Բաբկեն Սարկիսով
Բաբկեն Եսայու Սարկիսով (դեկտեմբերի 8, 1913[1], Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն[2][1] - փետրվարի 4, 1999, Երևան, Հայաստան), խորհրդային կուսակցական և պետական գործիչ։
| Բաբկեն Սարկիսով | |
|---|---|
 | |
| Ծնվել է | դեկտեմբերի 8, 1913[1] |
| Ծննդավայր | Շուշի, Ելիզավետպոլի նահանգ, Կովկասի փոխարքայություն, Ռուսական կայսրություն[2][1] |
| Մահացել է | փետրվարի 4, 1999 (85 տարեկան) |
| Մահվան վայր | Երևան, Հայաստան |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Արդբեջանի պետական նավթային ակադեմիա (1938)[1] և Մոսկվայի բարձրագույն կուսակցական դպրոց (1944)[1] |
| Մասնագիտություն | Q61889739? և քաղաքական գործիչ |
| Աշխատավայր | ԽՄԿԿ Կենտրոնական կոմիտե[1] |
| Զբաղեցրած պաշտոններ | ԽՍՀՄ գերագույն խորհրդի պատգամավոր |
| Կուսակցություն | ԽՄԿԿ[1] |
| Պարգևներ և մրցանակներ |     և  |
Բաբկեն Սարկիսովը ծնվել է Շուշի քաղաքում, ծառայողի ընտանիքում։ Հայրը՝ Սարկիսով Եսայու Մկրտչի, մայրը՝ Սարկիսով Հայկանուշ Ստեփանի։ Ավարտել է Ադրբեջանի ինդուստրիալ ինստիտուտի էներգետիկայի ֆակուլտետը (Բաքու, 1938) և ԽՄԿԿ ԿԿ-ին կից կուսակցական բարձրագույն դպրոցը (Մոսկվա, 1944)։ ԽՄԿԿ անդամ 1939 թվականից։
Աշխատանքային գործունեությունը
խմբագրելԱշխատանքային գործունեությունն սկսել է՝
- 1929 թվականից՝ Բաքվի տեխնիկական մատակարարման մեխանիկական արհեստանոցում
- 1938-1939 թվականներին աշխատել է Բաքվի Մ․ Մ․ Բուդյոննու անվան նավթավերամշակման գործարանում (ինժեներ, ավագ ինժեներ, գլխավոր մեխանիկի տեղակալ)
- 1941-1943 թվականներին նշանակվել է այդ գործարանում ԽՄԿԿ Կենտկոմի կազմակերպիչ։
- 1944 թվականից աշխատել է ԽՄԿԿ ԿԿ ապարատում (հրահանգիչ, սեկտորի վարիչի տեղակալ, սեկտորի վարիչ)։
- 1955 թվականին ընտրվել է ՀԿԿ Կենտկոմի քարտուղար,
- 1961 թվականից աշխատել է որպես ՀԽՍՀ Մինիստրների խորհրդի գիտահետազոտական աշխատանքների կոորդինացման պետական կոմիտեի նախագահ,
- 1966 թվականից՝ ՀԽՍՀ ավտոմոբիլային տրանսպորտի նախարար,
- 1970 թվականից՝ ՀԽՍՀ Նախարարների խորհրդի գների պետական կոմիտեի նախագահ։
- 1975 թվականի հուլիսից ՀԽՍՀ Գերագույն խորհրդի Նախագահության նախագահն է,
- 1977 թվականից՝ միաժամանակ ԽՍՀՄ Գերագույն խորհրդի նախագահության նախագահի տեղակալ։
- 1976-1981 թվականներին ԽՄԿԿ Վերստուգիչ հանձնաժողովի անդամ
- 1981 թվականից ԽՄԿԿ Կենտկոմի անդամության թեկնածու,
Եղել է ԽՄԿԿ 21-րդ, 25-րդ 26-րդ համագումարների պատգամավոր, ԽՍՀՄ 9-11-րդ, ՀԽՍՀ 5-րդ 10-րդ գումարումների Գերագույն խորհրդի պատգամավոր։
Պարգևներ
խմբագրելՊարգևատրվել է Լենինի, Հոկտեմբերյան հեղափոխության, Աշխատանքային կարմիր դրոշի շքանշաններով։ Մեդալով «Մոսկվայի պաշտպանություն համար», «Կովկասի պաշտպանության համար» և այլ մեդալներով։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 1,8 Հայկական սովետական հանրագիտարան, հատոր 10 (հայ.) — հատոր 10. — էջ 234.
- ↑ 2,0 2,1 2,2 Саркисов Бабкен Есаевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|