Բոգդան Իստրու
Բոգդան Իստրու (մոլդ.՝ Bogdan Istru, իսկական անունն ու ազգանունը՝ Իոն Բեդերեու (ռումիներեն՝ Ion Bădărău), 31 մարտի (13 ապրիլի), 1914, Պիստրուենի, Բեսարաբիա, Ռուսական կայսրություն — 1993, Քիշնև, Մոլդավիա), մոլդավացի գրող։ Մոլդավիայի ԽՍՀ ժողովրդական գրող (1982)։
Բոգդան Իստրու մոլդ.՝ Bogdan Istru | |
|---|---|
| Ծնվել է | մարտի 31 (ապրիլի 13), 1914 |
| Ծննդավայր | Բեսարաբյան գուբերնիա, Ռուսական կայսրություն |
| Վախճանվել է | մարտի 25, 1993 (78 տարեկան) |
| Վախճանի վայր | Քիշնև, Մոլդովա |
| Մասնագիտություն | բանաստեղծ |
| Լեզու | մոլդովերեն |
| Ազգություն | մոլդովացի |
| Քաղաքացիություն |  Ռումինիա |
| Գրական շարժումներ | սոցիալիստական ռեալիզմ |
| Ուշագրավ աշխատանքներ | «Տատարբունար» (1976) |
| Անդամակցություն | Մոլդովայի գիտությունների ակադեմիա |
| Կուսակցություն | ԽՄԿԿ |
| Պարգևներ |     և  |
Կենսագրություն խմբագրել
Ծնվել է Բեսարաբիայի Պիստրուենի գյուղում (ներկայում՝ Մոլդովայի Տելենեշտի շրջան)։
1931 թվականին ավարտել է Յասիի մանկավարժական բարձրագույն ուսումնարանը։
Առաջին բանաստեղծությունները տպագրվել են 1932 թվականին, իսկ արդեն չորս տարի անց Քիշնևում հրատարակվել է Բոգդան Իստրուի բանաստեղծությունների առաջին գիրքը՝ «Հմայություն» (ռումիներեն՝ Blestem, 1937), այնուհետև նույն քաղաքում լույս է տեսել «Արծվի մահը» (ռումիներեն՝ Moartea vulturului, 1938) ժողովածուն։
Բոգդան Իստրուի բանաստեղծություների ու պոեմների ժողովածուներից են՝ «Հայրենիքի ձայնը» (1946), «Ավանգարդում» (1951), «Մի ափից մյուսը» (1958), «Խաղաղության ծառուղի» (1953), «Ընտրյալ բանաստեղծություններ» (1964), «Հազարավոր ձայներ» (1971), «Տատարբունար» (1974) և այլն։
Մոլդավիայի ԽՍՀ-ի ձևավորումից հետո Բոգդան Իստրուի ստեղծագործությունների գլխավոր թեման է դառնում գյուղացիների ու կոլխոզի աշխատողների կյանքը, Հայրենական Մեծ պատերազմի մասնակիցներն ու սոցիալիստական շինարարության աշխատողները (Վոլգա-Դոն ջրանցի վերաբերյալ)։ Լիվիու Դելյանուի հետ մոլդավերեն է թարգմանել ԽՍՀՄ օրհներգը։ Գրել է նաև պատմվածքներ։
Արժանացել է Մոլդավիայի ԽՍՀ պետական մրցանակի «Տատարբունար» (1976) պոեմի համար, որը նվիրված է Տատարբունարի ապստամբությանը (տեղի է ունեցել 1924 թվականին)։ Մոլդովայի Գիտությունների ակադեմիայի թղթակից-անդամ է 1984 թվականից։
Ժողովածուներ խմբագրել
- Պոմներ, Քիշնև, 1959։
- Բարի ժամի, Մոսկվա, 1959։
- Բանաստեղծություններ, Մոսկվա, 1964։
- Версурь (բանաստեղծություններ), Քիշնև, 1966։
- Pasarea albastra, Քիշնև, 1991։
Արտաքին հղումներ խմբագրել
- Իստրու Բոգդան(չաշխատող հղում)
- Ana Bantos. Bogdan Istru și creația scriitorilor tineri. În volumul «Creație și atitudine» (Ed. Literatura artistică, Chișinău, 1985)
- George Călinescu. Istoria literaturii române de la origini până în prezent (ed. a II-a, revăzută și adăugită, p. 942)