg)
Թերմեզ քաղաքում (Ուզբեկստան) Գերմանիան վարձակալում է ավիաբազա, որի համար 2015 թվականի դրությամբ տարեկան վճարում էր 35 միլիոն եվրոյի չափով վարձավճար[4]։ 2016 թվականի փետրվարի 1-ի դրությամբ ընթացիկ գործողություններն արտասահմանում իրականացվում են Բունդեսվերի կողմից հետևյալ առաքելությունների շրջանակներում՝
- «Վճռական աջակցություն» առաքելություն Աֆղանստանում - 808 մարդ
- «Վճռական աջակցություն» առաքելություն Ուզբեկստանում (Թերմեզ) – 808 մարդ[5]
- KFOR Կոսովոյում - 795 մարդ
- COUNTER DAESH Սիրիայում - 426 մարդ
- Active Endeavour Միջերկրական ծովում - 272 մարդ
- EUTM Mali Մալիում - 192 մարդ
- ATLANTA Սոմալիում - 111 մարդ
- ՅՈՒՆԻՖԻԼ Լիբանանում - 108 մարդ
- Իրաք (հիմնականում Փեշմերգա քրդական զինյալների ուսուցում) - 98 մարդ
- UNMISS Հարավային Սուդանում - 16 մարդ
- UNAMID Սուդանում - 9 մարդ
- MINURSO (Արևմտյան Սահարա - 4 մարդ
- UNMIL Լիբերիայում - 3 մարդ
Տես նաև խմբագրել
Ծանոթագրություններ խմբագրել
- ↑ «Wie groß ist die Bundeswehr?» (գերմաներեն). Bundeswehr.de. 2024 թ․ փետրվարի 29. Վերցված է 2024 թ․ ապրիլի 20-ին.
- ↑ https://bigbrotherawards.de/2017
- ↑ «Boris Pistorius» (գերմաներեն). bmvg.de. Վերցված է 2024 թ․ ապրիլի 20-ին.
- ↑ Ионова Е.П. Геополитические аспекты президентских выборов в Узбекистане // Россия и новые государства Евразии. - 2015. - № 2 (27). - С. 105
- ↑ ВВС ФРГ располагает военной базой в узбекском Термезе
Արտաքին հղումներ խմբագրել
- Գերմանիայի զինված ուժերի պաշտոնական կայք (գերմ.)
- Գերմանիայի պաշտպանության նախարարության պաշտոնական կայք (գերմ.)
- Bundeswehr - Գերմանիայի զինված ուժեր ՅուԹյուբում
- Bundeswehr - Գերմանիայի զինված ուժեր ՅուԹյուբում
 | Վիքիպահեստն ունի նյութեր, որոնք վերաբերում են «Բունդեսվեր» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 609)։ 
|