Այծեմնիկ Զարդարյան

Այծեմնիկ Զարդարյան (1909, Ստամբուլ, Օսմանյան կայսրություն - անհայտ), հայ քանդակագործուհի։

Այծեմնիկ Զարդարյան
Ծնվել է	1909
Ծննդավայր	Ստամբուլ, Օսմանյան կայսրություն
Մահացել է	անհայտ
Քաղաքացիություն	Թուրքիա
Մասնագիտություն	քանդակագործ

Ծնվել է Կ. Պոլսում։ Փոքր հասակից ծնողների հետ տեղափոխվել է Եգիպտոս, որտեղ ստացել է նախնական կրթությունը՝ Կահիրեի Ազգային վարժարանում։ 1926 թվականից հետևել է տեղի «Դանթե Ալիգիերի» ընկերության Լեոնարդո դա Վինչիի անվան իտալական գեղարվեստական ուսումնարանի քանդակագործական բաժնի դասընթացներին, ավարտել է 1930 թվականին։ Դեռևս ուսանողական տարիներին մասնակցել է ցուցահանդեսների՝ մի շարք քանդակներով, որոնցից մամուլը բարձր է գնահատել «Աստվածամայրը» և «Առյուծը»։ Պատրաստել է նաև Զորավար Անդրանիկի հարթաքանդակ կիսանդրին։