Բարբորա Շպոտակովա
Բարբորա Շպոտակովա (չեխ․՝ Barbora Špotáková, հունիսի 30, 1981[2][3][4], Յաբլոնեց նադ Նիսոու, Հյուսիսչեխական շրջան, Չեխիայի սոցիալիստական հանրապետություն, Չեխոսլովակիա[2][4]), չեխ նիզականետորդ, Օլիմպիական խաղերի կրկնակի չեմպիոն (2008 և 2012 թվականներ), 2007 թվականի աշխարհի չեմպիոն, 2014 թվականի Եվրոպայի չեմպիոն, աշխարհի ռեկորդակիր (72 մ 28 սմ)։
| Բարբորա Շպոտակովա | |
|---|---|
 | |
| Անձնական տեղեկություն | |
| Սեռ՝ | իգական[1] |
| Բնօրինակ անուն՝ | չեխ․՝ Barbora Špotáková |
| Մասնագիտացում՝ | javelin thrower և թեթևատլետ |
| Երկիր՝ |  Չեխիա |
| Ծննդյան ամսաթիվ՝ | հունիսի 30, 1981[2][3][4] (42 տարեկան) |
| Ծննդավայր՝ | Յաբլոնեց նադ Նիսոու, Հյուսիսչեխական շրջան, Չեխիայի սոցիալիստական հանրապետություն, Չեխոսլովակիա[2][4] |
| 182 սանտիմետր | |
| Քաշ՝ | 80 կիլոգրամ |
Կենսագրություն խմբագրել
Բարբորա Շպոտակովան ծնվել է 1981 թվականի հունիսի 30-ին Չեխոսլովակիայի Յաբլոնեց նադ Նիսոու քաղաքում։ Մարզվում է Պրահայի «Դուկլա» ակումբում։ Երկար տարիներ նրա մարզիչն է եղել Ռուդոլֆ Չեռնին, իսկ 2011 թվականից նա մարզվում է Օլիմպիական խաղերի եռակի չեմպիոն Յան Ժելեզնիի գլխավորությամբ[5]։
Բարբորա Շպոտակովա ամուսնացած է Լուկաշ Նովոտնիի հետ։ 2013 թվականի մայիսի 24-ին ծնվել է նրանց որդին՝ Յանեկը[6]։
Մարզական կարիերա խմբագրել
Բարբորա Շպոտակովան իր մարզական կարիերան սկսել է որպես յոթնամարտիկ։ 2000 թվականին նա աշխարհի պատանեկան առաջնությունում գրավել է չորրորդ տեղը։ Հետագայում նա սկսել է զբաղվել միայն նիզակի նետում մարզաձևով[7]։
2006 թվականին սահմանել է Չեխիայի ռեկորդ։ Այդ արդյունքը (66 մ 21 սմ), որ նա ցույց է տվել Թեթև ատլետիկայի IAAF առաջնության եզրափակչում, ներկայում գերազանցվել է 6 մ 7 սմ-ով։
2007 թվականին Բարբորա Շպոտակովան առաջին տեղն է զբաղեցրել աշխարհի առաջնությունում՝ նվաճելով Չեխիայի պատմության մեջ առաջին ոսկե մեդալը, որ ձեռք է բերվել աշխարհի առաջնություններում։ Առաջին փորձի ժամանակ Բարբորա Շպոտակովան ցույց է տվել 66 մ 40 սմ արդյունք, և որոշ ժամանակ եղել է առաջատարը, մինչև գերմանուհի Քրիստինա Օբերգֆյոլը նիզակը նետել է 66 մ 46 սմ։ Սակայն իր երրորդ փորձի ժամանակ Բարբորա Շպոտակովան ցույց է տվել 67 մ 7 սմ արդյունք և նվաճել ոսկե մեդալ։ Շպոտակովան առաջին կինն է, որ նիզակը նետել է 67 մետրից ավելի։
2008 թվականին Բարբորա Շպոտակովան արժանացել է Օլիմպիական խաղերի ոսկե մեդալի։ Երկար ժամանակ նա եղել է երրորդը, սակայն վճռական նետման ժամանակ նա ցույց է տվել 71 մ 42 սմ արդյունք՝ առաջ անցնելով Մարիա Աբակումովայից ու Քրիստինա Օբերգֆյոլից։ Այդ ցուցանիշը եղել է Եվրոպայի ռեկորդ։
Թեթև ատլետիկայի IAAF առաջնության եզրափակչում Բարբորա Շպոտակովան ցույց է տվել 72 մ 28 սմ արդյունք՝ սահմանելով աշխարհի նոր ռեկորդ։
Աշխարհի ու Եվրոպայի հաջորդ առաջնություններում Բարբորա Շպոտակովան միշտ եղել է առաջատարների թվում և նվաճել է մեդալներ, սակայն հաղթել չի կարողացել։ 2011 թվականին Հարավային Կորեայում անցկացված աշխարհի առաջնության ժամանակ Շպոտակովան առաջին փորձից հետո եղել թ առաջատարը (68 մ 80 սմ ցուցանիշով), սակայն նրանից առաջ է անցել Ռուսաստանը ներկայացնող Մարիա Աբակումովան, ով նիզակը նետել է 71 մ 25 սմ։ Հինգերորդ փորձի ժամանակ Շպոտակովան կրկին անցել է առաջ է անցել ռուսից, սակայն Աբակումովան նիզակը նետել է 71 մ 99 սմ և գրավել առաջին տեղը։ Վճռական նետման ժամանակ Շպոտակովան չի կարողացել գերազանցել այդ ցուցանիշը։
