Բելդիբի
Բելդիբի (թուրքերեն՝ Beldibi), հանգստավայրային քաղաք Թուրքիայի հարավ-արևմուտքում, Անթալիայի մարզում։ Քաղաքը բաժանված է երեք շրջանների՝ Բելդիբի 1, Բելդիբի 2 և Բելդիբի 3։
| Քաղաք | ||
|---|---|---|
| Բելդիբի | ||
| թուրքերեն՝ Beldibi | ||
 | ||
| Երկիր |  Թուրքիա | |
| Մարզ | Անթալիայի մարզ | |
| Շրջան | Քեմերի շրջան | |
| Քաղաքապետ | Մուհիթթին Բյոջեք | |
| Բնակչություն | 9718 մարդ (2007) | |
| Ժամային գոտի | UTC+2 | |
| Հեռախոսային կոդ | +90 242 | |
| Փոստային ինդեքս | 079 85 | |
| Փոստային դասիչ | 079 85 | |
| Ավտոմոբիլային կոդ | 07 | |
| ||
Տեղակայում խմբագրել
Բելդիբին գտնվում է Անթալիա քաղաքի կենտրոնից 25 կիլոմետր դեպի հարավ։ Անթալիայի օդանավակայանից հեռավորությունը 39 կիլոմետր է, շրջկենտրոնից՝ Քեմերից՝ 17 կիլոմետր, Տավրոսյան լեռնահամակարգից՝ 7 կիլոմետր։ Քաղաքի մեծ մասը տեղակայված է Աթաթուրքի անունը կրող փողոցի վրա, որտեղ կան բազմաթիվ հյուրանոցներ, խանութներ և առանձնատներ։ Լեռնալանջերով անցնում է Անթալիա - Քեմեր ավտոմայրուղին։
Տնտեսություն խմբագրել
Բելդիբիում հիմնականում զարգացած էր անասնաբուծությունը։ Բանջարաբուծությունը զարգացած չէր, քանի որ առափնյա հողերի մեծ մասը աղի են։ Ներկայումս Բելդիբիի տնտեսության գլխավոր ուղղությունը տուրիզմն է։
Տուրիզմ խմբագրել
Քաղաքում մեծապես զարգացած է տուրիզմը, քանի որ քաղաքը բավականին մոտ է Անթալիային։ Քաղաքում կան բազմաթիվ հյուրանոցներ, որոնք հիմնականում պատկանում են համաշխարհային ցանցերի։ Հյուրանոցները գտնվում են գլխավոր փողոցի վրա։ Խանութներում հիմնականում վաճառում են հուշանվերներ, կաշվե իրեր, թուրքական քաղցրավենիք և ոսկյա զարդեր։ Քաղաքի սուպերմարկետներում կարելի է առևտուր կատարել քարտային համակարգով[1]։
Քաղաքային լողափն ավազե է։ Հյուրանոցների մասնավոր լողափերում ավազը բերվել է հարակից շրջաններից։ Քաղաքում մերձափնյա զբոսավայր, ինչպես, օրինակ, Մարմարիսում կամ Քեմերում է, չկա։
Ծանոթագրություններ խմբագրել
- ↑ «Магазины и шоппинг в Бельдиби». Արխիվացված է օրիգինալից 2014 թ․ հունվարի 22-ին. Վերցված է 2017 թ․ մայիսի 3-ին.