Բագրատ Նավասարդյան
- Վիքիպեդիայում կան հոդվածներ Նավասարդյան ազգանունով այլ մարդկանց մասին։
Բագրատ Աբրահամի Նավասարդյան (1852[1], Վաղարշապատ, Երևանի նահանգ, Կովկասի փոխարքայություն, Ռուսական կայսրություն[1] - հոկտեմբերի 10, 1934[1], Թիֆլիս, ԱԽՖՍՀ, ԽՍՀՄ[1]), հայ հասարակական գործիչ, բժիշկ։
 | |
|---|---|
| Ծնվել է | 1852[1] |
| Ծննդավայր | Վաղարշապատ, Երևանի նահանգ, Կովկասի փոխարքայություն, Ռուսական կայսրություն[1] |
| Մահացել է | հոկտեմբերի 10, 1934[1] |
| Մահվան վայր | Թիֆլիս, ԱԽՖՍՀ, ԽՍՀՄ[1] |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Ազգություն | հայ |
| Կրթություն | Կայսերական բժշկա-վիրաբուժական ակադեմիա (1878)[1] |
| Մասնագիտություն | հասարակական գործիչ և բժիշկ |
| Անդամակցություն | Կովկասի հայոց բարեգործական ընկերություն[1] |
Կենսագրություն խմբագրել
Սկզբնական կրթությունը ստացել է Վաղարշապատում, ապա՝ Թիֆլիսում։ Ավարտել է Պետերբուրգի բժշկավիրաբուժական ակադեմիան (1878)։ Կամավոր մասնակցել է 1877-1878 թվականների ռուս-թուրքական պատերազմին (Կովկասյան ռազմաճակատում), բժշկական օգնություն ցույց տվել հայ գաղթականներին։ Երկար տարիներ տարբեր դպրոցներում եղել է հոգաբարձու։ 1880 թվականին Թիֆլիսում բացել է մասնավոր հիվանդանոց, որտեղ չքավորների բուժումն անվճար էր։ 1881 թվականին Թիֆլիսում նախաձեռնել է Կովկասի հայոց բարեգործական ընկերության հիմնադրումը և անփոփոխ եղել նրա պատվավոր նախագահը։ 1882 թվականին ճանապարհորդել է Արևմտյան Հայաստանում։ Կարինի «Պաշտպան հայրենյաց» ազատագրական ընկերության հիմնադիրներից է։ 1901 թվականին Թիֆլիսում հիմնել է «Մոսկվայի հնագիտական ընկերության կովկասյան բաժանմունքը»։ 1903 թվականին, հայ եկեղեցու գույքի և կալվածքների բռնագրավման կապակցությամբ կազմակերպած հակացարական ելույթների համար ձերբակալվել է, ապա՝ արտաքսվել Անդրկովկասից։ 1905 թվականին վերադարձել է Թիֆլիս, շարունակել հասարակական և բժշկական գործունեությունը (որպես վիրաբույժ)։
Հեղինակ է բազմաթիվ բժշկական հոդվածների (հրտ․ «Մշակ»-ում, «Տարազ»-ում, «Առողջապահական թերթ»-ում, «Կավկազ»-ում և այլն)։ Սովետական կառավարությունն ըստ արժանվույն է գնահատել Նավասարդյանի հասարակական և բժշկական գործունեությունը։ Բագրատ Նավասարդյանի կերպարը Րաֆֆին մարմնավորել է «Խենթ» վեպում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 190)։ 
|