Վիքիպեդիա

Բաշշար ալ-Ասադ

Սիրիայի նախագահ

Բաշշար Հաֆեզի ալ-Ասադ (արաբ․՝ بشار حافظ الأسد‎‎, սեպտեմբերի 11, 1965(1965-09-11)[1][2][3][…], Դամասկոս, Սիրիայի երրորդ հանրապետություն[4]), սիրիացի քաղաքական և պետական գործիչ, Սիրիայի նախագահ 2000-2024 թվականներին, Բաաս կուսակցության սիրիական ճյուղի նախագահ։

Բաշշար ալ-Ասադ
بشار الأسد‎
 
Կուսակցություն՝ Բաաս կուսակցություն (Սիրիա)
Կրթություն՝ Դամասկոսի համալսարան (1988) և Հոմսի ռազմական ակադեմիա
Մասնագիտություն՝ պետական գործիչ
Դավանանք Ալավիներ
Ծննդյան օր սեպտեմբերի 11, 1965(1965-09-11)[1][2][3][…] (59 տարեկան)
Ծննդավայր Դամասկոս, Սիրիայի երրորդ հանրապետություն[4]
Դինաստիա Ասադներ
Քաղաքացիություն  Սիրիայի երրորդ հանրապետություն
Հայր Հաֆեզ ալ-Ասադ
Մայր Անիսա Մախլուֆ
Ամուսին Ասմա ալ-Ասադ[5]
Զավակներ Hafez Bashar al-Assad?, Zain al-Assad? և Kareem al-Assad?
 
Ինքնագիր Изображение автографа
 
Պարգևներ

Կենսագրություն

խմբագրել

Երիտասարդական տարիներ

խմբագրել

Բաշշար ալ-Ասադը ծնվել է 1965 թվականի սեպտեմբերի 11-ին Դամասկոսում՝ երկրի ռազմաօդային ուժերի հրամանատար, բրիգադի գեներալ Հաֆեզ ալ-Ասադի ընտանիքում, որը պատկանում է մուսուլման փոքրամասնություն համարվող ալավիներին[17]։ Երբ Բաշշարը 5 տարեկան էր, նրա հայրը դարձավ Սիրիայի նախագահ, իսկ ավելի ուշ սկսեց գլխավորել Բաաս կուսակցությունը։

 
Ասադների ընտանիքը (ձախից աջ)՝ Հաֆեզ ալ-Ասադ (հայր), Անիսա Մախլուֆ (մայր), Բաշշար, Մահար (եղբայր), Մաջիդ (եղբայր), Բուշրա (քույր) և Բասիլ (եղբայր), 1970-ական թթ.

Նախնական կրթությունը Բաշշար ալ-Ասադը ստացել է Դամասկոսում գտնվող արաբա-ֆրանսիական «Հուրիա» քոլեջում։ 1982 թվականին նա ավարտել է ուսումը և ստացել բակալավրի կոչում։ 1988 թվականին կարմիր դիպլոմով ավարտել է Դամասկոսի համալսարանի բժշկական ֆակուլտետի ակնաբուժական բաժինը, ինչից հետո աշխատել է Տիշրին զինվորական հոսպիտալում[18]։

1991 թվականին (այլ տվյալներով՝ 1992-ին) նա մեկնել է Մեծ Բրիտանիա՝ պրակտիկան անցկացնելով «Western Eye Hospital» ակնաբուժական կենտրոնում։ Արտասահմանում Ասադը իր անվան փոխարեն օգատագործել է կեղծանուն, որպեսզի ոչ ոք չիմանա, որ իր հայրը Սիրիայի նախագահն է։

Սկզբնական շրջանում Հաֆեզ ալ-Ասադը նախատեսում էր նախագահի պաշտոնում նշանակել իր որդի Բասիլին, բայց վերջինս 1994 թվականին ավտովթարի հետևանքով զոհվում է։ Դժբախտությունը տեղի ունեցավ, երբ Բաշշարը գտնվում էր Լոնդոնում[19]։ Եղբոր մահից հետո նա վերադառնում է Սիրիա և ընդունվում Հոմս քաղաքում գտնվող զինվորական ակադեմիա։ 1995 թվականին կապիտանի կոչումով արդեն գլխավորում էր տանկային գումարտակ, այնուհետև Հանրապետական գվարդիան։ 1999 թվականի հունվարին նրան շնորհվում է գնդապետ զինվորական կոչում։

