Բողոքի ակցիաներ Ալժիրում (2019)

Բողոքի ակցիաներ Ալժիրում (2019)
	Բողոքողները Բաթնայում, փետրվարի 22, 2019 թվական
Ամսաթիվ	Փետրվարի 16, 2019 թվական – շարունակվում են մարտի 10-ը ներառյալ
Վայր	Ալժիր
Պատճառ	Նախագահ Բութեֆլիկայի՝ իր թեկնածությունը 5-րդ անգամ առաջադրելու դեմ բողոքի ցույցեր;
Նպատակ	Ալժիրի նախագահ Աբդել Ազիզ Բութեֆլիկայի հրաժարական;
Հակամարտող կողմեր
Ցուցարարներ	Ալժիրի կառավարություն
Ղեկավարներ
Հայտնի չէ;	Նախագահ Աբդել Ազիզ Բութեֆլիկա;
Կորուստներ
Զոհեր	0
Վիրավորներ	183 (112-ը՝ ոստիկանության սպաներ)
Ձերբակալվածներ	195

Բողոքի ակցիաներ Ալժիրում, տեղացի բնակիչների գործողությունները՝ սկսված 2019 թվականի փետրվարին, Ալժիրի տարբեր քաղաքներում, ուղղված Ալժիրի 82-ամյա նախագահ Աբդել Ազիզ Բութեֆլիկայի առաջադրմանը՝ Ալժիրի նախագահի պաշտոնում՝ արդեն 5-րդ անգամ:

ՊատճառներԽմբագրել

2019 թվականի փետրվարի 10-ին Աբդել Ազիզ Բութեֆլիկան հայտարարեց, որ առաջադրում է իր թեկնածությունը՝ նախագահի պաշտոնի նոր ժամկետի համար: Ընդ որում՝ նախագահը տառապում է մի շարք հիվանդություններով. 2013 թվականին Բութեֆլիկան ինսուլտ է տարել, և մինչ օրս նա տեղաշարժվում է միայն հաշմանդամության անվասայլակով ու հազվադեպ է հայտնվում հանրության առջև:

Մոհամադիայում իրականացվող բողոքի ակցիա

ԺամանակագրությունԽմբագրել

Բողոքի ակցիաների սկիզբԽմբագրել

Փետրվարի 16-ին հարյուրավոր մարդիկ դուրս եկան Հերրաթ քաղաքի փողոցներ և բողոքում էին Ալժիրի նախագահի՝ իր թեկնածությունը հինգերորդ անգամ առաջադրելու դեմ^[7]:

Փետրվարի 18-ին երկրի հյուսիսում գտնվող մի քանի պրովինցիաներում տեղի ունեցան Բութեֆլիկայի՝ առաջիկայում կայանալիք նախագահական ընտրություններին մասնակցելու դեմ ուղղված բողոքի ակցիաներ: Բողոքի ակցիաների անցկացման վայրեր հասած ոստիկանները դրանց կանխարգելման ուղղված ոչ մի քայլ չձեռնարկեցին^[8]:

Փետրվարի 21-ին 6 արհեստակցական միություններ միավորվեցին և կոչ արեցին փետրվարի 27-ից գործադուլ սկսելու: Արհեստակցական միությոևւնների ներկայացուցիչները փողոց են դուրս գալու, որպեսզի իրենց դժգոհությունը հայտնեն՝ աշխատողների կրթությանը ներկայացվող պահանջների դեմ^[9]:

Փետրվարի 22-ին ողջ երկրի տարածքում տեղի ունեցան բազմահազարանոց ցույցեր, որոնք ուղղված էին նախագահ Բութեֆլիկայի կառավարմանը^[10]:

Փետրվարի 22-ին մայրաքաղաքում և մի քանի պրովինցիաներում վերսկսվեցին բողոքի ցույցերը, որոնք ուղղված էին Բութեֆլիկայի՝ իր թեկնածությունը նախագահական ընտրություններում հինգերորդ անգամ առաջադրելուն^[11]:

Բողոքի ակցիաների մասնակից ուսանող՝ Ալժիրի դրոշն ուսերին գցած:

Փետրվարի 25-ին ոստիկանությունը մայրքաղաքում բողոքի ակցիաներ իրականացնող ցուցարարների դեմ արցունքաբեր գազ կիրառեց^[12]:

