Բաբկեն Արարքցյան
Բաբկեն Գուրգենի Արարքցյան (սեպտեմբերի 16, 1944, Երևան, Հայկական ԽՍՀ, ԽՍՀՄ - դեկտեմբերի 12, 2023), հայ քաղաքական, պետական գործիչ, ՀՀ ԳԽ (1991-1995), ԱԺ (1995-1998) նախագահ, ֆիզիկամաթեմատիկական գիտությունների թեկնածու (1972), դոցենտ (1977)։
| Բաբկեն Գուրգենի Արարքցյան | |
|---|---|
| Ծնվել է | սեպտեմբերի 16, 1944 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | դեկտեմբերի 12, 2023 (79 տարեկան) |
| Քաղաքացիություն |  ԽՍՀՄ, Հայաստան |
| Կրոն | Հայ Առաքելական Եկեղեցի |
| Կրթություն | ՄՊՀ մեխանիկա-մաթեմատիկական ֆակուլտետ և Երևանի պետական համալսարան |
| Գիտական աստիճան | ֆիզիկամաթեմատիկական գիտությունների թեկնածու |
| Մասնագիտություն | քաղաքական գործիչ |
| Աշխատավայր | Երևանի պետական համալսարան |
| Զբաղեցրած պաշտոններ | Հայաստանի Ազգային ժողովի պատգամավոր և Հայաստանի Ազգային ժողովի նախագահ |
| Կուսակցություն | ՀՀՇ |
Կենսագրություն
խմբագրելԾնվել է Երևանում։ Ավարտել է Մոսկվայի պետական համալսարանի մեխմաթ ֆակուլտետը (1966)։ 1977-1990 թվականներին դասախոսել է ԵՊՀ-ում, 1986 թվականից՝ հաշվողական մաթեմատիկայի մեթոդների կիրառումը բնական գիտությունների ամբիոնի վարիչ։ Ղարաբաղյան շարժման Հայաստանյան կոմիտեի (1988, մայիս) և ՀՀՇ հիմնադիր-անդամ (1989 թվականի նոյեմբերից 2000 թվականի դեկտեմբերը՝ ՀՀՇ վարչության անդամ)։ 1988 թվականի դեկտեմբերի 10-ին «Ղարաբաղ» կոմիտեի անդամների հետ ձերբակալվել է և 6 ամիս Մոսկվայում պահվել նախնական կալանքի։ 1990 թվականի մայիսին ընտրվել է ՀՀ ԳԽ պատգամավոր, օգոստոսին՝ ՀՀ ԳԽ նախագահի առաջին տեղակալ, այնուհետև՝ նախագահ։ 1998 թվականի փետրվարի 4-ին Լևոն Տեր-Պետրոսյանի քաղաքական խմբի հետ հրաժարական է տվել։ 1999 թվականից՝ Ժողովրդավարության և քաղաքացիական հասարակության զարգացման «Արմատ» կենտրոնի հիմնադիր-ղեկավար[1]։
Ծանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր առաջին. Երևան: ՀՀ ԳԱԱ, Հայկական հանրագիտարան հրատարակչություն. 2005. էջ 154.
Արտաքին հղումներ
խմբագրել| Նախորդող - |
ՀՀ Գերագույն խորհրդի նախագահի առաջին տեղակալ Բաբկեն Արարքցյան մայիսի 30, 1990 - հոկտեմբերի 26, 1991 |
Հաջորդող Արա Սահակյան |
| Նախորդող Լևոն Տեր-Պետրոսյան |
ՀՀ Գերագույն խորհրդի նախագահ Բաբկեն Արարքցյան հոկտեմբերի 26, 1991 - հուլիսի 22, 1995 |
Հաջորդող պաշտոնը վերացվել է, նույն ինքը որպես ՀՀ Ազգային ժողովի նախագահ |
| Նախորդող պաշտոնը հիմնադրվել է |
ՀՀ Ազգային ժողովի նախագահ Բաբկեն Արարքցյան հուլիսի 22, 1995 - փետրվարի 4, 1998 |
Հաջորդող Խոսրով Հարությունյան |