Քաղաքական գործունեություն

խմբագրել

2000 թվականի հունիսի 10-ին Սիրիայի նախագահ Հաֆեզ ալ-Ասադը սրտի անբավարարությունից մահանում է։ Հաջորդ օրը նախագահի պաշտոնակատար երկրի առաջին փոխնախագահը Բաշշար ալ-Ասադին շնորհում է գեներալ-լեյտենանտի զինվորական կոչում և նշանակում բանակի գերագույն հրամանատար։ Հունիսի 20-ին իշխող կուսակցության նիստում Բաշշար ալ-Ասադը ընտրվում է կուսակցության գլխավոր քարտուղար և նրա թեկնածությունը առաջադրվում է նախագահական ընտրություններում։ Հուլիսի 10-ին երկրում անցկացվում են ընտրություններ, որոնց արդյունքում Սիրիայի նախագահ է ընտրվում Բաշշարը՝ հավաքելով ձայների 97,29 % տոկոսը[20]։ 2007 թվականի մայիսի 27-ին Բաշշար ալ-Ասադը վերընտրվում է Սիրիայի նախագահի պաշտոնին։

Ծանոթագրություններ

խմբագրել
  1. ↑ 1,0 1,1 Internet Movie Database — 1990.
  2. ↑ 2,0 2,1 Բրոքհաուզի հանրագիտարան (գերմ.)
  3. ↑ 3,0 3,1 Roglo — 1997. — ed. size: 10000000
  4. ↑ 4,0 4,1 4,2 EUR-Lex — 2001. — P. 2.
  5. ↑ https://www.theguardian.com/world/2001/jan/03/1
  6. ↑ https://www.lemonde.fr/enquetes/article/2017/06/06/legion-d-honneur-le-revers-de-la-medaille_5139157_1653553.html
  7. ↑ https://www.nytimes.com/2018/04/20/world/europe/assad-france-legion-of-honor.html
  8. ↑ https://zakon.rada.gov.ua/laws/show/362/2002#Text
  9. ↑ https://www.alwatanvoice.com/arabic/news/2008/06/01/129056.html
  10. ↑ Matikkala A. Suomen Valkoisen Ruusun ja Suomen Leijonan ritarikunnat (фин.) — Helsinki: Edita, 2017. — P. 499. — ISBN 978-951-37-7005-1
  11. ↑ http://www.alriyadh.com/464904
  12. ↑ http://banchedati.camera.it/sindacatoispettivo_16/showXhtml.asp?highLight=0&idAtto=57321&stile=8
  13. ↑ Official Gazette of the Bolivarian Republic of Venezuela (իսպ.) // Gaceta Oficial de la República Bolivariana de Venezuela — 2010.
  14. ↑ http://memoria.ebc.com.br/agenciabrasil/galeria/2010-06-30/lula-recebe-presidente-da-republica-arabe-siria-no-itamaraty
  15. ↑ https://web.archive.org/web/20140429080726/http://www.marada-news.org/?q=node/3338
  16. ↑ https://web.archive.org/web/20140429052040/http://www.voanews.com/content/assad-in-iran-to-discuss-iraq-104203254/127153.html
  17. ↑ Minorities and the State in the Arab World, 1999 թ.
  18. ↑ "Коммерсантъ" օրաթերթ, Բաշար Ասադ|25.12.2006 թ.;
  19. ↑ Ахмедов В.М.Современная Сирия: история, политика, экономика, 2010 թ.
  20. ↑ "Коммерсантъ" օրաթերթ,Սիրիացիները հավատարիմ են Ասադների ընտանիքին,12.07.2000 թ.:
 Վիքիպահեստն ունի նյութեր, որոնք վերաբերում են «Բաշշար ալ-Ասադ» հոդվածին։
Ստացված է «https://hy.wikipedia.org/w/index.php?title=Բաշշար_ալ-Ասադ&oldid=10216518» էջից