Փետրվարի 28-ին Ալժիրի համալսարանի ուսանողները դուրս եկան ցույցի, որն ուղղված էր գործող նախագահ Աբդել Ազիզ Բութեֆլիկայի դեմ: Բողոքի ակցիաները բռնկվեցին համալսարանի գլխավոր մասնաշենքում, սակայն անվտանգության աշխատակիցները փակեցին շենքի բոլոր հնարավոր ելքերը՝ այդպիսով կանխելով ուսանողների միացումը փողոցի ցուցարարներին: Իրենց հերթին ուսանողներին պահեց նաև ուսումնական հաստատության պրոֆեսորադասախոսական կազմը^[13]:

Բախումներ մայրաքաղաքում և Աբդել Ազիզ Բութեֆլիկայի հոսպիտալացումը ՇվեյցարիայումԽմբագրել

Մարտի 1-ին Ալժիրի տարբեր քաղաքներից շուրջ 800 հազար ցուցարարներ դուրս եկան փողոցներ՝ իրենց բողոքն արտահայտելով արդեն 20 տարի նախագահի պաշտոնն զբաղեցնող Բութեֆլիկայի՝ իր թեկնածությունը ևս մեկ անգամ առաջադրելու դեմ: Ոստիկանության հետ բախումները տեղի ունեցան կառավարության շենքի և նախագահի պաշտոնական նստավայրի մոտ, որտեղ կարգ ու կանոնը պահպանելու նպատակով ոստիկանությունն արցունքաբեր գազ կիրառեց: Արդյունքում տուժեց 10 ցուցարար^[14]: Ավելի քան 40 լրագրողներ, ովքեր հանդես էին գալիս երկրում տիրող գրաքննության դեմ, ձերբակալվեցին ոստիկանության կողմից^[15].

Մարտի 2-ին Al Mayadin և Youm7 հրատարակությունները, հղում կատարելով բժշկության ոլորտում իրենց մոտ կանգնած աղբյուրներին, հայտարարեցին, որ նախագահին նորից հոսպիտալացրել են, բայց այս անգամ Ժնևի համալսարանական հիվանդանոցում, որտեղ ծայրահեղ ծանր վիճակում գտնվում է վերակենդանացման բաժանմունքում: Բժիշկները չեն կարող նրան տրամադրել տեղեկանք այն մասին, որ ինքն ունակ է կատարելու երկրի ղեկավարի պարտականությունները: Սրա հետ կապված, ինչպես հայտնում է Gulf Online հրատարակությունը՝ հղում կատարելով «վերևներում» գտնվող աղբյուրիներին, Բութեֆլիկան որոշել է մոտ ժամանակներս հայտնել հերթական նախագահական ընտրություններին մասնակցելուց հրաժարվելու մասին^[16]:

Մարտի 3-ին Սահմանադրական խորհրդին հանձնվեցին Բութեֆլիկայի փաստաթղթերը՝ նրան որպես նախագահի թեկնածու գրանցելու համար: Սակայն հայտնի չէ, թե կոնկրետ ով է դա արել նրա փոխարեն: Փաստաթղթերը պետք է բերի ինքը՝ թեկնածուն, իսկ գործող նախագահը Շվեյցարիա է տեղափոխվել և գտնվում է դեղորայքային կոմայի մեջ: Այդ դեպքի համար Աբդելգանի Զաալանեն հաշվի է առել նախագահի գրությունը, որում հաղորդվում է, որ վերընտրվելու դեպքում ինքը մեկ տարվա ընթացքում կնշանակի արտահերթ նախագահական ընտրություններ, որոնց այլչս չի մասնակցի: Նոր ընտրությունների ամսաթիվը կսահմանի Ազգային անկախ հանձնաժողովը, որը նաև պետք է «մշակի և ընդունի քաղաքական, համակարգային, սոցիալ-տնտեսական բարեփոխումներ՝ ազգային ալժիրյան պետության կառավարման նոր համակարգի ևավորման համար»: Նախագահը խոստացավ անցկացնել հանրաքվե՝ ըստ նոր Սահմանադրության, որը «կամրապնդի նոր հանրապետության և նոր ալժիրյան համակարգի ծնունդը»^[17]^[18]:

