Բեյբի բում[1] (անգլ.՝ baby boom), ծնելիության նշանակալի և կայուն աճի ժամանակաշրջան, որը տեղի է ունեցել 20-րդ դարի կեսերին աշխարհի մի շարք երկրներում, հատկապես, Արևմուտքի զարգացած պետություններում։ Երկրների մեծ մասում, որտեղ կիրառվել է այս պրակտիկան, բեյբի բումը սկսվել է կա՛մ Երկրորդ համաշխարհային պատերազմից հետո, կա՛մ 30-ական թվականների վերջին։ Բեյբի բումը մեծ ինտենսիվություն է գրանցել Նոր Զելանդիայում, Ավստրալիայում, Իսլանդիայում, Կանադայում, Նորվեգիայում և ԱՄՆ-ում։ Հարավային Եվրոպայի երկրներում բեյբի բումը բացակայել է կամ եղել է թույլ արտահայտված։ Երկրների մի մասում բեյբի բումը բաղկացած է եղել երկու ալիքներից․ սկզբում պիկը գրանցվել է պատերազմից հետո, այնուհետև անկում է ապրել ծնելիությունը, որին նորից հաջորդել է ծնելիության աճը, իսկ նոր պիկը գրանցվել է 1960-ական թվականներին[2]։

Բեյբի բումը համընկել է ամուսնության բարձր և կայուն աճի՝ «The Marriage Boom»-ի ժամանակաշրջանի հետ[3]։

Բեյբի բումին հաջորդել է ծնելիություն անկման ժամանակաշրջանը՝ «baby-bust»-ը[4]։ Օրինակ, 1976 թվականին ԱՄՆ-ում ծնելիության գործակիցը հասել է մինիմումի։ Մեկ կնոջը բաժին է հասել 1,75 երեխա։ Այս ցուցանիշը ցածր է բնակչության վերարտադրության ցուցանիշից և երկու անգամ ավելի ցածր քան, 1950-ական թվականներին գրանցված միջինից։

Բեյբի բումերների սերնդի հայտնի ներկայացուցիչներԽմբագրել

ԱՄՆ երեք նախագահներ ծնվել են 1946 թվականի ամռանը՝ Երկրորդ համաշխարհային պատերազմի ավարտից 9 ամիս անց։

ԾանոթագրություններԽմբագրել

  1. Беби-бум / А. Г. Волков // «Банкетная кампания» 1904 — Большой Иргиз. — М. : Большая российская энциклопедия, 2005. — С. 152. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 3). — ISBN 5-85270-331-1.
  2. Jan Van Baval, David S. Reher The Baby Boom and Its Causes: What We Know and What We Need to Know(անգլ.) // Population and Development Review : journal. — 2013. — Т. 39. — № 2. — doi:10.1111/j.1728-4457.2013.00591.x
  3. John Hajnal The Marriage Boom (und) // Population Index. — 1953. — Т. 19. — № 2. — doi:10.2307/2730761
  4. Jeremy Greenwood, Ananth Seshadri, Guillaume Vandenbroucke The Baby Boom and Baby Bust(անգլ.) // Population and Development Review : journal. — 2005. — Т. 95. — № 1. — doi:10.1257/0002828053828680

Արտաքին հղումներԽմբագրել