Բոգդան Հովհաննիսյան
Բոգդան Գևորգի Հովհաննիսյան (փետրվարի 4, 1950, Ձաղիձոր), հայ քանդակագործ, գեղանկարիչ։
| Բոգդան Հովհաննիսյան | |
|---|---|
 | |
| Ծնվել է | փետրվարի 4, 1950 (74 տարեկան) |
| Կրթություն | Վանաձորի նկարչական դպրոց (1967) և Փանոս Թերլեմեզյանի անվան գեղարվեստական ուսումնարան (1974) |
| Մասնագիտություն | նկարիչ և քանդակագործ |
| Աշխատավայր | Հենրիկ Իգիթյանի անվան Գեղագիտության ազգային կենտրոն և ՎՊՀ |
| Անդամություն | Հայաստանի նկարիչների միություն |
Կենսագրություն խմբագրել
- 1967 թվականին ավարտել է Կիրովականի Գաբրիել Սունդուկյանի անվան թիվ 8 միջնակարգ և Ստեփան Աղաջանյանի անվան նկարչական դպրոցները։
- 1974 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանի քանդակի բաժինը։ Ուսումնարանն ավարտելուց հետո դասավանդել է Կիրովականի թիվ 13 դպրոցում։
- 1988 – 1991 թվականներին աշխատել է Հայաստանի գեղագիտության ազգային կենտրոնի Կիրովականի մասնաճյուղում՝ որպես տնօրեն։
- 1967 -1968 թվականներին երգել է Ջեյմս Գյոզալյանի քառաձայն երգչախմբում, իսկ 1971-1973 թվականներին` Երևանի պետական համալսարանի Հովհաննես Չեքիջյանի երգչախմբում, ապա` Կիրովականի երգի-պարի պետական համույթում։
- 1985 թվականին ստեղծել է Լոռու շրջանում առաջին ազգագրական երգերի «Խորոտիկ» և 1989 թվականին՝ «Տաշիրք» համույթները։ Ազգագրական երգչախումբ է ստեղծել նաև Վանաձորի բժշկական ուսումնարանում։
- 2012 թվականից հանդիսանում է Հայաստանի նկարիչների միության անդամ։
Ստեղծագործական գործունեություն խմբագրել
Բոգդան Հովհաննիսյանը զբաղվում է գեղանկարչությամբ, գրաֆիկայով, քանդակով և խաչքարագործությամբ։ Մասնակցել է բազմաթիվ ցուցահանդեսների։ Հովհաննիսյանի հեղինակած խաչքարերը տեղադրվել են Հայաստանում, Ռուսաստանում, Բուլղարիայում, Անգլիայում։ Պահպանված լուսանկարների օգնությամբ Բոգդան Հովհաննիսյանը սկսել է վերականգնել ադրբեջանցիների կողմից կործանված Ջուղայի խաչքարերից[1][2][3]։
Հովհաննիսյանը զբաղվում է նաև բանահավաքչությամբ, գրառել և հանրապետական փառատոներին ու զանազան միջոցառումներին անձամբ հնչեցրել է մի շարք ժողովրդական երգեր՝ արժանանալով երգարվեստի մեծ երախտավոր Հայրիկ Մուրադյանի դրվատանքի խոսքերին։ Ղեկավարում է Վանաձորի պետական մանկավարժական ինստիտուտի ազգագրական երգչախումբը։
Ծանոթագրություններ խմբագրել
- ↑ «Հայը խաչքարագործությամբ զբաղվել է, զբաղվում է և պետք է զբաղվի»
- ↑ «QUÉ VER en un VIAJE a ARMENIA en 7 o 10 días (+ MAPA) ⋆ Un viaje creativo». Un viaje creativo (եվրոպական իսպաներեն). 2017 թ․ նոյեմբերի 24. Վերցված է 2017 թ․ դեկտեմբերի 1-ին.
- ↑ «Վանաձորցի քանդակագործ Բոգդան Հովհաննիսյան` աշխարհի ամենազբաղված ու ամենաազատ մարդը. Լուսանկարներ - Այսօր` թարմ լուրեր Հայաստանից». www.aysor.am (անգլերեն). Վերցված է 2017 թ․ դեկտեմբերի 1-ին.