Այդ նույն օրը երկրում վերսկսվեցին զանգվածային բողոքի ակցիաները^[19]: Ոստիկանությունն արգելափակեց մի շարք փողոցներ, ինչպես նաև ջրցաններ կիրառեց ցուցարարների դեմ: Բողոքի ակցիաների պատճառով մայրաքաղաքում դադարեցվել է մետրոյի աշխատանքը, փակվել են հիմնական փողոցներն ու քաղաքի մուտքերը, փակված են Ալժիրի համալսարանի ելքերը^[20]^[21]:

Բացի մայրաքաղաքից, հազարավոր ցուցարարներ հավաքվեցին Կոնստանտինա, Օրան, Աննաբա, Մոստագանեմ, Սկիկդա և բազմաթիվ այլ քաղաքներում^[22]:

Մարտի 4-ին Ալժիրի ուսանողները դասադուլ հայտարարեցին՝ հայտնելով, որ չեն պատրաստվում դասերն սկսել այնքան ժամանակ, քանի դեռ նախագահը հրաժարական չի տվել^[23]:

Մարտի 5-ին ցուցարարները փորձեցին մուտք գործել մայրաքաղաքում գտնվող կառավարության շենք, սակայն ոստիկանությունը կասեցրեց բոլոր մոտեցումները և ցուցարարների դեմ արցունքաբեր գազ կիրառեց: Այս ամենի արդյունքում տասնյակավոր մարդիկ տուժեցին^[24]: Ուսանողական ցույցերն անցկացվեցին Կոնստանտինայում, Աննաբայում և Բլիդայում^[25]:

Մարտի 7-ին նախագահի երկրորդ հայտարարությունը հարապարակվեց Ալժիրի Փոստի, տեղեկատվական և հեռահաղորդակցության տեխնոլոգիաների նախարար Հուդա Իման ֆերաունի կողմից, ինչը տեղի ունեցավ բողոքի ակցիաների ելույթների ընթացքում: Նախագահը ողջունում էր «ժողովրդական գործողությունների խաղաղ բնույթը, ինչը վկայում է քաղաքացիների հասունության մասին» և նախազգուշացնում էր «քաոս և խռովություն դավադրելու» փորձերի մասին: Իր հերթին, պաշտպանության նախարարի տեղակալ, Ազգային ժողովրդական բանակի շտաբի պետ Ահմեդ Գաիդ Սալեհը հայտարարեց, որ երկրի բանակը կպաշտպանի երկրի շահերը և թույլ չի տա, որ պետությունը վերադառնա արյունահեղության տարիներին^[26]:

«Սոցիալիստական ուժերի ճակատ» ընդդիմադիր կուսակցությունը հետ կանչեց իր պատգամավորներին երկրի խորհրդարանի երկու պալատներից՝ ի նշան ցուցարարներին սատարելու: Կուսակցությունը նաև հանդես եկավ կոչով՝ շարունակելու խաղաղ հանրահավաքները՝ մինչ նպատակին հասնելը, որը կապված է Ալժիրի իշխանության փոփոխության հետ^[27]:

Բողոքի ցույցերը շարունակվում են նաև այսօր: Ալժիրի Իրավաբանների ազգային ասոցիցիան միացավ բազմահազարանոց ցույցերին՝ վանկարկելով. «Հանրապետությու՛ն, ո՛չ թե թագավորություն»^[28]:

Միլիոնանոց բողոքի ցույցերԽմբագրել

Մարտի 8-ին ավելի քան 1 միլիոն մարդ դուրս եկավ Ալժիրի մայրաքաղաքի փողոցներ՝ բողոքելով «Ազգային ազատագրման ճակատ» կուսակցության, կառավարության և նախագահ Բութեֆլիկայի դեմ: Քաղաքի մետրոյի և էլեկտրական գնացքների աշխատանքները դադարեցվեցին, իսկ պետական հաստատությունների և օտարերկրյա պետությունների հյուպատոսությունների շենքերը վերցվեցին խիստ հսկողության ներքո: Ամբողջովին ալժիրցիներով լցվեցին Մորիս Օդենի, Մայիսի 1-ի և Գլխավոր փոստատան հրապարակը, Վիկտոր Հյուգոյի, Ամիրուշի և Մուհամմեդ V-ի ճեմուղիները, Դիդուշ Մուրադի և Բեն Մեհդի փողոցները, շենքերի պատշգամբներն ու տանիքները^[29]: Զանգվածային բողոքի ակցիաների ընթացքում ձերբակալվել է 195 մարդ^[30], 112 ոստիկան վիրավոր է^[31]:

