Արցախի Հանրապետության սահմանադրական հանրաքվե (2017)

Արցախի Հանրապետության սահմանադրական հանրաքվե, Արցախի Հանրապետությունում 2017 թվականի փետրվարի 20-ին տեղի ունեցած համապետական իրավական ուժ ունեցող միջոցառում, որի արդյունքով փոխվեց երկրի բարձրագույն իրավական փաստաթուղթը՝ սահմանադրությունը։

Նախագիծ

Արցախի Հանրապետության սահմանադրական փոփոխությունների հայեցակարգին երկրի նախագահ Բակո Սահակյանը հավանություն է տվել 2016 թվականի օգոստոսի 15-ին։ Հայեցակարգը բաղկացած է նախաբանից, «Մարդու և քաղաքացու հիմնական իրավունքներն ու ազատությունները», «Կառավարման համակարգը», «Դատական իշխանությունը», «Տեղական ինքնակառավարումը» և «Հանրաքվեն» բաժիններից։

Քարոզարշավ

«Կողմ»

Սահմանադրական փոփոխություններին կողմ են իշխող «Արցախի ժողովրդավարական կուսակցությունը» և «Ազատ հայրենիքը» ։

«Դեմ»

Սահմանադրական փոփոխությունների նախագծին դեմ են Արցախի «Ազգային վերածնունդ կուսակցությունը» և «Հայ Յեղափոխական Դաշնակցութիւնը։

Ընթացք

Սահմանադրական փոփոխությունների մասին մինչև մարտ-ապրիլ ամիսները պաշտոնյանների զգալի մաս կողմ էր արտահայտվում խորհրդարանական մոդելին։ Սակայն հետագայում սկսեցին խոսել նախագահական մոդելի առավելությունների մասին, մինչև այդ շատերը պնդում էին, որ չպետք է տարբերվենք Հայաստանի կառավարման ձևից։ Ըստ ընդդիմության, սա ընդամենը փորձ է Բակո Սահակյանի իշխանությունը երկարաձգելու համար, տեսականորեն նա հնարավորություն ունի իշխել մինչև 2030 թվականը։

Արդյունքներ

Հանրաքվեի արդյունքներով ընդունվեց առաջարկվող սահմանադրության տարբերակը։

Ընտրություն	Քվե	%
Կողմ	69,570	90.05
Դեմ	7,686	9.95
Անվավեր	2,172	–
Ընդհանուր	79,428	100.00
Գրանցված/մասնակցած	103,818	76.51
Աղբյուր։ CEC Archived 2017-03-16 at the Wayback Machine.

Արտաքին հղումներ

• Արցախում սահմանադրական փոփոխությունների նախագիծը կդրվի հանրաքվեի Archived 2017-01-21 at the Wayback Machine.