Բունդեսթագի նախագահ
Բունդեսթագի նախագահ (գերմ.՝ Präsident des Deutschen Bundestages կամBundestagspräsident), Գերմանիայի դաշնային խորհրդարանի, Բունդեսթագի ղեկավար, որի գործառույթները նման են խոսնակների գործառույթներին։ Պաշտոնը ըստ գերմանական կանոնադրության համարվում է երկրորդը նախագահից հետո և կանցլերից առաջ։ Բունդեսթագի ներկայիս նախագահն է Բարբել Բասը 2021 թվականի հոկտեմբերի 26-ից։
| Գերմանիայի Բունդեսթագի նախագահ | |
|---|---|
 | |
| Նստավայր | Ռայխստագ |
| Անդրանիկ պաշտոնավար | Էրիխ Կոհլեր |
| Ձևավորում | 1949 |
| Կայք | bundestag.de (գերմաներեն) |
Ընտրություններ և գործառույթ խմբագրել
Բունդեսթագի նախագահը ընտրվում է Բունդեսթագի ամեն գումարուման սկզբում Դաշնային ընտրություններից հետո, կամ եթե պաշտոնը թափուր է մնում։ Նախագահին ընտրում են Բունդեսթագի անդամները։ Մինչև նախագահի ընտրությունները նրա գործառույթները ժամանակովորապես կատարում է Բունդեսթագի ամենատարեց անդամը, այսպես կոչված Alterspräsident-ը[1]։
Սովորաբար Բուդեսթագի նախագահ է ընտրվում ամենամեծ խորհրդարանական խմբակցությունից։ Գործառույթները սահմանված են եղել դեռևս Վայմարյան հանրապետության ժամանակներից, սակայն այն չի կարգավորվում օրենքով։ Մինչև գումարման ավարտը վաղօրոք հեռացման չափանիշներ չեն սահմանված։ Նախագահության ժամկետը կարող է ավարտվել միայն գումարման ավարտով, եթե նախագահը հրաժարական չի տալի, չի լքում Բունդեսթագը կամ մահանում։ Նա կարող է վերընտրվել մյուս գումարման ժամանակ Բունդեսթագի անդամների կողմից։
Փոխնախագահներ խմբագրել
Բունդեսթագի փոխնախագահները (գերմ.՝ Vizepräsident des Deutschen Bundestages կամ Bundestagsvizepräsident) ներկայացվում են այլ խորհրդարանական խմբակցություններից։ Փոխնախագահների քանակը սահմանված չէ և համաձայն Բունդեսթագի կանոնակարգի յուրաքանչյուր խորհրդարանական կուսակցություն պետք է ունենա առնվազն մեկ փոխնախագահ։
Ծանոթագրություններ խմբագրել
- ↑ Deutscher Bundestag, The Bundestag's constituent sitting Արխիվացված 2006-12-06 Wayback Machine