Բժշկող Պանտելեիմոն եկեղեցի (Գլուբոկի)
Անվան այլ կիրառումների համար տե՛ս՝ Բժշկող Պանտելեիմոն եկեղեցի (այլ կիրառումներ)
Բժշկող Պանտելեիմոն եկեղեցի (ռուս.՝ Церковь Пантелеимона Целителя), ուղղափառ եկեղեցի Ռուսաստանի Դաշնության Ռոստովի մարզի Կամենսկի շրջանի Գլուբոկի ավանում։ Ենթարկվում է Ռուս Ուղղափառ եկեղեցու Շախտիի և Միլլերովոյի թեմի Կամենսկիի գործակալությանը[1]։
| Բժշկող Պանտելեիմոն եկեղեցի | |
|---|---|
.jpg) | |
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Գլուբոկի |
 | |
 | |
Պատմություն խմբագրել
Մինչև 1917 թվականի հեղափոխությունը գյուղում գոյություն է ունեցել մեկ այլ եկեղեցի, որը գտնվել է Իվանկովո խուտորում (հետագայում այդ խուտորը կլանվել է Գլուբոկի բանվորական ավանի կողմից)։ 1888 թվականին Իվանկովոյում կառուցվել և օծվել է Պանտելեիմոնի եկեղեցին։ Եկեղեցու առջևի հրապարակը կոչվել է Եկեղեցական, այնտեղ գտնվել է շուկան[2]։ Տաճարը և նրա զանգակատունը եղել են փայտյա՝ ծածկված երկաթաթիթեղով։ Եկեղեցին ունեցել է երեք կողմնասեղան. գլխավորը (միջինը)՝ հանուն Սուրբ մեծ նահատակ Պանտելեիմոնի, հարավայինը՝ հանուն Միքայել Հրեշտակապետի և հյուսիսայինը՝ հանուն Սուրբ Նիկողայոսի[3]։
Իվանկովոյի եկեղեցին ավերվել է Հոկտեմբերյան հեղափոխությունից հետո։ Սկզբում նրա տեղում կառուցվել է կինոթատրոն, որը հետագայում վերակազմավորվել է «Օլիմպ» մարզական համալիրի։ Խորհրդային տարիներին ծուխը բազմիցս վերաբնակեցվել է գյուղի տարբեր տեղեր, մինչև նրա համար գտնվել է մասնավոր մի տուն, որտեղ ստեղծվել է աղոթքների տուն[3]։ 1985 թվականի սեպտեմբերի 1-ին, Ռոստովի և Նովոչերկասկի մետրոպոլիտ Վլադիմիրի հրամանագրով, ծխի հովիվ է նշանակվել երեց (այժմ ավագ երեց) Անատոլի Սախնոն։ ԽՍՀՄ փլուզումից հետո ծխականներին թույլատրեցին աղոթատունը վերակառուցել եկեղեցու, և այնտեղ սկսվեցին աշխատանքներ, որոնք տևեցին տասը տարի։
Տաճարը երեսպատվել է աղյուսով և վերնակառուցվել։ Վրան տեղադրվել է գմբեթ։ Այն ունի փոքր բակ՝ սեղանատնով և օժանդակ տարածքներով։ Եկեղեցում կան Աթոսյան սրբապատկերներ[4]։
Տաճարի հասցեն՝ Ռոստովի մարզ, Կամենսկի շրջան, Գլուբոկի բանվորական ավան, Շչադենկոյի փողոց, 81։
Վանահայր՝ ավագ երեց Անատոլի Սախնո[5]։
Պատկերասրահ խմբագրել
-
Ընդհանուր տեսքը -
Եկեղեցու մուտքը -
Բակի մեծանկարը
.jpg)
.jpg)
.jpg)
Ծանոթագրություններ խմբագրել
- ↑ Глубокий. Церковь Пантелеимона Целителя.
- ↑ «Хутор Иванков растворился в поселке Глубоком, но сохранился в фамилиях казаков». Արխիվացված է օրիգինալից 2017 թ․ փետրվարի 22-ին. Վերցված է 2017 թ․ նոյեմբերի 6-ին.
- ↑ 3,0 3,1 «Историческая справка». Արխիվացված է օրիգինալից 2017 թ․ փետրվարի 22-ին. Վերցված է 2017 թ․ նոյեմբերի 6-ին.
- ↑ БОКОВСКАЯ СВЯТЫНЯ
- ↑ «Духовник Донецкого округа протоиерей Анатолий Сахно принял участие в годовом отчётном круге казаков». Արխիվացված է օրիգինալից 2017 թ․ փետրվարի 22-ին. Վերցված է 2017 թ․ նոյեմբերի 6-ին.