Իշխող «Ազգային ազատագրական ճակատ» կուսակցության մի քանի պատգամավորներ այդ օրը հրաժարական տվեցին և միացան ցուցարարներին^[32]:

Մարտի 9-ին Ալժիրի բարձրագույն կրթության և գիտական հետազոտությունների նախարարությունը հայտարարեց ուսանողների համար նախատեսված վաղաժամկետ արձակուրդների մասին, որոնք նախատեսվում էին մարտի 10-ից ապրիլի 4-ը ներառյալ, ինչպես նաև հրահանգ տրվեց՝ ազատ արձակելու ուսանողական բոլոր թաղամասերն ու կառույցները, ինչը հնարավորություն կընձեռեր երիտասարդությանը՝ ակտիվորեն մասնակցելու երկրում տեղի ունեցող բողոքի ակցիաներին^[33]:

Նախագահ Բութեֆլիկայի վերադարձը Ալժիր և նրա «ճանապարհային քարտեզը»Խմբագրել

Մարտի 10-ին ցուցարարները օգտվել են երկրով մեկ տարածված բողոքի հզոր ալիքից և ներխուժել են Անտիկվար իրերի և իսլամական արվեստի ազգային թանգարան, որը հիմնադրվել է 1897 թվականին: Անհայտ անձինք կրակի են տվել Ալժիրի հնէաբանության ու իսլամական արվեստի թանգարանը, առևանգել այնտեղից հազվագյուտ նմուշներ: Հրդեհը հաջողվել է մարել կարճ ժամանակ անց^[34]: Թանգարան է ժամանել նաև Ալժիրի մշակույթի նախարարը:

Ինչպես նշել են աշխատակիցները՝ չարագործները փորփրել են ամբողջ թանգարանը, գողացել ցուցանմուշներ և հրդեհել շենքի վարչական մասը, որտեղ եղել են փաստաթղթերն ու գրառումները։ Իսկ ոստիկանությունը որոնում է 19-րդ դարի ֆրանսիական ասպատակության ժամանակների սրերը։ Ոստիկանությունը հանցագործների նկատմամբ հետախուզում է հայտարարել:

Բացի թանգարանից, հարձակումից տուժել է նաև թանգարանի հարևանությամբ տեղակայված դպրոցը^[35]:

Մարտի 10-ին՝ Շվեյցարիայում բուժվելուց հետո, Ալժիրի նախագահը վերադարձավ Ալժիր^[36]:

Պաշտպանության նախարարի տեղակալ, Ազգային ժողովրդական բանակի շտաբի պետ Ահմեդ Գաիդ Սալեհը, ելույթ ունենալով Ռուիբում, հայտարարեց, որ սատարում են ցուցարարներին: Նրա խոսքերով՝ երկրի ժողովուրդը և բանակը կիսում են այն ընդհանուր տեսունակությունը, որը կապված է հանրապետության ապագայի հետ^[37]:

Մարտի 11-ին Բութեֆլիկան հայտարարեց, որ չի առաջադրվի ընտրություններում, իսկ ընտրությունները տեղի կունենան Ալժիրի նոր Սահմանադրության նախագծի մշակումից հետո^[38]:

Ընտրությունների ամսաթիվը կորոշվի Ալժիրի Համազգային կոնֆերանսի ընթացքում, որը, ըստ TSA հրատարակության, կգլխավորի արտաքին գործերի նախկին նախարար 85-ամյա Լահդար Բրահիմին: Ինչպես նաև հրաժարական տվեց Ալժիրի կառավարությունը, որն այժմ գլխավորում է ներքին գործերի էքս-նախարար Նուրեդդին Բեդուին: Նոր փոխվարչապետ և արտաքին գործերի նախարար է նշանակվել Ռամթան Լամամրան, ով նախկինում այս կառույցը ղեկավարել է 2013-2017 թվականներին: Հրաժարական տվեց նաև Կենտրոնական ընտրական հանձնաժողովը, որի ղեկավարը ևս հրաժարական ներկայացրեց^[39]:

Հարյուր հազարավոր մարդիկ դուրս եկան փողոցներ, որպեսզի տոնեն գործող նախագահ Բութեֆլիկայի որոշումը՝ հրաժարվելու նախագահական աթոռի համար պայքարից^[40]^[41]:

