Ավետիք Բաբայան

Վիքիպեդիայում կան հոդվածներ Բաբայան ազգանունով այլ մարդկանց մասին։

Ավետիք Բաբայան (1844, Ալեքսանդրապոլ, Վրացա-Իմերեթական նահանգ, Ռուսական կայսրություն - 1913, Փարիզ), հայ հիգիենիստ։ Բժշկական գիտությունների դոկտոր (1887)։

Ավետիք Բաբայան
Ծնվել է	1844
Ծննդավայր	Ալեքսանդրապոլ, Վրացա-Իմերեթական նահանգ, Ռուսական կայսրություն
Մահացել է	1913
Մահվան վայր	Փարիզ
Կրթություն	Ս. Մ. Կիրովի անվան ռազմական բժշկական ակադեմիա (1870)
Մասնագիտություն	հիգիենիստ
Գիտական աստիճան	բժշկական գիտությունների դոկտոր
Ամուսին	Սոֆյա Բաբայան
Զավակներ	Մարգարիտ Բաբայան, Արմինիա Բաբայան, Շուշանիկ Բաբայան և Արմինե Բաբայան

Կենսագրություն

1870 թվականին ավարտել է Սանկտ Պետերբուրգի ռազմաբժշկական ակադեմիան։ Եղել է Կովկասյան բժշկական ընկերության կազմակերպիչ-անդամներից։ 1870-1874 թվականներին, որպես զինվորական բժիշկ, ծառայել է Ալեքսանդրապոլում, Թիֆլիսում (1878-1904 թվականներին՝ զինվորական հոսպիտալում), Աբասթումանում, ապա զբաղվել գիտական և հասարակական գործունեությամբ Թիֆլիսում, Ալեքսանդրապոլում, Հյուսիսային Կովկասում։ 1904 թվականին ընտանիքով տեղափոխվել է Փարիզ։

Աշխատանքները վերաբերում են նյարդային, վարակիչ (թոքերի տուբերկուլոզ և այլն) հիվանդությունների առաջացման ու տարածման, բալնեոլոգիայի խնդիրներին։

Աշխատություններ

• «Ուսումնարանի առողջապահութեան հարցեր» (1879)
• «Կրքեր եւ նոցա ազդեցութիւնը առողջութեան վրայ» (1880)
• «Բարակացավ - թոքախտը» (1889)
• «Եկեղեցական հիգիենա» (1903-1905)

Ընտանիք

• Կին՝ Սոֆյա Բաբայան, մանկավարժ
• Դուստր՝ Մարգարիտ Բաբայան, դաշնակահարուհի, երգչուհի (մեցցո-սոպրանո), երաժշտագետ, մանկավարժ։
• Դուստր՝ Արմինիա Բաբայան, նկարչուհի
• Դուստր՝ Շուշանիկ Բաբայան (Լալուա-Բաբայան), դաշնակահարուհի