2012 թվականին Բարբորա Շպոտակովան հենց առաջին փորձից հաջողությամբ անցնել է Օլիմպիական խաղերի որակավորման փուլը։ Լոնդոնում անցկացված Օլիմպիական խաղերի ժամանակ նա արժանացել է ոսկե մեդալի։ Այդ ժամանակվա Եվրոպայի գործող չեմպիոն Վերա Ռեբրիկը չէր անցել որակավորման փուլը, իսկ Մարիա Աբակումովան ու մրցաշրջանի առաջատար Սունետա Վիլյունը հասել են մինչև եզրափակիչ, սակայն մնացել են առանց մեդալների։
Ելույթների վիճակագրություն խմբագրել
| Տարեթիվ | Մրցություն | Քաղաք | Տեղ | Մարզաձև | Արդյունք | Նշումներ |
|---|---|---|---|---|---|---|
| 2000 | Աշխարհի պատանեկան առաջնություն | Սանտյագո, Չիլի | 4-րդ | յոթնամարտ | 5689 միավոր | |
| 2004 | Օլիմպիական խաղեր | Աթենք, Հունաստան | 23-րդ | Նիզակի նետում | 58.20 մ | |
| 2005 | Ունիվերսիադա | Իզմիր, Թուրքիա | 1-ին | 60.73 մ | ||
| 2005 | Թեթև ատլետիկայի IAAF առաջնության եզրափակիչ | Մոնտե Կառլո, Մոնակո | 5-րդ | 61.60 մ | ||
| 2006 | Եվրոպայի առաջնություն | Գյոտեբորգ, Շվեդիա | 2-րդ | 66.12 մ | անձնական ռեկորդ | |
| 2006 | Թեթև ատլետիկայի IAAF առաջնության եզրափակիչ | Շտուտգարտ, Գերմանիա | 1-ին | 66.21 մ | Չեխիայի ռեկորդ | |
| 2007 | Աշխարհի առաջնություն | Օսակա, Ճապոնիա | 1-ին | 67.07 մ | Չեխիայի ռեկորդ | |
| 2007 | Թեթև ատլետիկայի IAAF առաջնության եզրափակիչ | Շտուտգարտ, Գերմանիա | 1-ին | 67.12 մ | Չեխիայի ռեկորդ | |
| 2008 | Օլիմպիական խաղեր | Պեկին, Չինաստան | 1-ին | 71.42 մ | Եվրոպայի ռեկորդ | |
| 2008 | Թեթև ատլետիկայի IAAF առաջնության եզրափակիչ | Շտուտգարտ, Գերմանիա | 1-ին | 72.28 մ | աշխարհի ռեկորդ | |
| 2009 | Աշխարհի առաջնություն | Բեռլին, Գերմանիա | 2-րդ | 66.42 մ | ||
| 2009 | Թեթև ատլետիկայի IAAF առաջնության եզրափակիչ | Սալոնիկ, Հունաստան | 2-րդ | 63.45 մ | ||
| 2010 | Եվրոպայի առաջնություն | Բարսելոնա, Իսպանիա | 3-րդ | 65.36 մ | ||
| 2011 | Աշխարհի առաջնություն | Տեգու, Հարավային Կորեա | 2-րդ | 71.58 մ | ||
| 2012 | Օլիմպիական խաղեր | Լոնդոն, Մեծ Բրիտանիա | 1-ին | 69.55 մ | ||
| 2014 | Եվրոպայի առաջնություն | Ցյուրիխ, Շվեյցարիա | 1-ին | 64.41 մ |
Հետաքրքիր փաստեր խմբագրել
- Բարբորա Շպոտակովայի հայրը՝ Ֆրանտիշեկ Շպոտակը, Չեխիայի տասնամարտի եռակի չեմպիոն է վետերանների շարքում։
Ծանոթագրություններ խմբագրել
- ↑ Olympedia — 2006.
- ↑ 2,0 2,1 2,2 2,3 2,4 Չեխիայի ազգային գրադարանի կատալոգ
- ↑ 3,0 3,1 World Athletics database
- ↑ 4,0 4,1 4,2 4,3 4,4 Regional Database of the Central Bohemian Research Library in Kladno
- ↑ Špotáková crowned Czech athlete of the year for 4th straight year
- ↑ «Барбора Шпотакова родила сына» (ռուսերեն). mir-la.com. 2013 թ․ մայիսի 25. Արխիվացված օրիգինալից 2013 թ․ օգոստոսի 29-ին. Վերցված է 2013 թ․ օգոստոսի 8-ին.
- ↑ Deutsch, Brian (2 հուլիսի, 2008), «Gophers assistant coach punches Olympic ticket» Արխիվացված 2008-07-14 Wayback Machine The Minnesota Daily
Արտաքին հղումներ խմբագրել
- Էջը IAAF կայքում (անգլ.)
- Էջը sport-reference կայքում Արխիվացված 2017-06-09 Wayback Machine (անգլ.)
- Results Women's Javelin Throw Final (անգլ.)
- Статья о Шпотаковой в «Спорт-Экспресс» (ռուս.)
 | Վիքիպահեստն ունի նյութեր, որոնք վերաբերում են «Բարբորա Շպոտակովա» հոդվածին։ |