Բողոքի ցույցերի մասնակիցների գործողությունների շարունակությունԽմբագրել

Մարտի 12-ին տասը հազարավոր ցուցարարներ դուրս եկան մայրաքաղաքի և երկրի հյուսիսում գտնվող Բեջայի փողոցներ՝ հանդես գալով նախագահի առաջարկների դեմ: Բողոքի ակցիաների մասնակիցները դժգոհ են անցումային ժամանակահատվածի և ընտրությունների օրվա համար չնշվող շրջանակներից: Բացի այդ, ցուցարաները տարատեսակ լոզունգներ էին վանկարկում՝ ուղղված երկրի նորանշանակ վարչապետ Նուրեդին Բեդուի դեմ^[42]:

Մարտի 13-ին Ալժիրի փոխվարչապետ Ռամթան Լալմարան հաստատեց նախագահական ընտրությունների տեղափոխումն ավելի ուշ ժամկետ, ինչը կապված էր «ժողովրդի համառ պահանջի հետ», և կոչ արեց ընդդիմությանը՝ մասնակցություն ունենալու նոր կառավարության աշխատանքին^[43]: Ընդդիմադիր ուժերը հրաժարվեցին մասնակցել երկխոսությանը և համազգային կոնֆերանսին, որը հրավիրվել էր 82-ամյա նախագահ Բութեֆլիկայի կողմից: Իշխանության հակառակորդները մշակում են «ճանապարհային քարտեզ», որը կոչված է միավորելու քաղաքական ուժերը և անցումային ժամանակահատվածում ձևավորելու ղեկավարություն, ինչպես նաև կոչ էին անում շարունակելու բողոքի ակցիաները, որոնք ուղղված էին նախագահ Բութեֆլիկայի կառավարման 4-րդ ժամկետի երկարաձգմանը^[44]:

Մայրաքաղաքում՝ Մորիս Օդենի հրապարակում, տեղի ունեցավ ուսանողների և դասախոսների բազմահազարանոց ցույց: Ցույցի մասնակիցները Բութեֆլիկայից պահանջում էին անհապաղ հրաժարական ներկայացնել: Երիտասարդներին և նրանց դասավանդող անձնակազմին միացան ակտիվիստներ, արհմիութենական գործիչներ, փաստաբաններ և դատավորներ: Նույնօրինակ բողոքի ցույցեր տեղի ունեցան նաև Բեջայում, Բորջ բու Արերիջում, Բուիրում, Տիզի-Ուզուում^[45]:

Միլիոնանոց երկրորդ բողոքի ակցիանԽմբագրել

Բութեֆլիկայի դեմ անցկացվող բողոքի ակցիաներ Փարիզում

Մարտի 15-ին միլիոնավոր մարդիկ դուրս եկան մայրաքաղաքի փողոցներ, որպեսզի մասնակցություն ունենան բողոքի ակցիաներին: Բողոքի ակցիաների կազմակերպիչներն ու մասնակիցները հանդես էին գալիս նախագահական ընտրություններն ավելի ուշ ժամկետ տեղափոխելու դեմ: ոստիկանությունը մի քանի անգամ ջրցաններ կիրառեց բողոքի ակցիաների մասնակիցների դեմ^[46]:

ԱրձագանքԽմբագրել

Ալժիրի Մոջահեդների ազգային կազմակերպությունը սատարում է ցուցարարներին^[47]:

Միջազգային արձագանքը բավականաչափ զգուշավոր է, և օտարերկրյա պետություններն ու միջազգային կազմակերպությունները մինչև մարտի 5-ը ներառյալ լռություն են պահպանում: Եվրոպական հանձնաժողովը կոչ է անում չմոռանալ իրավունքի գերակայության, իրավական պետություն լինելու, խոսքի ազատության և խաղաղ հավաքներ կազմակերպելու ազատության մասին^[48]^[49]: ԱՄՆ Պետական դեպարտամենտը հանդես եկավ հայտարարությամբ, որտեղ մասնավորապես նշվում էր, որ «ԱՄՆ-ն սատարում է ալժիրցի քաղաքացիներին, որոնք իրավունք ունեն մասնակցելու բողոքի խաղաղ ցույցերին»^[48]^[50]:

