Բելեվալիա պիկնաթա
Բելեվալիա պիկնաթա | |
Բելեվալիա պիկնաթա | |
Դասակարգում | |
Թագավորություն | Բույսեր (Plantae) |
Տիպ/Բաժին | Անոթավոր բույսեր (Tracheophyta) |
Ենթատիպ | Սերմնավոր բույսեր (Spermatophytes) |
Կարգ | Ծնեբեկածաղկավորներ (Asparagales) |
Ընտանիք | Ծնեբեկազգիներ (Asparagaceae) |
Ենթաընտանիք | Մկնասոխայիններ (Scilloideae) |
Ցեղ | Բելևալիա (Bellevalia) |
Տեսակ | Բելեվալիա պիկնաթա (B. paradoxa) |
Միջազգային անվանում | |
Bellevalia paradoxa |
Բելեվալիա պիկնաթա, շուշանազգիների ընտանիքին պատկանող բազմամյա սոխուկավոր բույս է։ Հայաստանի ֆլորայի այն ներկայացուցիչներից է, որոնք դեկորատիվ մեծ արժեք են ներկայացնում և միանգամայն հեռանկարային են մշակության մեջ մտցնելու համար։
Մեր հանրապետությունում հանդիպում են այս ցեղի մոտ տասը ներկայացուցիչներ, որոնց շարքում պիկնաթան աչքի է ընկնում կամեմատաբար բարձր դեկորատիվ առանձնահատկություններով։ Ընդհանրապես ծաղկեգործության բնագավառում այս ցեղի ներկայացուցիչները հայտնի չեն։ Ցածրաճ բույս է, բարձրությունը հազիվ է հասնում 15—30 սմ–ի։ Վաղ գարնանը բացվում են նեղ նշտարաձև կամ ժապավենաձև 3—6 տերև։ Դրանք լինում են մուգ կանաչ՝ 10—20 սմ երկարությամբ, որոշ չափով ալիքավոր։ Անմիջապես սոխուկից առաջանում է ծաղկակիր ցողունը, որը կրում է 15—40 (երբեմն՝ 50) ծաղիկներից կազմված ողկույղ։ Ծաղիկները, որոնք բացվում են վաղ գարնանը, մուգ մանուշականակագույն են, շերտավոր։ Գերադասում է չափավոր խոնավ, սննդանյութերով հարուստ, լավ դրենաժի ենթարկված հողեր։ Լուսասեր է և բավականին ցրտադիմացկուն։ լավ է դիմանում ժամանակավոր երաշտին։ Մեր հանրապետությունում տարածված բելեվալիաներից մեծ արժեք են ներկայացնում նաև երկարակաթիլ, ալբանական և կապտավուն տեսակները, որոնք հիմնականում հանդիպում են Արարատյան դաշտում և նախալեռնային գոտում[1]։
Ծանոթագրություններ խմբագրել
- ↑ Լ․ Վ․ Հարությունյան, Քո շրջապատի ծաղիկները, Արևիկ հրատարակչություն, Երևան, 1987
Վիքիցեղերն ունի նյութեր, որոնք վերաբերում են «Բելեվալիա պիկնաթա» հոդվածին։ |
Վիքիպահեստն ունի նյութեր, որոնք վերաբերում են «Բելեվալիա պիկնաթա» հոդվածին։ |