Բաբկեն Շահումյան
Բաբկեն Միքայելի Շահումյան (1906, Դիլիջան, Երևանի նահանգ, Կովկասի փոխարքայություն, Ռուսական կայսրություն - 1992), հայ արձակագիր, լրագրող, թարգմանիչ։ ԽՍՀՄ գրողների միության անդամ 1943 թվականից։ ԽՄԿԿ անդամ 1939 թվականից։
Բաբկեն Շահումյան | |
|---|---|
| Ծնվել է | 1906 |
| Ծննդավայր | Դիլիջան, Երևանի նահանգ, Կովկասի փոխարքայություն, Ռուսական կայսրություն |
| Վախճանվել է | 1992 |
| Մասնագիտություն | գրող |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Երևանի պետական համալսարան |
| Անդամակցություն | ՀԳՄ |
| Կուսակցություն | ԽՄԿԿ |
| Աշխատավայր | Ավանգարդ, Կանչ, Հայֆիլմ, ՀԽՍՀ Մշակույթի նախարարություն և Ոզնի |
| Բաբկեն Շահումյան Վիքիդարանում | |
Կենսագրություն խմբագրել
Բաբկեն Շահումյանը ծնվել է 1906 թ. փետրվարին Դիլիջանում։ Սովորել է Դիլիջանի երկրորդ աստիճանի դպրոցում, որն ավարտել է 1925 թվականին։ Դպրոցն ավարտելուց հետո 1925-1926 թթ. աշխատել է Ջարխեչ գյուղի դպրոցում որպես ուսուցիչ։ 1926 թ. ընդունվել է Երևանի պետական համալսարանի պատմալեզվաբանական ֆակուլտետը, սակայն նրան չի հաջողվում ավարտել՝ չորրորդ կուրսից, մոբիլիզացիոն կարգով, ուղարկում են Ալավերդի աշխատելու։ 1931-1935 թթ. աշխատել է Ալավերդու «Պղնձի ֆրոնտում» թերթի խմբագրությունում։ Մամուլի բնագավառում աշխատանքային գործունեությունը շարունակել է «Ավանգարդ», «Պիոներ կանչ», «Բանվորական Երևան», «Խորհրդային Հայաստան» թերթերի խմբագրություններում որպես բաժնի վարիչ, պատասխանատու քարտուղար, խմբագրի տեղակալ, խմբագիր[1][2][3]։
Հայրենական մեծ պատերազմի տարիներին ՀԿ(բ)Կ ԿԿ կողմից ուղարկվել է Կովկասի ռազմաճակատի քաղվարչության տրամադրության տակ Կերչ, որտեղ 1942 թ. փետրվար-հուլիս ամիսներին աշխատել է ռազմաճակատի «Боевая Крымская» թերթի հայկական հրատարակչական գծով խմբագրի տեղակալ։ 1939-1954 թթ. աշխատել է կինեմատոգրաֆիայի բնագավառում.1939-1949 թթ. Երևանի Համո Բեկնազարյանի անվան կինոստուդիայում Վավերագրական ֆիլմերի սեկտորի խմբագիր և տնօրեն, այնուհետև ՀԽՍՀ կուլտուրայի մինիստրության կինեմատոգրաֆիայի բաժնում՝ ֆիլմերի արտադրության վարչության խմբագիր, ապա վարչության պետ։
1954 թվականից ՀԿՊ ԿԿ որոշմամբ փոխադրվել է նորաստեղծ «Ոզնի» երգիծական հանդես որպես պատասխանատու քարտուղար և խմբագրական կոլեգիայի անդամ, 1968 թվականի մարտ ամսից աշխատել է որպես «Ոզնի» երգիծական հանդեսի գլխավոր խմբագրի տեղակալ, որտեղ աշխատել է մինչև թոշակի անցնելը 1982 թ. և թղթակցել մինչև իր մահը՝ 1992 թ. փետրվար ամիսը։ ՀԽՍՀ գրողների միության անդամ, ԽՍՀՄ և ՀԽՍՀ ժուռնալիստների անդամ, «Մարդիկ», «Աստղերը կմնան երկնքում», «Ճրագթաթի ծմակը», «Ո՞րին ապտակես» և այլ գրքերի հեղինակ, մի քանի վավերագրական ֆիլմերի և ակնարկների հեղինակ[4]։ Արժանացել է մի շարք կառավարական մեդալների և այլ խրախուսանքների։ Հայրենական Մեծ Պատերազմի մասնակից է։ Ունի Սովետական բանակի ավագ լեյտենանտի կոչում։
Երկեր խմբագրել
- Մարդիկ, Երևան, Պետհրատ, 1934, 148 էջ։
- Հաստ Թորոսի արկածները, Երևան, Պետհրատ, 1935։
- Աստղերը կմնան երկնքում, Երևան, Հայպետհրատ, 1944, 126 էջ։
- Ճրագթաթի ծմակը, Երևան, Հայպետհրատ, 1958, 196 էջ։
- Որին ապտակես, Երևան, «Սովետական գրող», 1977։
Թարգմանություններ (ռուսերենից) խմբագրել
- Գուլիա Գեորգի, Գարունը Սակենում, Երևան, Հայպետհրատ, 1950, 240 էջ։
- Կոժեսուբ, Ծառայում եմ հայրենիքին, Երևան, Հայպետհրատ, 1951, 218 էջ։
- Ռիիս Լ., Բարունգի Էմուի պատմությունը, Երևան, Հայպետհրատ, 1963, 63 էջ։
- Շիշովա Զ. Կ., Մեծ նավարկություն, Երևան, «Հայաստան», 1965, 419 էջ։
- Դուդինսկի-Մուխաձե Ի., Շահումյան, Երևան, «Հայաստան», 1974, 164 էջ։
Ծանոթագրություններ խմբագրել
- ↑ Գրական տեղեկատու։ Երևան։ «Սովետական գրող»։ 1986։ էջ 343-344։
- ↑ Հովակիմյան Բ.Մ. Հայոց ծածկանունների բառարան, 2005։ էջ 691։
- ↑ «ՀՀ ԳԱԱ Հիմնարար Գիտական Գրադարան քարտարան › Հեղինակավորի որոնում › Շահումյան, Բաբկեն Միքայելի, 1906-1992 (Personal Name)». opac1.flib.sci.am. Վերցված է 2019 թ․ փետրվարի 10-ին.(չաշխատող հղում)
- ↑ «Հայաստանի ազգային ագրարային համալսարանի գրադարան քարտարան › Փնտրման արդյունքներ for 'au:Շահումյան, Բաբկեն Միքայելի,'». koha.anau.am. Վերցված է 2017 թ․ փետրվարի 14-ին.(չաշխատող հղում)