Բոսրա

Բոսրա
Քաղաք
	Բոսրա
	արաբ․՝ بصرى‎‎‎‎
Երկիր	Սիրիա
Մուհաֆազա	Դառաայի մարզ
Մինտակա	Իզրաայի գավառ
Նահիյա	Բոսրայի շրջան
ԲԾՄ	987 մ
Պաշտոնական լեզու	արաբերեն
Բնակչություն	19683 մարդ (2004)
Ազգային կազմ	արաբներ
Ժամային գոտի	UTC+2, ամառը UTC+3
Հեռախոսային կոդ	15
	Բոսրա (Սիրիա)
	Բոսրա (Սիրիա)
	Բոսրա Վիքիպահեստում

Բոսրա (արաբ․՝ بصرى‎ ‎‎), պատմական քաղաք Սիրիայի Արաբական Հանրապետության հարավում՝ Դառաայի մարզում։ Հանդիսանում է Իզրաայի գավառի համանուն շրջանի կենտրոնը։

Աշխարհագրական դիրք խմբագրել

Քաղաքը տեղակայված է Դառաայի մարզի արևելյան հատվածում Բոսրան գտնվում է մարզի կենտրոն Դառաա քաղաքից մոտ 27 կմ դեպի հյուսիս-հյուսիս-արևելք և երկրի մայրաքաղաք Դամասկոսից 65 կմ դեպի հարավ։

Պատմություն խմբագրել

Առաջին անգան այս բնակավայրը հիշատակվում է Թութմոս III-ի և Ամենհոտեպ IV-ի ժամանակվա փաստաթղթերում (մ.թ.ա. 14-րդ դար)։ Մ.թ.ա. 2-րդ դարում Բոսրան Նաբատեայի թագավորության առաջին մայրաքաղաքն էր։ Իսկ Հռոմեական կայսրության կազմի մեջ վերանվանվել է Նովա Տրոյանա Բոսրա և դարձել է հռոմեական Պետրական^{[Ն 1]} Արաբիա գավառի կենտրոնը։ Քաղաքը ծաղկում է և դառնում է մետրոպոլիս, որով անցնում էին կարևոր առևտրական ուղիները, որոնցից էր հռոմեական Via Triana Nova-ն, որը տանում էր դեպի Կարմիր ծով։ Բոսրայում կառուցվել են երկու 246 և 247 թվականների վաղ քրիստոնեական եկեղեցիներ։

Հռոմեական կայսրության՝ արևելյան և արևմտյան մասերի բաժանվելու արդյունքում Բոսրան անցնում է Բյուզանդիայի տարածք, որը հետագայում գրավվում է Սասանյանների կողմից։ Բոսրան վերջնականորեն գրավվում է Արաբական խալիֆայության կողմից Բոսրայի ճակատամարտի արդյունում։

Այսօր Բոսրան կարևոր արխեոլոգիական քաղաք է, որտեղ գտնվում են հռոմեական, բյուզանդական և արաբական փլատակներ, որոնից է աշխարհում լավ պահպանված հռոմեական թատրոններից մեկը, որում ամեն տարի անց է կացվում ազգային երաժշտական փառատոն։

Բնակչություն խմբագրել

2004 թվականի տվյալներով քաղաքն ունի 19683 բնակիչ^[1]։ Կան ինչպես քրիստոնյաներ, այնպես էլ մուսուլմաններ։ Բոսրայում գերակշռում են սուննի մուսուլմանները։

Բոսրայի ամենահին կլանը համդն է, որի ներկայացուցիչները հիմնականում շիկահեր են և կապտաչյա։

Բոսրայում կա նաև փոքրիկ շիա համայնք՝ կազմված հիսուն ընտանիքից։