ԾանոթագրություններԽմբագրել

Արտաքին հղումներԽմբագրել

	Բողոքի ակցիաներ Ալժիրում (2019) Վիքիպահեստում

[1] Ալժիրում վերսկսվել են բողոքի ցույցերը երկրի նախագահի՝ իր թեկնածությունը 5-րդ անգամ առաջադրելու դեմ

[2] Բողոքի ակցիաներ Ալժիրում. 100-ից ավելի ոստիկաններ վիրավոր են, 200 ցուցարար՝ ձերբակալված

[3] Ալժիրում նոր թափ են առել հականախագահական բողոքի ակցիաները

[4] Ալժիրի 82-ամյա նախագահի դեմ ընթացող բողոքի ակցիաների արդյունքում թալանվել է երկրի հնագույն թանգարանը

[ZDF-5] 5,0 ^5,1 ZDF։ 9 March 2019 https://www.zdf.de/nachrichten/heute/proteste-gegen-bouteflika-festnahmen-bei-demos-in-algerien-100.html։ Վերցված է 9 March 2019

[6] «Hunderte Festnahmen in Algerien»։ n-tv։ 8 March 2019։ Վերցված է 9 March 2019

[7] Imposante manifestation contre le cinquième mandat à Kherrata

[8] Ալժիրում սկսվել են բողոքի ակցիաներ, որոնք ուղղված են նախագահ Աբդել Ազիզ Բութեֆլիկայի առաջադրմանը

[9] Ալժիրի արհեստակցական միությունները հայտարարել են զանգվածային գործադուլներ սկսելու մասին

[10] Ալժիրում տեղի ունեցող բողոքի ակցիաներն ուղղված են 82-ամյա նախագահ Բութեֆլիկայի կառավարմանը և իր թեկնածությունը 5-րդ անգամ առաջադրելուն

[11] Ալժիրում տեղի ունեցող բողոքի ակցիաներն ուղղված են գործող նախագահի վերաառաջադրմանը՝ առաջիկայում կայանալիք նախագահական ընտրություններում

[12] Ալժիրի իշխանությունները ցուցարարներին ցրեցին՝ արցունքաբեր գազ կիրառելով

[13] Ալժիրի ուսանողները մասնակցություն են ունեցել նախագահի դեմ ուղղված բողոքի ակցիաներին

[14] Ալժիրում սկսվել են երկրի 82-ամյա նախագահ Բութեֆլիկայի՝ նոր պաշտոնավարման ժամկետի դեմ ուղղված բողոքի ակցիաներ

[15] Ալժիրում ձերբակալել են 40-ից ավելի լրագրողների

[16] Զանգվածայաին լրատվության միջոցները հայտնեցին Ալժիրի նախագահի ծայրահեղ վիճակի մասին

[17] Ալժիրի նախագահը խոստացել է անցկացնել նոր ընտրություններ՝ առաջիկայում կայանալիք ընտրություններում իր հաղթանակի դեպքում

[18] Ալժիրի նախագահը խոստանում է հրաժարական տալ՝ առաջիկայում կայանալիք ընտրություններում հաղթելուց հետո

[19] Ալժիրի նախագահի պաշտոնում առաջադրվել ցանկացող բոլոր թեկնածուներն անձամբ պետք է իրենց փաստաթղթերը հանձնեն գրանցման

[20] Նախօրեին Ալժիրի փողոցներում տեղի ունեցած բողոքի ակցիաները հանգեցրել են մետրոյի աշխատանքի դադարեցմանը և փողոցների փակմանը

[21] ԶԼՄ-ներ. Ալժիրի մայրաքաղաքում բաղաքի ակցիաների պատճառով փակել են մետրոն

[22] Ալժիրում շարունակվում են նախագահի դեմ ուղղված բողոքի ակցիաները

[23] «Մենք չենք պատրաստվում սովորել», - Ալժիրի ուսանողները դասադուլ են հայտարարել

[24] Ալժիրում ցույցերը չեն հանդարտվում, բանակը հանդես է եկել նախազգուշացմամբ

[25] Ալժիրում շարունակվում են նախագահի պաշտոնավարման 5-րդ ժամկետի դեմ ձեռնարկված բողոքի ակցիաները

[26] Ալժիրի նախագահը կոչով է դիմել Շվեյցարիայի ժողովրդին

[27] Ալժիրի ընդդիմադիր կուսակցությունը, ի նշան ցուցարարների պաշտպանության, իր պատգամավորներին հետ է կանչել խորհրդարանից

[28] Բողոքի ակցիաներին միացել են նաև Ալժիրի իրավաբանները

[29] ԶԼՄ. Ալժիրի մայրաքաղաքում իրականացվող հակակառավարական բողոքի ակցիաներին մասնակցել է ավելի քան մեկ միլիոն մարդ

[30] Զանգվածային բողոքի ակցիաների ընթացքում ձերբակալվել է 195 մարդ

[31] Ալժիրում տեղի ունեցող բողոքի ակցիաների արդյունքում հարյուրից ավելի ուժային է տուժել

[32] Իշխող կուսակցությունից մի քանի խորհրդարանական հրաժարական է տվել՝ ցանկություն հայտնելով միանալ ցուցարարներին

[33] Ալժիրի իշխանությունները հրահանգել են ազատ արձակել ուսանողական թաղամասերը և հայտարարել են վաղաժամկետ արձակուրդների մասին

[34] Ալժիրում տեղի ունեցող բողոքի ակցիաների արդյունքում վնասվել է Ալժիրի հնէաբանության ու իսլամական արվեստի թանգարանը

[35] Ալժիրի 82-ամյա նախագահի դեմ ընթացող բողոքի ակցիաների արդյունքում թալանվել է երկրի հնագույն թանգարանը

[36] Ալժիրի նախագահը Շվեյցարիայից վերադարձել է հայրենիք

[37] Ալժիրի բանակում հայտարարել են, որ բանակաը կիսում է ժողովրդի միտումը և ցանկությունը՝ երկրի ապագայի հետ կապված

[38] «Ալժիրի նախագահը հրաժարվել է պաշտոնավարման 5-րդ շրջանի մտքից. նա Ալժիրի ղեկավարն է 1999 թվականից առ այսօր»։ Meduza։ 2019-03-11։ Վերցված է 2019-03-11

[39] ԶԼՄ-ներ. Ալժիրի համազգային կոնֆերանսը հավանաբար կղեկավարի արտաքին գործերի էքս-նախարարը

[40] Ալժիրի բնակիչները երկուշաբթի օրը երեկոյից սկսել են տոնել նախագահ Աբդել Ազիզ Բութեֆլիկայի որոշումը՝ ընտրություններին չառաջադրվելու հետ կապված

[41] Հարյուր հազարավոր ալժիրցիներ տոնում են նախագահի որոշումը՝ 5-րդ անգամ չառաջադրվելու՝ Ալժիրի նախագահի պաշտոնում

[42] Ալժիրցիները դուրս են եկել փողոցներ՝ նախագահի՝ ընտրությունների մասին հայտարարությունից հետո

[43] Ժողովրդի պահանջին ի պատասխան՝ նախագահական ընտրությունների ժամկետը տեղափոխվել է ավելիւ ուշ ժամկետ

[44] Ալժիրի ընդդիմությունը հրաժարվել է իշխանության հետ երկխոսությունից

[45] ԶԼՄ-ներ. Ալժիրում տեղի են ունենում բողոքի ակցիաներ, որոնց մասնակցում են ուսանողներն ու դասախոսները՝ պահանջելով գործող նախագահ Բութեֆլիկայի հրաժարականը

[46] Не менее 75 демонстрантов задержаны в результате протестов в Алжире

[47] «Algérie: le camp Bouteflika perd certains de ses soutiens - RFI»։ RFI Afrique (ֆրանսերեն)։ Վերցված է 9 March 2019

[North_Africa_Post-48] 48,0 ^48,1 «Washington & EU Support Algerian People's Right to Protest»։ The North Africa Post։ 6 March 2019։ Վերցված է 9 March 2019

[49] «Algérie: l'UE appelle au respect de la liberté d'expression» [Algeria: EU calls for respect for freedom of expression]։ Le Figaro (ֆրանսերեն)։ 5 March 2019։ Վերցված է 9 March 2019

[50] «Les Etats-Unis "soutiennent le peuple algérien et son droit à manifester pacifiquement"» [The United States "supports the Algerian people and their right to demonstrate peacefully"]։ HuffPost (ֆրանսերեն)։ 6 March 2019։ Վերցված է 9 March 2019

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]